Karikani B'aai 17:1 - Te B'aib'ara

¹ Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 17:1 ပူးပေါင်းရင်းမြစ်များ

Karikani B'aai 12:1

Ao E taku te Atua nakon Aberam, “Kitana abam, ma am koraki, ao ana auti tamam, ao naako nakon te aba ae N nang kaotia nakoim.

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 16:16

Ao ai 86 ana ririki ni maiu Aberam n te tai anne.

Karikani B'aai 18:1

Ao E kaoti te UEA nakon Aberaam n te oke are atoatongaki are ana oke Mamre. I nanon kabuebuen te tawanou teuana ngke e tabe n tekateka Aberaam n mataroan ana auti n rianna,

Karikani B'aai 18:14

Iai te b'ai ae kangaanga iroun te UEA? N aron are I a tia n taekinna, ao ruaiwa te nam'akaina mangkai, ao N na manga okirikaaki, ao e na reke natin Nei Taara te mm'aane.”

Karikani B'aai 24:40

Ao ngaia e taku, ‘E na kanakoa Ana anera te Atua ae I ongotaeka i rouna b'a E na raoniko, ao e na kororaoi bukin ane ko m'ananga iai. Ko na karekea buun natiu te mm'aane mai buakoia au koraki, ao ana utu tamau.

Karikani B'aai 26:2

Ao E a tia ni kaoti te UEA nakon Itaaka ma n taku, “Ko na aki nako Aikubita; tiiku n te aba aei n aron are I tuangko b'a ko na tiku iai.

Karikani B'aai 28:3

E bia kakab'aiaa am mare te Atua ae M'aaka man anganiko natim aika m'aiti, b'a ko aonga n riki b'a tamaia botannaomata.

Karikani B'aai 35:11

Ao E taku te Atua nako ina, “Boni Ngai te Atua ae moan te M'aaka. Karikiia natim aika m'aiti kurikuri. A na riki botannaomata mai roum, ao ko na riki b'a aia bakatibu taian uea.

Karikani B'aai 43:14

E bia karika te aomata arei te Atua ae m'aaka b'a e na nanoangaingkami, b'a e aonga ni kaoka tarimi ae Beniamin ma tarimi naba ake tabeman nako imi. Ngkana tao ai boni katauana b'a a nang akea natiu, ao kai are I a kataua naba.”

Karikani B'aai 46:3

Ao e taku te Atua, “Bon Atuan tamam Ngai. Ko na tai maaku ni m'ananga nako Aikubita; N na karikiia ami botannaomata b'a te botannaomata ae korakora ikekei.

Karikani B'aai 48:15

Ao i mwiin anne, ao e a kakab'aiaa Ioteb'a, “E bia kakab'aiaia ataei ni mm'aane aikai te Atua are a toro i rouna tamau ake Aberaam ao Itaaka. E bia kakab'aiaia te Atua are E a tia ni kairai nakon te bong aio.

Karikani B'aai 48:3

Ao e taku Iakob'a nakon Ioteb'a, “E kaoti te Atua ae m'aaka nako iu i Ruti n te aba are Kanaan, ao E kakab'aiaai,

Karikani B'aai 5:22

Ao e maiu n iraorao Enoka ma te Atua i nanon 300 riki te ririki i mwiina,

Karikani B'aai 5:24

E kabanea maiuna n iraorao ma te Atua, ao i mwiina, e a bon bua nako naba, b'a E anaia te Atua.

Karikani B'aai 6:9

Aio rongorongon Nooa. Bon iai natina mm'aane aika teniman aika Tem, Aam ao Iabeta.

1.Uea 2:4

Ko riai ni kakaonimaki n taai nako nakon te UEA ngkoe ma am kariki. Ngkana ko karaoa anne, ao ane E na kaawakina te berita aei ae E karaoia ma ngai b'a a na uea n taai nako ara utu i aon Iteraera.

1.Uea 3:6

Ao e kaeka Toromon: E kakaraoa te eti tamau are Tawita, ao ni karaoi naba mwiokoana ake ko tuangnga. Ko kakaonimaki nakoina, ao ko anganna te nati te m'aane are e a uea ngkai.

1.Uea 8:25

Te UEA ae Atuan Iteraera, Ko berita nakon tamau i aon Iteraera b'a e na uea n taai nako temanna man ana kariki tamau i aon Iteraera ngkana a teimatoa n ongotaeka nakoim n aron are e karaoia tamau.

2.Uea 20:3

Tai m'aninga te UEA are I a tia ni kakaonimaki nakoim. I a tia n ongotaeka iroum ma nanou ni kabane, ao I karaoi b'aai ni kabane ake Ko tuangai. Ao i mwiin arei ao e a tang ni korakai Etekia.

Iobi 1:1

N ririki aika b'akanako, te aomata ae arana Iobi e maeka n te aba are Uti. Bon te aomata ae moan te raoiroi, ao e raarawa ni karaoa te m'akuri ae buakaka.

Iobi 11:7

Ko kona ni kunea tian ma tokin korakoran, ao m'aakan te Atua?

Taian Areru 115:3

E mena Atuara i karawa; ni karaoa ae E bon taku.

Taian Areru 116:9

Ma ngaia ae N na nakonako ni iteram n te aonnaba aio ike a mena iai akana maiu.

Taian Areru 25:14

Te UEA bon raoraoia akana ongeaba i Rouna, Ao E karaoa ana boraraoi ma ngaiia.

Te Otinako 6:3

Ma ngke I kaoti nako ia Aberaam, Itaaka, ao Iakob'a, ao I roko b'a te Atua ae moan te m'aaka ao I aki kamanenaa arau.

Taeka n Rabakau 10:9

Kam na maiu ngkana kam kaakaraoa ae e raoiroi n taai nako ma kam na reke, ngkana e aki raoiroi maium.

Itaia 38:3

“Ko na aki m'aninga ae I a tia ni kakaonimaki nakoim. I a tia ni ongotaeka iroum ma nanou ni kabane, ao I karaoi b'aai nako aika ko taku b'a a eti.” Ao i mwiin aei, e a tang n takaarua.

Ieremia 32:17

Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Warekaia Iteraera 11:23

Ao E taku te UEA, “I kona ni karaoi b'aai ni kabane! Ko na nooria b'a a na koro bukin Au taeka ni kabane.”

Warekaia Iteraera 24:16

E roko rabakau mairoun te Atua ae Moan te Rietaata, ae Moan te M'aaka. I bobaraaki nako Ina, ao I noori taiani kaotioti i bukiia Iteraera.

Mataio 19:26

Ao E tarataraia Iesu ao E taku nako ia, “A aki kona ni kamaiuia aomata i bon i rouia, ma a konaki b'aai nako iroun te Atua.”

Mataio 5:48

Ma ngaia ae kam na moanibaan te raoiroi, n ai aron Tamami are i karawa ngkai moanibaan te raoiroi.

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

M'akuri 23:1

E kaeti matana B'auro n taraia kaain te Tanirim, ao e taku, “Taari, I a tia ni maiu i matan te Atua ma mataniwin nanou ae itiaki ni karokoa te bong aei.”

M'akuri 24:16

Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

I-Ebeto 3:20

Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora:

Te Tua-Kaua 10:17

E m'aaka riki te UEA ae Atuami nakoia atua ao uea tabeman, ao E na riai ni maakaki m'aakana are rangi ni korakora. A bane n eti n taai nako Ana babaire ni kabane, ao kam aki kona ni kamaraatona b'a E aonga ni bita Ana iango.

Te Tua-Kaua 18:13

Kam na aki bure ni karaoa te m'akuri teuana mai buakon baika a ribaaki aikai.

Te Tua-Kaua 30:20

Kam na riai ni kabanei nanomi n onimakina te UEA ae Atuami, tangiria, ao karaoi b'aai ni kabane akana E tuangkami. Bon ti te UEA ae kona n anga te maiu, ao E na kaananaui maiumi n te aba are E berita iai nakoia aia bakatibu ake Aberaam, Itaaka, ao Iakob'a.

I-Biribi 4:13

I konai b'aai ni kabane ni kaitarai iroun Teuare kakorakoraai.

Ebera 12:28

Ma ngaia aei, ngkae e a reke i roura te abanuea ae aki konaki ni kam'aeieiaki, ao ti riai ni kaitau ma n taromauria te Atua n te aro ae E na kukurei iai, ao ni kaota te karinerine ma te maaku;

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.