Karikani B'aai 18:30 - Te B'aib'ara

³⁰ Ao e taku Aberaam, “Taiaoka ma tai un te UEA, b'a N na taetae riki. Ao tera am iango ngkana ti teningaun?” Ao E taku nakoina, “N na bon aki karaoia naba ngkana I kuneia teningaun.”

Karikani B'aai 18:30 ပူးပေါင်းရင်းမြစ်များ

Karikani B'aai 18:29

Ao e a manga taku riki Aberaam, “Tao aongkoa ti angaun.” Ao E taku te UEA, “N na bon aki kamaunaa naba ngkana angaun.”

Karikani B'aai 18:31

Ao E taku Aberaam, “Tai mamatauninga te UEA ngkana I reitanako riki au taetae nakoim. Ao aongkoa ti uangaun aika kuneaki b'a akea aia bure?” Ao E taku nakoina, “N na bon aki kamaunaa te kaawa ae buubura aei ngkana I kuneia uangaun.”

Karikani B'aai 44:18

Ao e waerake Iuta nakon Ioteb'a ao e taku, “Taiaoka Nao, kariaia b'a N na inaomata n taetae ma ngkoe. Tai un irou, b'a bon ti te arona ngkoe ma te uea.

Iobi 40:4

I taetae ni baba te UEA, tera ae N na kona ni kaeka? N na bon aki kataia n taekina riki te b'ai teuana.

Taian Areru 10:17

Te UEA, Ko na ongo aia buubuti akana mangori; ao Ko na kakorakorai nanoia.

Taian Areru 89:7

E korakora makakim irouia kaain te kauntira i karawa; Ko kakamaaku nakoia ake a mena i rarikim.

Taian Areru 9:12

Ko aki m'aninga taekan katuaaeaia akana a buakaka ke ni kakauongo nakon tangiia akana a kainano.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Tani Motiki-taeka 6:39

Ma e a manga tataro riki Kiteon nakon te Atua ni kaangai, “Taiaoka n aki un irou. Kariaia b'a N na kata riki te b'ai aei te kabanea n tai, b'a I aonga ni koaua raoi b'a Ko na boni buokai. N te tai aei ngkanne, e na manga m'au te buraentiibu, ao e na m'aim'ai te atiibu ae raababa aei n te aoi.”