Karikani B'aai 17:7 - Te B'aib'ara

⁷ “N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Karikani B'aai 17:7 ပူးပေါင်းရင်းမြစ်များ

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

Karikani B'aai 17:13

A riai ni bane ni korotabonim'aneaki n tatabemaniia nako, ao e na riki aei b'a te kanikina i aon rab'atami b'a kaotan Au boraraoi ma ngkami ae akea tokina.

Karikani B'aai 17:19

Ma E taku te Atua, “Tiaki ngaia anne, ma e na kariki Nei Taara are buum, ao e na karika natim te mm'aane, ao ko na aranna b'a Itaaka. N na kawakina au Berita ma ngaia, ao kanoana ana kaawakinna n aki toki. Bon te berita ae akea tokina.

Karikani B'aai 26:24

Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 6:18

N na karaoa te boraraoi ma ngkoe. Ko na rin ma buum, ao natim mm'aane ma buuia i nanon te kaibuke.

Karikani B'aai 9:16

Ngkana e kaoti Nei Wirara i buakon taian nang, ao ane N na nooria, ao N na uringa iai au boraraoi i marenau ma ngkami ae akea tokina.

2.Tamuera 7:24

Ko a tia ni rinea Iteraera b'a Am aomata n aki toki, ao Ko a tia n riki b'a Atuaia.

1.Rongorongo 16:13

Bon kaain ana utu Iteraera ngkoe, are ana toro; bon ana aomata ngkoe ae e rineaki, are ana kariki Iakob'a.

1.Rongorongo 16:14

Bon te UEA Atuara, ao e uota te eti nako aon te aonnaba ni kabuta.

Taian Areru 81:10

Bon te UEA Ngai ae Atuam, ae I kairiko ni kaotinakoko mai Aikubita. Kaurea wiim ao N na kaam'arakeko.

Te Otinako 3:15

Ko na tuangiia b'a bon te UEA Ngai ae Atuaia aia bakatibu, Atuan Aberaam, Itaaka, ao Iakob'a, ae I kanakoko nako ia. Bon aei arau n aki toki, Aio arau ae a na aranai iai rooro aika rimwi.

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Te Otinako 6:4

I karaoa te boraraoi ao I berita nako ia b'a N na anganiia te aba are Kanaan, ike a maeka iai kaanga ianena.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Itaia 61:8

I tangira te motikitaeka ae eti Ngai ae te UEA! Ma I ririibaa te kimoa ao te motibuaka. au Aomata, I kamatoa au berita nakoimi b'a N na anganingkami kaniwangami te boraraoi ae akea tokina.

Ieremia 31:1

E taku te UEA: Iteraera, I berita b'a n te bong teuana a na manga moan riki naba ami baronga nako b'a Au aomata, ao Ngai N na riki b'a Atuami.

Etekiera 28:26

A na mano ao a na katei taian auti ma aia nne n aroka ni kureebe. A na aki manga reke n te kangaanga, b'a N na katuuaia aia kairiribai aika rangi n riiribaia. A na ataia Iteraera b'a bon aia UEA Ngai ao Atuaia.

Nakoaia Ibonga 11:45

Boni Ngai te UEA ae I kaotinakoingkami mai Aikubita, b'a I aonga n riki b'a Atuami. Kam na riai n tabuingkami b'a I tabu.

Nakoaia Ibonga 25:38

Uringnga, bon te UEA Ngai ae Atuami. I kamaiu ngkami mai Aikubita ao I anganingkami te aba are Kanaan, b'a I aonga n riki b'a Atuami.

Nakoaia Ibonga 26:12

N na nakonako ma ngkami—N na riki b'a Atuami, ao kam na riki b'a au aomata.

Nakoaia Ibonga 26:44

E aki akaaka b'a tera ae kam a tia ni karaoia, ma bon te UEA naba Ngai ae Atuami, ao N na bon aki manga katikui taekami, ke ni kairiribai ma ngkami i abaia ianena.

Nakoaia Ibonga 26:45

Ngke a mataku te botannaomata, ao I kamaiu ami bakatibu mai Aikubita b'a I aonga n riki b'a Atuaia. Eng, bon ami UEA Ngai, ao N na aki manga m'aninga ara boraraoi.

Nakoaia Ibonga 26:9

N na karaoa te aeka n akoi aei nakoimi b'a a aonga n rikirake ni korakora ami botannaomata, ao N na kawakina naba au berita ma ngkami.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Mataio 22:32

Bon Atuan Aberaam Ngai, ao Atuan Itaaka, ao Atuan Iakob'a? Tiaki Atuaia akana mate te Atua, ma bon Atuaia akana maiu.

Mareko 10:14

Ngke E nora aei Iesu ao E rin, ao E taku nakoia ana reirei, “Kanakomaia ataei nako Iu, ao tai tukiia; b'a Uean te Atua bon aia b'ai ataei aika ai aroia aikai.

M'akuri 2:39

B'a E a tia te Atua n anga ana taeka n akoi nakoimi, ao nakoia ami kariki, ao nakoia naba ake a mena i kiraroa, ake E weteia te UEA are Atuara nakoina.”

I-Rom 9:4

ake Iteraera, ake a tabekaki iroun te Atua b'a natina, ake E kaota mimitongina nakoia, ao E karaoi taiani boraraoi ma ngaiia; E anganiia te Tua, ao e reke i rouia te aro n taromauri ni koaua, ma taeka n akoi,

I-Ebeto 2:2

ake kam nakonako iai ngkoa ngke kam toua kawain aon te aba ae buakaka aei, ao ngke kam ira nanon te uea are tautaeka i aoia tamnei aika buakaka ake i aani karawa, ake tamnei ake a m'am'akuri ngkai i nanoia aomata aika aki-ongeaba;

Te Tua-Kaua 29:13

E berita te UEA n te boraraoi aei, b'a kam na riki b'a ana Aomata, ao E na riki b'a Atuami. E moan karaoa te boraraoi aei ma ami bakatibu ake Aberaam, Itaaka, ao Iakob'a, ao ngkai E a manga karaoa naba te berita aei nakoimi, ma tiaki ti nakoimi ma bon nakoia naba kanoami.

Ebera 11:16

Ma a bon tangira te tabo ae raoiroi riki, are i karawa. Ma ngaia are E aki mamaa te Atua n atongaki i rouia b'a Atuaia, b'a E a tia ni katauraoa aia kawa i bukiia.

Ebera 8:10

B'a aio te boraraoi ae N na karaoia ma te botannaomata ae Iteraera i nanoni boong aika na roko, bon ana taeka te Uea: N na karin au tua i nanon aia iango, ao N na koroi i nanoia. N na riki b'a Atuaia, ao ngaiia a na riki b'a au aomata.

Tani Motiki-taeka 2:1

Ao E m'ananga Ana anera te UEA mai Kirekara nako Bokim ao E anganiia Iteraera te rongorongo aei: I berita nakoia ami bakatibu b'a N nang anga te aba aei nakoia ami utu, ao e karokoia ami aomata aikai mai Aikubita. Ti karaoa ngkoa te berita, ao I berita b'a e na aki uruaki.