Karikani B'aai 17:8 - Te B'aib'ara

⁸ N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.

Karikani B'aai 17:8 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 13:15

N nang anganiko ma kanoam aaba ni kabane ane ko nooria, ao a na riki b'a am b'ai n aki toki.

Karikani B'aai 13:17

Ma ngaia are, ko na nako ngkai, ao ko na taraa aon te aba ni kabutaa i bukina b'a N nang anganiko ni kabane.”

Karikani B'aai 23:4

“Bon te iruwa ngai i buakomi, taiaoka ni kaboa te aba teuana nako iu, b'a N na tauna iai rab'atan buu.”

Karikani B'aai 26:24

Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

Karikani B'aai 28:4

E bia kakab'aiako n arona naba ngke E kakab'aiaa Aberaam, ao ko na b'aina te aba aei, ae ko a tia ni maeka iai, ae E a tia n anga te Atua nakon Aberaam.”

Karikani B'aai 35:27

Ao e nako Iakob'a nakon tamana are Itaaka i Mamre i rarikin Eberon, te tabo are a maeka ngkoa iai Aberaam ma Itaaka.

Karikani B'aai 36:7

E kitana ikekei i bukina ngke e aki tau te aba are e maeka iai ma tarina are Iakob'a, a bon rangi ni m'aiti aia nanai ni man n te aro are aki kona ni uaia ni maeka ni bootaki.

Karikani B'aai 37:1

E teimatoa ni maeka Iakob'a n te aba are Kanaan, are te aba are e maeka iai ngkoa tamana,

Karikani B'aai 48:4

ao E taku nako iu, ‘N na anganiko am kariki aika m'aiti, ao a na riki b'a au botannaomata; N na anga te aba aei nako ia am kariki b'a abaia n aki toki.’ ”

2.Tamuera 23:5

I a tia n tautaeka n te aro aei, ao E na bon aki kona n urua Ana berita nako iu. E a tab'anin raoi ana berita te Atua ao E aki konaa ni manga bitaki; E na bon teimatoa ni buokai ma n anganai te b'ai ae I kantaningaia.

1.Rongorongo 16:18

ngke e kaangai, “N na anganiko te aba are Kanaan.”

Taian Areru 103:17

E teimatoa ana ataataiaomata te UEA nakoia akana karinea; Ao E teimatoa arona n raoiroi nakon te rorona ma te rorona

Taian Areru 105:11

Ngke e kaangai, “N na anganiko te aba are Kanaan, b'a tib'angami ae kam na abanna.”

Taian Areru 105:9

Are ana boraraoi are E karaoia ma Aberaam, Ao ana taeka n akoi nakon Itaaka,

Te Otinako 13:11

E na karokoi ngkami te UEA n te aba are Kanaan, n aron are E a tia ni berita iai nako imi, ma ami bakatibu. Ngkana E anganingkami,

Te Otinako 21:6

ao e na tei i rarikin mataroan ke bouan te mataroa n te tabo n taromauri, ao e na ewara taningana teuare e b'aib'ai i rouna n te biti ae kakang tabona. Te aro aei are e na riki iai b'a te toro ni kabane maiuna.

Te Otinako 29:45

N na maeka i buakomi b'a Atuami Ngai,

Te Otinako 32:13

Uringa te berita are matoa are ko karaoia ngkoa ma Aberaam, Itaaka, ao Iakob'a. Ko berita b'a n te bong teuana a na m'aiti aia kariki kaanga itoin karawa ao Ko na anganiia abaia.

Te Otinako 40:15

Ao i mwiina, katabuia n ai aron naba katabuan tamaia, b'a Au ibonga n aki toki mai mwiin te katabutabu aei.

Te Otinako 6:4

I karaoa te boraraoi ao I berita nako ia b'a N na anganiia te aba are Kanaan, ike a maeka iai kaanga ianena.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Ieremia 25:5

A a tuangkami te b'ai are e taekinna te UEA: Bita maiumi! Ngkana kam katoka karaoan te buakaka, ao N na katikuingkami n te aba aei are I anganiia ami bakatibu n akea tokina.

Ieremia 31:1

E taku te UEA: Iteraera, I berita b'a n te bong teuana a na manga moan riki naba ami baronga nako b'a Au aomata, ao Ngai N na riki b'a Atuami.

Etekiera 11:20

ma au tua nako ma au taeka n reirei nako. Kam na riki b'a au aomata, ao N na riki b'a Atuami.

Etekiera 33:24

Etekiera ae natin te aomata, a taku aomata ake a maeka ni kaawan Iteraera ake a uruaki, “Bon ti Aberaam ae e anganna te UEA te aba ae Iteraera ni kabane. Ti a rangi ni m'aiti n aomata ngkai ao bon taani b'aib'ai ngaira n te aba aei.”

Nakoaia Ibonga 14:34

ake tuan te rebera are a reke n auti nako. (A na kamanenaaki tuua aikai irouia Iteraera ngkana a rin n te aba are Kanaan, are te aba are E a kaman anganiia te UEA b'a abaia.)

Nakoaia Ibonga 16:34

Kam na riai ni bukamarua te bong aei ni katoa ririki b'a boni Bongin Te Kab'ara Bure i bukin aia bure Iteraera ni kabane. E karaoi raoi b'aai ni kabane ake e tuangaki Moote iroun te UEA.

Nakoaia Ibonga 26:12

N na nakonako ma ngkami—N na riki b'a Atuami, ao kam na riki b'a au aomata.

Tekaria 8:8

ao N na uotiia ni kamaekaia i Ierutarem. A na riki b'a au aomata, ao N na riki b'a Atuaia, ae E kakaonimaki ni karaoa te eti.

Warekaia Iteraera 10:29

Ao e mena ikekei Obaba are kaain Miria are taman buun Moote, ao e taku Moote nako ina, “Ti nang nako nakon te tabo are E a tia ni berita iai te UEA nako ira. E a tia n taku b'a a na akea te kangaanga ae ti na bo ma ngaia. Ma ngaia are, ko na iriira b'a ti na bon tararuaiko raoi b'a a na akea naba te kangaanga iroum.”

Warekaia Iteraera 25:13

I berita b'a e teimatoa n riki b'a Au ibonga Bineati ma kanoana i bukina ngke e kaota te kakaonimaki nako Iu Bineati.”

Warekaia Iteraera 27:12

Ao E taku te UEA nakoni Moote, “Ko na nako n tam'arakea te Maunga are Abarim n te bongi teuana, ao mai ikekei, ko na noora te aba are N na anganiia Iteraera.

M'akuri 7:5

Ma bon akea abana ae E anganna mai iai: E aki anganna naba tao ab'akini m'anekana, ma E kab'aka ana taeka n akoi b'a E na anganna b'a abana, ao E na anganiia naba ana kariki i mwina b'a abaia, e ngae ngke akea natina ngkanne i rouna.

Te Tua-Kaua 14:2

E a tia n rineingkami te UEA ae Atuami mai buakoia bootanaomatan te aonnaba b'a Ana b'ai. Kam a b'ainaki iroun te UEA, ma ngaia are, kam na aki katotoongia aomata aika tataromauria atua riki tabeman.

Te Tua-Kaua 26:18

Ao ngkai kam a tia ni kariaia b'a kam na ongotaeka iroun te UEA, ao E a tia naba Ngaia ni kariaia b'a kam a riki b'a ana Aomata, ao Ana b'ai, n aron are E a tia ni berita iai.

Te Tua-Kaua 29:13

E berita te UEA n te boraraoi aei, b'a kam na riki b'a ana Aomata, ao E na riki b'a Atuami. E moan karaoa te boraraoi aei ma ami bakatibu ake Aberaam, Itaaka, ao Iakob'a, ao ngkai E a manga karaoa naba te berita aei nakoimi, ma tiaki ti nakoimi ma bon nakoia naba kanoami.

Te Tua-Kaua 32:49

Ko na waerake nakon Maungan Abarim ake a rinan i Moaaba ni kaaitaraa Ieriko. Ao ngkana ko roko i taberan te Maunga are Nebo, ao ane ko na noora te aba are Kanaan, are I anganiia Iteraera.

Te Tua-Kaua 32:8

b'a E anga te aba te UEA ae Moan te M'aaka nakoia botannaomata ni kabane ao E anga nako ia botannaomata anera n tatabemaniia nako ake a tia n tantani,

Te Tua-Kaua 34:4

Ao E taku te UEA, Moote, aio te aba are I taekinna ngke I berita nakoia Aberaam, Itaaka, ao Iakob'a b'a N na anganiia kanoaia. I a tia ni kaotia nakoim, ae ko na aki ri nanon te Karaanga are te Ioretan ma n rin n te aba arei.

Te Tua-Kaua 4:37

E tangiriia ami bakatibu te UEA, ao E a tia ni baaireia b'a kam na riki b'a ana Aomata. Ma ngaia are, E kamanenaa m'aakana ae korakora ni kaotinakoingkami mai Aikubita.

Ebera 9:15

I bukin aei ngkanne, ao Kristo boni Ngaia ae buoka reken te boraraoi ae boou, are a kona iai te koraki ake a weteaki iroun te Atua ni kab'aib'aiaki n te kab'aia ae akea tokina, are E a tia te Atua n taekinna n ana taeka n akoi. E kona ni karaoaki aei i bukina b'a iai te mate are kainaomataia aomata man taiani bure ake a karaoi ngke bon iai te moa ni boraraoi.

Iotua 1:2

E taku, “E a mate au toro are Moote. Katauraoiko ngkai, ngkoe ma aomatan Iteraera ni kabane, ao ri nanon te karaanga are te Ioretan nakon te aba ae N nang angania b'a abaia.

Te Kaotioti 21:7

Ane tokanikai ao e na b'aib'ai ni baikai; ao N na riki b'a Atuana, ao ngaia e na riki b'a natiu.