Karikani B'aai 15:3 - Te B'aib'ara

³ Bon akea natiu ae Ko a tia n anganai, ao e nang onea mwiiu au toro temanna.”

Karikani B'aai 15:3 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 14:14

Ao ngke e ongo Aberam b'a e uotakinako b'a te taenikai ai natina are Rota, ao e bootia ana mm'aane ake taani buaka aika 318 bootaia, ao a taorimwiia uea ake aman nako Taan.

Karikani B'aai 15:2

Ma e kaeka Aberam, “Te UEA ae Moan te M'aaka, tera bonganan kaniwangau ae Ko na anganai ngkai, ao e tuai man reke natiu? Ao e nang b'aib'ai i mwiiu ngkana I mate teuare Erietera are kaain Tamateko.

Taeka n Rabakau 13:12

Ko konaa ni kaaorakiko man aki reke ae ko tangiria, ma bon te aroka ae e anga te maiu am iango ae ko tangiria ae e korobukina.

Taeka n Rabakau 29:21

Ngkana kam angan ami toro b'aai ni kabane ake e tangiria ao a na kananokawakiko n te bong teuana.

Taeka n Rabakau 30:23

Te aine ae e rangi n ribaaki ae a manga reke buuna, te toro te aine ae a manga onea mwiin te aine are ana toka.

Te Minita 2:7

Iai au toro, ao a manga riki natiia m'aane ma natiia aine b'a au toro naba. A m'aiti riki au tiibu ma au kooti nakoia aomata nako aika a tia ni maeka i aon Ierutarem.

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?