Karikani B'aai 18:25 - Te B'aib'ara

²⁵ Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

Karikani B'aai 18:25 ပူးပေါင်းရင်းမြစ်များ

Karikani B'aai 18:24

Ngkana tao arona b'a iai nimangaun aomata aika akea aia bure i nanon te kaawa are buubura arei, e koaua b'a Ko nang kamaunaa naba te kaawa arei ni kabane? Ko aki kona n nanoangaia i bukin kamaiuaia ake nimangaun?

1.Rongorongo 16:33

Ane a na bane arokan te buakonikai n anene ni kukurei nakon te UEA E a roko b'a e na motikitaekaia aomata ni kabane n te aonnaba.

2.Rongorongo 19:7

Ma ngaia ae, kam na karaoa ami m'akuri ma karineana ao kam na riai n ataia b'a e aki kariaia b'a kam na karaoa ae e aki eti nakoia aomata nako ke ni babakanikawai.

Neemia 9:33

Ko a tia ni kaakaraoa ae e eti ngkana ko katuaaira i bukin ara bure.

Iobi 34:10

Ongora i Rou ngkami aika taani wanawana! E koaua b'a E kona ni karaoa te b'ai ae kaairua te Atua ae m'aaka?

Iobi 34:12

E aki karaoa ae buakaka te Atua ae m'aaka; E aki kona ni karaoa ae aki raoiroi nakon temanna.

Iobi 8:20

Ma e na bon aki kitana te aomata ae kakaonimaki te Atua, ke ni buoka te aomata ae buakaka.

Iobi 8:3

E bon aki kona ni minota te eti te Atua; E aki kona ni b'aka man karaoan te raoiroi.

Taian Areru 50:6

A kaotiota raoiroin te Atua taiani karawa: B'a bon te tia motiki-taeka Ngaia.

Taian Areru 58:11

Ane a na kaangai iai aomata, “Iai booni mwin aia m'akuri aomata akana raoiroi ae e na reke i rouia; bon iai te Atua ae te tia motika taekan aon te aba.”

Taian Areru 7:12

Ngkana a rawa aomata n rairaki man aroia, ao E na kakangiia ana kabaang te Atua, ao E na kab'aoua ana kainikatebe ni katauraoia.

Taian Areru 75:3

A ngae n ruru maan aika maiu, ao e m'aeiei aonnaba, Ma N na boni kawakini bouana b'a a na nene ni matoatoa.

Taian Areru 94:2

Te tia motiki taekaia aomata Ngkoe; Tei rake, ao anganiia akana kainikatonga rekeni kaiia ni kaeti ma baike a karaoi.

Taian Areru 98:9

I bukina b'a E roko n tautaekana te aba. E na tautaeka i aoia aomata nako i aonnaba n te eti ma te aki nanonano.

Te Minita 3:17

Ma ngaia are, I taku nako iu b'a e a tia te Atua ni kotea te tai ao te tabo i bukin b'aai nako. E na boni motikitaekaia aomata nako aika a buakaka, ao aika a raoiroi.

Te Minita 7:15

I a tia n noori b'aai ni kabane i nanoni maiu ae akea manena aei. I a tia n nooriia kaain te kaawa aika a mate i bukin karaoan te eti, ao I a tia n nooriia taani bure aika a maiu ni karokoa karaia.

Ieremia 11:20

I tataro nakon te UEA ni kaangai, “Te UEA ae Moan te M'aaka, Ko bon kaakaraoa ae e raoiroi, ao Ko atai iango ni kabane. Ma ngaia are, I onimakiniko b'a ko na buokai n irataangau.”

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

Etekiera 18:25

Ngkami aika Iteraera kam bukinai b'a e aki eti ae I karaoia! Ma kam ongora, tiaki ngai ae I karaoa ae aki eti ma boni ngkami!

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

Te Tua-Kaua 1:16

Ao tabeman naba, a riki b'a taani moti. I angania taani moti tuua aikai: “Ngkana kam ongoraai taian tangitang, ao kam na karaoa raoi te babaaire ae eti. Kam na katitebooi aron ami babaaire nakoia aomata ni kabane aika Iteraera, ke iruwa akana a maeka i buakomi.

Te Tua-Kaua 1:17

Kam na katitebooi naba ami babaaire nakoia aomata aika mangori ma aika korakora. Kam na aki maaka te aomata temanna. E aoria ngkana iai ae kakannato ae e kaoti n te bowi. E na buokingkami n anganingkami mooti aika raoiroi te Atua. Ngkana e rangi ni matoatoa te tangitang nakoimi, ao kam na uotia nako iu b'a N na baaireia.”

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Ebera 12:23

ma aia botaki taan onimaki ake naati ake kanga ai aroia moan nati, aika a koreaki araia i karawa; ao kam kaania naba te Atua ae te tia motiki taekaia aomata ni kabaneia, ao kam kaaniia naba tamneia aomata ake a b'ab'aina te eti, ake a tia ni karaoaki b'a a na kororaoi aroia n reitaki ma nanon te Atua.

Tani Motiki-taeka 11:27

Bon akea te kaairua ae I a tia ni karaoia nakoimi, ao e rangi ni kaairua ngkai ko a iangoa te buaka. I tataro nakon te UEA b'a E na kaotia b'a tao e eti Iteraera ke Ammon.