Karikani B'aai 18:19 - Te B'aib'ara

¹⁹ I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

Karikani B'aai 18:19 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 12:3

N na kakab'aiaia akana kakab'aiako, ao N na kamaraiaia akana kamaraiako. A na kakab'aiaki botannaomata nako iroum.”

Karikani B'aai 17:9

E taku te Atua nakon Aberaam, “Ko riai ni kariaia b'a ko na kawakina au boraraoi ma ngkoe, ngkoe ma kanoam n roro aika na roko.

Karikani B'aai 22:18

Ane a na bubutiai botannaomata b'a N na kakab'aiaia n aron kakab'aiakiia am kariki-a na riki baikai i bukina ngke ko ongotaeka irou.”

Karikani B'aai 35:2

Ao e taku Iakob'a nakoia ana utu ma aomata ni kabane ake a mena i rarikina, “Kanakoi antiia ianena akana a mena i roumi; kaitiakingkami, ao karin i aomi kunnikai aika itiaki.

2.Tamuera 22:22

I karaoa te b'ai are Ko tangiria ao I aki roko n te rairaki nakon karaoan te buakaka.

2.Tamuera 7:20

Bon am tia m'akuri ngai, ao Ko atai au iango nako, ma ngaia are, bon akea riki te b'ai ae I tangiria n taekinna.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 14:3

E kamaunai baangotan te aba ao taian baonikarea i bukin taian anti. E urui taian atiibu ake bannan taian anti ao e koroi ni kab'akai taiani boua ake a tabu ake a kabonganaaki i bukin taromaurian te anti are Nei Atera.

Neemia 9:7

Boni ngkoe te UEA ae Atuara, are e rinea Aberam ko kairiia mai Ura i B'aburon ao Ko aranna b'a Aberaam.

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Taian Areru 1:6

A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.

Taian Areru 11:4

E mena te UEA i nanon ana Tembora are tabu; ao e mena ana Kaintokanuea i karawa. E tarataraia aomata ni kabaneia n taabo nako, ao E atai baika a karaoi.

Taian Areru 34:15

E aki kaaki matana te UEA mairouia akana raoiroi; ao E ongo ni b'anaaia ni bubuti.

Taeka n Rabakau 22:6

Reireiniia natim ae e raoiroi, ao ane a na teimatoa n kaakaraoa ae e raoiroi ngkana a ikawai.

Itaia 38:19

Bon ti aomata aika a konaa ni karab'ako, n aron ae I karaoia n te bong aei. Rooro nako a na kaongoia te roro ake i mwiia aron am kakaonimaki.

Nakoaia Ibonga 14:42

A na manga kamanenaaki atiibu aika boou n onei mwiin ake a tia ni kanakoaki, ao e na kanim'aki naba te buraatita ae boou i aon te o.

Amota 3:2

“Bon ti ngkoe ae I a tia n rineiko man kawakiniko mai buakoia te botannaomata; ao bon anne bukina ngkai I bati ni karawawataingkami n ami bure mani katuaaingkami i bukiia botannaomata.”

Mataio 25:17

Ao ai aron naba teuare anganaki uoua te tarena, b'a e karakaa riki uoua te tarena.

Ioane 10:14

Ngai te tia kawakin tiibu ae e raoiroi; ao I ataiia au tiibu, ao a atai au tiibu,

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

M'akuri 27:31

Ma e taku B'auro nakon aia mataniwi te taanga ni buaka are tebubua kaaina, ao nakoia tautia, “Ngkana a aki tiku uaakai n te kaibuke, ao kam aki konaaki ni kamaiuaki.”

I-Ebeto 6:4

Ao ngkami taama, tai kauniia natimi: ma kam na tongaiia ma ni kairiia i aan te reireiaki ma te tuatuangaki aroia aika riai n ai aron nanon te UEA.

Te Tua-Kaua 32:46

ao e taku, Kam na ururinga te anene ae I a tia n reireiningkami n te bong aei. Ao e na riki b'a te b'ai n reirei nakoimi b'a kam riai ni manga reireiniia ami ataei b'a a na ongotaeka b'aai ni kabane akana m'akoro n Ana Boki n Tua te Atua.

1.Timoteo 3:12

A riai ni kaka temanna buia taani buobuoki ao a na rabakau n tauu aroia natiia ma oin aia utu n te aro ae riai.

2.Timoteo 1:5

I aki kona ni m'aninga taekan te onimaki ni koaua ane i nanom, are mena moa i nanon tibum are Nei Roiti ma tinam are Nei Eunike; ao I bon ataia b'a e mena naba ngkai i nanom.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

2.Timoteo 3:15

ao ko ataia b'a ma ngke te merimeri ngkoe ao ko a kaman ata te B'aib'ara ae tabu, b'a e kona ni kawanawanako ma ni kairiko nakon te kamaiuaki are reke n onimakinani Kristo Iesu.

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”

Tani Motiki-taeka 13:12

Ao e titiraki Manoa ni kaangai, Tera te tua ae ti na ira nanona, ao tera ae na karaoia natira ngkana e koro bukin am taeka ni berita?