Karikani B'aai 16:5 - Te B'aib'ara

⁵ Ao e taku Nei Tarai nakon Aberam, “E bon nako mairoum te b'ai aei ngkai e a manga aki kubarai Nei Aka. I bon anganiko ngkoa, ao ngkai e a ataia b'a e a bikoukou, ao e a aki kubarai. Ke E baairei taekara te UEA b'a antai ae bure mai roura, ngkoe ke ngai.”

Karikani B'aai 16:5 ပူးပေါင်းရင်းမြစ်များ

Karikani B'aai 16:4

Ao ngke e a tia ni wene Aberam ma Nei Aka, ao e a bikoukou Nei Aka, ao e a rangi ni kamoamoa, ao e a aki kubara Nei Tarai.

Karikani B'aai 31:53

E na motikitaeka i marenara Atuan Aberaam, ao Atuan Naora.” Ao i mwiina, e a kamatoa ana boraraoi Iakob'a ni berita n aran te Atua are e tataromauria tamana are Itaaka.

2.Rongorongo 24:22

Ao ngke e nang mate Tekaria ao e taku, “Bon au tataro b'a E noori baikai te UEA ao E na bon katuaaingkami ni kabane.”

Taian Areru 35:23

Te UEA, kauti matam, ao buokai; Tei rake, te Atua ae au Uea, ao taetae i buku.

Taian Areru 43:1

Te Atua, Ko na kaota ae I eti, Tei i buku ni kaitarai bukinau irouia aomata aika akea karineam irouia; Kamaiuai mairouia aomata aika m'am'anaa te aba, aika babakanikawai.

Taian Areru 7:8

Te UEA, motikitaekaia botannaomata! Motika taekau, ao kaotai nakoia te koraki ae I b'aab'aina te koaua, ao I aki ataia b'a I bure ke I aki.

Te Otinako 5:21

Ao a taku mm'aane akekei, “E a tia ngkai te UEA n iangoia b'a E na katuaaingkami ni kauoman ngkai kam a tia ni kauna te uea nako ira. Ao ngkai e nang tiringiira.”

Ieremia 51:35

A kaikoakia tabeman maibuakora kaaini B'aburon ao a tiringiia tabem'aang. Ngkai, te UEA, karaoia b'a a na kabooa mwiina!”

Tani Motiki-taeka 11:27

Bon akea te kaairua ae I a tia ni karaoia nakoimi, ao e rangi ni kaairua ngkai ko a iangoa te buaka. I tataro nakon te UEA b'a E na kaotia b'a tao e eti Iteraera ke Ammon.

1.Tamuera 24:16

Ao ngke e bane ana taeka Tawita, ao e taku Tauro, “Boni ngkoe anne Tawita, Tawita ae natiu?” Ao e a tang.