Karikani B'aai 15:5 - Te B'aib'ara

⁵ Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.”

Karikani B'aai 15:5 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 16:10

Ao E a manga taku riki, “N na anganiko kanoam ae moan te m'aiti ae akea temanna ae kona ni warekia.

Karikani B'aai 17:2

N na karaoa au boraraoi ma ngkoe, ao N na anganiko kanoam aika m'aiti.”

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 26:4

N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki.

Karikani B'aai 28:14

A na rangi ni m'aiti am kariki n ai aron m'aitin tanon aonnaba. Ao a na rababanako abaia ni wairio, ni waerake, nakoiang, ao n nakoaiaki, ao ane a na butiai botannaomata b'a N na kakab'aiaia n ai arou ngke I kakab'aiako ma am kariki.

Karikani B'aai 32:13

Ao ngke e a ngaina arei ikekei, ao e a rineia tabeman ana man aika kawakawa mai buakoia ana nanai ni maan aika kawakawa b'a ana b'aintangira nakon tarina are Etau:

1.Uea 3:8

Ao ngkai, N na tautaekaniia am Aomata aika a rineaki, e ngae ngke a aikoa konaa ni warekaki m'aitiia.

1.Rongorongo 27:23

Ngke e baireia Tawita b'a e na wareki m'aitiia Iteraera, ao e anga ana taeka b'a a na aki warekaki koraki ake a mena aia ririki ni maiu i aan uabwi, i bukina b'a E a tia ni berita te UEA n taai ake ngkoa b'a e na rangi ni m'aiti te botannaomata n Iteraera n ai aron itoin karawa.

Neemia 9:23

Ko kairiia nakon te aba are Ko a tia ni berita iai nakoia aia bakatibu, ao Ko kakab'aiaia aia botannaomata ma taian aomata ake a aki konaa ni warekaki m'aitiia kaanga itoini karawa.

Iobi 35:5

Tara karawa! Noori rietaatan taian nang!

Taian Areru 147:4

E a tia ni bairei m'aitin taian itoi, ao E karekei araia n tatabeua nako.

Te Otinako 32:13

Uringa te berita are matoa are ko karaoia ngkoa ma Aberaam, Itaaka, ao Iakob'a. Ko berita b'a n te bong teuana a na m'aiti aia kariki kaanga itoin karawa ao Ko na anganiia abaia.

Itaia 51:2

E rinea Aberaam ao Taara te UEA b'a ami bakatibu. E kakab'aia Aberaam te UEA ao man te aomata ane temanna anne ane a nako maiai kariki aika a m'aiti.

Ieremia 33:22

ao a na kam'aitaki riki ana kariki Tawita ao aia kariki ibonga ake kanoan Rewi nakon taiani itoi i karawa ke tanon te bike.

I-Rom 4:18

E teimatoa n onimaki Aberaam e ngae ngke akea bukin ana kaantaninga, b'a e na riki b'a tamaia botannaomata aika bati, n ai aron are atongaki ni kaangai: “Ai aron naba m'aitiia am kariki taian itoi.”

Te Tua-Kaua 1:10

E a tia te UEA ae Atuara ni kakab'aiaira, ao ngkai ti a bon rangi ni m'aiti n ai aron itoini karawa.

Te Tua-Kaua 10:22

Ngke a moani m'ananga ami bakatibu ni maeka i Aikubita, ao ti itingaun m'aitiia. Ma E a tia te UEA ni kakab'aiaingkami, ao ngkai kam a rangi ni m'aiti riki nakon taiani itoi i karawa.

Ebera 11:12

ma ngaia are a riki mairoun ae ti temanna ae kanga ae mate, kanoana aika ai aroni m'aitin itoini karawa, ao ai aron te tano ae i aon te bike, ae e aki konaki ni warekaki.

Iotua 24:3

Ao I anaa Aberaam are ami bakatibu anne man te aba anne ri aon te Iuberetiti ma ni karinna i aon te aba ae Kanaan ni kabuta. Ao I anganna ana kariki aika a m'aiti kurikuri. I a anganna natina are Itaaka.