Karikani B'aai 17:17 - Te B'aib'ara

¹⁷ Ao e bobaraaki Aberaam ni kabo matana ma aontano, ma e ngare n ana iango ae kaangai, “E koaua b'a e kona ni kariki te aomata ngkana ai tebubua ana ririki ni maiu? E kona ni kariki Nei Taara ngkai ai ruabwi ana ririki?”

Karikani B'aai 17:17 ပူးပေါင်းရင်းမြစ်များ

Karikani B'aai 17:18

Ao e taku nakon te Atua, “E aera ngkai e aki karikaki Itimaera b'a te tia onea mwiiu?”

Karikani B'aai 17:3

Ao e bobaraaki Aberam, ao e kabooa matana ma aontano, ao E taku te Atua,

Karikani B'aai 18:11

A bon rangi ni kara Aberaam ma Nei Taara, ao e a m'akoro Nei Taara.

Karikani B'aai 18:12

Ma ngaia are, e ngare Nei Taara i nanona, ao e taku, “E koaua b'a e kona ni manga kukurei nanou ni wene ma buu? Ao i rarikina, e a bon rangi ni kara naba buu?”

Karikani B'aai 21:5

Ai tebubua ana ririki ni maiu Aberaam ngke bungiaki Itaaka.

Karikani B'aai 21:6

Ao e taku Nei Taara, “E a tia ni kakukureiai ma ni kangarengareai te Atua. Naake a ongo naba aei, a na ngare naba ma ngai.

Karikani B'aai 21:7

Ao e a manga taku, “Bon akea ae kakoaua b'a e na kona n riki natin Aberaam iroun Nei Taara. Ai maia naba te aro aei, ae I a b'ab'akoa naba natin Aberaam te mm'aane ngkai e a kara.”

1.Rongorongo 21:16

Ao e noora ana anera te UEA Tawita i nanon te akea n taua ana kabaang i aon Ierutarem. Ao a bane ngaia ma taan kairiiri i aon Iteraera, ake a kunnikaia ni kunnikai aika a mangaingai, ni bobaraaki ni kabomataia ma aontano,

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Etekiera 1:28

kaanga matan Nei Wirara ngkana e kaoti n tain buakan karawa. I a tib'a ataia b'a ngaia I a tia n noora raneanean mimitongin te UEA! Ma ngaia are, I bobaraaki ni kabooa matau ma aontano, ao I a manga rina n ongo te b'anaa ae e taetae nako iu.

Taniera 8:17

Ao e roko Kabiriera n tei i rarikiu, ao I a rangi ni maaku n te aro are I a b'aka i aontano. Ao e taku nako iu, “Natin te aomata, ko na atai nanoia. Bon taiani kaotioti i bukin tokin te aonnaba.”

Nakoaia Ibonga 9:24

Ao E kanakoa te ai te UEA n te tai ae e karina, ao e kamannangii karea ni kabuokaki ma m'akoron te man ake a nenea ake i aon te baonikarea. Ao ngke a noora arei aomata, a bane n takaarua ao a bobaraaki ni kabo mataia ma aontano.

Warekaia Iteraera 14:5

Ao e bobaraaki Moote n tataro i mataia aomata.

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

Warekaia Iteraera 16:45

“Kam'aawaingkami! N nang bon karokoa aia bong Iteraera n te tai aei.” Ao a kawaekoaia ni bobaraaki n tataro.

Mataio 2:11

Ao ngke a rin n te auti, ao a nora te merimeri ma Nei Maria are tinana, ao a katorobubua ni bobaraaki n taromauriia, ao a kaotinakoi aia b'aintangira aika koora, ma te riibano, ma te muura, ao a angan te merimeri.

Ruka 1:18

Ao e taku Takaaria nakon te anera, “Tera te b'ai ae N na ataia iai b'a e koaua anne? B'a I a unimm'aane ao e a kara buu.”

Ioane 8:56

E kim'areirei ami bakatibu are Aberaam ni kan nora te bong are N na roko iai; ao e a kaman noria, ao e kakatonga iai.”

Te Tua-Kaua 9:18

Ao I bobaraaki n te tabo n taromauri, ao I tataro nakon te UEA, ao I aki am'am'arake ma ni mooi i nanon 40 te bong ao te ngaina. Kam a tia ni karaoa te bure ae rangi ni buakaka are karaoan te bouananti, ao E bon rangi n ribaa te b'ai are kam karaoia te UEA. Ao E rangi n maraki nanona n te aro are E na boni kamaunaingkami ni kabane n reitaki naba ma Aaron. Ma ngaia are, I tataro i bukimi, ao i bukin naba Aaron n aron are I karaoia naba ngkoa, ao E kaekai au tataro te UEA n te tai aei.

Te Tua-Kaua 9:25

Ao i mwiin karaoan te bouananti are tamnein te kao teteei, ao E taku te UEA b'a E na tiringingkami. Ma ngaia are, I bobaraaki i matan te Um'antabunrianna i nanon 40 te ngaina ma te tairiki.

Iotua 5:14

Ao e kaeka teuarei, “Tiaki ngai raomi ke aiami, ma bon mataniwiin ana taanga ni buaka te UEA.” Ao e b'aka nako aontano Iotua ma n taromauria ao e kangai, “Bon am toro ngai. Tera ae ko tangiria b'a N na karaoia?”

Iotua 7:6

Ao a raeuai kunnikaia Iotua ma ana mataniwi, ao a iakiaki i aontano i matan Ana Ati ni Berita te UEA ni kabongnga, ao a tauni atuia n te baareka ni kaota rawawataia.

Te Kaotioti 11:16

Ao unimm'aane ake uangaun ma aman, ake a tekateka i aon aia kaintokanuea i matan te Atua, a katorobubua ni bobaraaki ao a taromauria te Atua,

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.

Tani Motiki-taeka 13:20

E ura te ai ni karokoa karawa, ao e waerake te anera arei n te ai nako karawa. Ao a bobaraaki Manoa ma buuna nako naano ngke a noori baikai.