Karikani B'aai 17:4 - Te B'aib'ara

⁴ “I boraraoi ma ngkoe: I berita b'a ko na riki b'a aia bakatibu botannaomata aika m'aiti.

Karikani B'aai 17:4 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 16:10

Ao E a manga taku riki, “N na anganiko kanoam ae moan te m'aiti ae akea temanna ae kona ni warekia.

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 25:23

Ao E taku te UEA nako ina, “Bon uoua te botannaomata ane i birotom; Ko na bungiia uoua te botannaomata aika a kairiribai. E na korakora riki temanna nakon are temanna, E na m'akuri teuare te karimoa iroun teuare te karimwi.”

Karikani B'aai 28:3

E bia kakab'aiaa am mare te Atua ae M'aaka man anganiko natim aika m'aiti, b'a ko aonga n riki b'a tamaia botannaomata.

Karikani B'aai 32:12

Uringnga are Ko berita ngkoa b'a Ko na kanakoraoi b'aai ni kabane i buku ma n anganai au kariki aika m'aiti aika akea ae kona ni warekia, kaanga ai aron m'aitin tanon mataniwiin taari.”

Karikani B'aai 35:11

Ao E taku te Atua nako ina, “Boni Ngai te Atua ae moan te M'aaka. Karikiia natim aika m'aiti kurikuri. A na riki botannaomata mai roum, ao ko na riki b'a aia bakatibu taian uea.

Karikani B'aai 48:19

Ao e rawa tamana, ao e taku, “I ataia, I bon ataia. E na boni m'aiti naba kanoan Manate, ao e na riki naba b'a te botannaomata ae korakora. Ma e na korakora riki te bina aei nakoina, ao e na riki kanoana b'a te botannaomata ae korakora.”

Te Otinako 6:4

I karaoa te boraraoi ao I berita nako ia b'a N na anganiia te aba are Kanaan, ike a maeka iai kaanga ianena.