Karikani B'aai 18:14 - Te B'aib'ara

¹⁴ Iai te b'ai ae kangaanga iroun te UEA? N aron are I a tia n taekinna, ao ruaiwa te nam'akaina mangkai, ao N na manga okirikaaki, ao e na reke natin Nei Taara te mm'aane.”

Karikani B'aai 18:14 ပူးပေါင်းရင်းမြစ်များ

Karikani B'aai 17:16

N na kakab'aiaa, ao N na karekea natim te mm'aane mai rouna. N na kakab'aiaa, ao e na riki b'a tinaia botannaomata nako, ao a na riki uea irouia kanoana.”

Karikani B'aai 17:21

Ma N na kaawakina au berita ma natim te mm'aane are Itaaka, are e na bungiia Nei Taara n te tai ae ai aron naba aei n te ririki ae na roko.”

Karikani B'aai 18:10

Ao e taku temanna mai buakoia uakekei, “Ruaiwa te nam'akaina mangkai, ao N na manga oki rikaaki, ao e na riki natin Nei Taara te mm'aane.” Ao e mena Tara i akuun Aberaam, ni mataroan te auti n rianna ni kakauongo.

Karikani B'aai 18:13

Ao E a manga taku te UEA nakon Aberaam, “E aera ngkai e ngarengare Nei Taara, ao e kaangai, ‘I boni kona ni bungia natiu ngkai I a rangi ni kara?’

Karikani B'aai 18:15

Ao e maaku Nei Taara, ao e kakewea, ao e taku, “Kai I aki ngare, ao e taku te anera, Ko boni ngare.”

Karikani B'aai 21:1

E kakab'aiaa Nei Taara te UEA n aron are E a tia n berita iai,

Karikani B'aai 21:2

ao e a bikoukou, ao e bungiia natin Aberaam te mm'aane ngke e a bon kara Aberaam. E bungiaki te tei arei ni bon te tai are e taekinna te UEA b'a e na bungiaki iai.

2.Uea 4:16

Ao e taku Eritai nako ina, N te tai naba ae ai aron aei n te ririki ae e na roko ao ko na b'ab'akoa ae bon oin natim te m'aane i m'anokani baim. Ao e taku neierei, I butiiko b'a ko na aki keweai b'a ana Aomata te Atua ngkoe.

Iobi 36:5

Ai korakora ra te Atua! Bon akea temanna ae kakeaa bonganana. Bon akea naba te b'ai ae aki ataia.

Iobi 42:2

I ataia te UEA b'a Ko bon rangi ni m'aaka n te aro are Ko boni karaoi b'aai ni kabane ake Ko tangiri ni kan karaoi.

Taian Areru 90:13

Te UEA, ai ti maanraa am Tai n un? Ani bita nanom, ao nanoangaira, ngaira aika am Toro.

Taian Areru 93:1

E uea te UEA. E kunnikaia n niiniiran te uea, ao E korakora m'akana. E tiku raoi ni matoatoa ni nena aonnaba ao e aki kona ni kam'aingaki.

Taian Areru 95:3

B'a bon te Atua ae kakannato te UEA, ao E m'aaka i aoia atua ni kabaneia.

Itaia 50:2

I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Ieremia 32:17

Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

Ieremia 32:27

Ieremia, Bon te UEA Ngai ae te Atua, ao I bon konaa ni karaoi b'aai ni kabane!

Taniera 6:20

Ao ngke e roko ikekei, ao e weewete n te b'anaa ni kananoanga ao e kaangai, “Taniera ae ana toro te Atua ae e maiu! E kona ni kamaiuko te Atua ane ko toro i rouna ma te kakaonimaki mairouia raian?”

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Tekaria 8:6

E na taraa ni kangaanga aei irouia au aomata aika a tiku, ma e a aki kangaanga irou, Ngai ae te UEA ae Moan te M'aaka.

Warekaia Iteraera 11:23

Ao E taku te UEA, “I kona ni karaoi b'aai ni kabane! Ko na nooria b'a a na koro bukin Au taeka ni kabane.”

Mataio 14:31

E waekoa Iesu ni kanakoa baina n taua, ao E taku nako ina, “Te aomata ae e karako am onimaki! Ko aera ngkai ko nanokokoraki?”

Mataio 19:26

Ao E tarataraia Iesu ao E taku nako ia, “A aki kona ni kamaiuia aomata i bon i rouia, ma a konaki b'aai nako iroun te Atua.”

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

Mareko 10:27

E taraia Iesu ao E taku, “E aki konaki aei irouia aomata, ma E konaki iroun te Atua: b'a a konaki b'aai nako iroun te Atua.”

Ruka 1:13

Ma e taku te anera nako ina, “Tai maaku, Takaaria! b'a E ongo am tataro te Atua, ao buum ae Nei Eritabeta, ane e na bungia natim te mm'aane, ao ko na aranna b'a Ioane.

Ruka 1:18

Ao e taku Takaaria nakon te anera, “Tera te b'ai ae N na ataia iai b'a e koaua anne? B'a I a unimm'aane ao e a kara buu.”

Ruka 1:37

B'a akea te b'ai teuana ae na aki konaki ni karaoaki iroun te Atua.”

Ruka 8:50

Ma ngke E ongo aei Iesu ao E taku nakon Iairo, “Tai maaku; ko na ti onimaki, ao e na manga uti natim.”

I-Rom 4:21

ma nanona ae koaua raoi b'a E na boni kakoroa bukin ana taeka n akoi te Atua.

I-Ebeto 3:20

Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora:

Te Tua-Kaua 30:3

Ao i mwiina, E na katoka katuaaeakimi ao E na manga akoingkami. Ngkana tao E a tia ni kamaenakoingkami nakon aaba ake i tabon aonnaba, ao E na manga kaokingkami

Te Tua-Kaua 7:21

Ma ngaia are, kam na aki maaku ngkana kam aitara ni buaka ma ngaiia. E korakora Atuami ao E kakamaaku, ao E na buaka i bukimi.

I-Biribi 3:21

are E na oniki rab'atara aika mangori, b'a a na riki n ai aron rab'atana ae mimitong, ni kabonganaan te m'aaka are E kona iai n tauu taekani b'aai ni kabane.

I-Biribi 4:13

I konai b'aai ni kabane ni kaitarai iroun Teuare kakorakoraai.

Ebera 11:19

E kakoaua Aberaam i nanona b'a E kona te Atua ni manga kamaiua Itaaka man te mate, ao aei kanga ai aron taekani manga utin Itaaka man te mate.

Tani Motiki-taeka 13:3

ma n te tai teuana E kaoti Ana anera te UEA nakoina ao e taku: E tuai man reke natim, ma n te tai ae aki maan ao ko na bikoukou ao e na reke natim te m'aane. E na riki b'a Ana b'ai te Atua man te tai are e moani bungiaki iai, ma ngaia are, e na aki kokoreaki iran atuuna. Ao i m'aain naba bungiakina, ao ko na aki momooi n te wain ke te biia ke ni kang am'arake aika tabuaki kanakiia n aron ake n ana Tua te Atua. E na moana kainaomataia Iteraera natim te m'aane mai rouia kaain Biritia.

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”