Karikani B'aai 18:1 - Te B'aib'ara

¹ Ao E kaoti te UEA nakon Aberaam n te oke are atoatongaki are ana oke Mamre. I nanon kabuebuen te tawanou teuana ngke e tabe n tekateka Aberaam n mataroan ana auti n rianna,

Karikani B'aai 18:1 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 13:18

Ma ngaia are, e kam'aea ana auti n rianna Aberam, ao e manga maeka i rarikin Oke ake atoatongaki, ake ana Oke Mamre i Eberon, ao e katea te baonikarea ikekei i bukin te UEA.

Karikani B'aai 14:13

Ma e birinako temanna, ao e taekin rongorongo aikai ni kabane nakon Aberam are I-Ebera are maeka i rarikin te Oke are atoatongaki, are ana Oke Mamre are kaain Amora. Ana itoman Aberam boni Mamre ma tarina ake, Etikora, ao Anera.

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Karikani B'aai 17:22

Ao E a kitana Aberaam te Atua ngke E a tia n taetae ma ngaia.

Karikani B'aai 18:22

Ao a kitana Aberaam mm'aane ake uoman akekei, ao a nako ni kaineta Tootom, ma E bon tiku te UEA i rarikin Aberaam.

Karikani B'aai 20:1

Ao e m'ananga Aberaam mai Mamre nako m'akoron Kanaan are mai maiaki, ao e maeka i marenan Kateti ma Tiura. Ngke e a boni maan teutana ni maeka i Kera,

Karikani B'aai 26:2

Ao E a tia ni kaoti te UEA nakon Itaaka ma n taku, “Ko na aki nako Aikubita; tiiku n te aba aei n aron are I tuangko b'a ko na tiku iai.

Karikani B'aai 35:27

Ao e nako Iakob'a nakon tamana are Itaaka i Mamre i rarikin Eberon, te tabo are a maeka ngkoa iai Aberaam ma Itaaka.

Karikani B'aai 48:3

Ao e taku Iakob'a nakon Ioteb'a, “E kaoti te Atua ae m'aaka nako iu i Ruti n te aba are Kanaan, ao E kakab'aiaai,

2.Rongorongo 1:7

E kaoti te Atua nakon Toromon n te tairiki anne n te mii ao e taku, “Toromon, bubuti i bukin b'aai ni kabane akana ko tangiri, ao N na anganiko.”

Te Otinako 4:1

Ao e titiraki Moote nakon te UEA ni kaangai, “Ngkana tao a bane aomata n rawa n ongo nakon au rongorongo, n akea temanna ae e kakoaua b'a ko kaoti nako iu?

M'akuri 7:2

Ao e kaangai Tetebano, Mm'aane aika taari, ma taama, kam na ongora. E kaoti te Atua are mimitong nakon tamara are Aberaam, ngke e mena i Metobotamia, ngke e tuai ni maeka i Aran.

Ebera 11:9

I bukin ana onimaki Aberaam, ao e maeka n iruwa n te aba are atongaki n te taeka n akoi; ao e maeka n um'anrianna ma Itaaka ma Iakob'a, aika iai naba tib'angaia n te taeka n akoi naba aei.

Ebera 13:2

Kam na ururinga akoaia iruwa. Iai tabem'aang aika karaoa anne, ao a aki ataia iai b'a a tia naba n akoia anera.

Iotua 5:13

Ao ngke e kaania Ieriko Iotua, ao e rina n noora te m'aane ae e tei i m'aaina ao e buuta ana kabaang. E kawaria Iotua ma n titirakinna, “Raora ngkoe, ke aiara?”