Karikani B'aai 16:10 - Te B'aib'ara

¹⁰ Ao E a manga taku riki, “N na anganiko kanoam ae moan te m'aiti ae akea temanna ae kona ni warekia.

Karikani B'aai 16:10 ပူးပေါင်းရင်းမြစ်များ

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 16:9

Ao e taku neierei, “I biri nako mairoun au toka.” Ao e taku te Atua, “Naako okiria, ao bon ongotaeka naba i rouna.”

Karikani B'aai 17:20

I a tia n ongo am bubuti i bukin Itimaera, ma ngaia are, I a tia ni kakab'aiaa, ma n anganna natina aika m'aiti, ma kanoana aika m'aiti naba. E na riki b'a tamaia nati n uea ake tengaun ma uoman. N na karika te botannaomata ae buubura mairouia kanoana.

Karikani B'aai 21:13

Ao N na karekeia naba natin Itimaera aika m'aiti, are natin Nei Aka are te toro te aine, b'a aonga n riki b'a te botannaomata ae korakora. Ao bon natim naba te mm'aane ngaia.”

Karikani B'aai 21:16

ao e a tekateka ngaia tao e kaaniia tebubua te miita raroana ma te ataei. Ao e taku i nanona, “I aki kona n taratara natiu ngkana e mate.” Ao e a tekateka n tang ikekei.

Karikani B'aai 21:18

Teirake, ao naako anaia, ao katoka tangina. N na karekea te botannaomata ae korakora mairouia kanoana.”

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Maraki 3:1

Bon te UEA Ngai ae Moan te M'aaka, ae N na kanakoa te tia uarongorongo are e na katauraoa te kawai i buku. ao E na karina ni kaoti te UEA are kam kakaaea i nanon ana Tembora. E na roko te tia uarongorongo are kam tangiria ma au berita, ao ae i aon kawaina.

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

Tani Motiki-taeka 6:11

Ao n te tai teuana, te UEA e kanakoa ana Anera nakon te kaawa are Obera, ao e tekateka te anera arei i aan te aroka ae buubura are arokan Ioati, are kaain te kaainga are Abietera. Ao e tabe n oroi kunin ana uita Kiteon n te m'anono ae kaan ma te anera arei, n te tabo ae aki kona n nooraki iai irouia kaain Miiria.

Tani Motiki-taeka 6:16

Ao E taku te UEA, “Kiteon, ko kona ni kamaiuia Iteraera i bukina b'a N na buokiko. E na bon rangi ni beebete kataenikaiaia kaain Miiria b'a kaanga ai aron kataenikaian te aomata ae ti temanna.”