Karikani B'aai 15:1 - Te B'aib'ara

¹ Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Karikani B'aai 15:1 ပူးပေါင်းရင်းမြစ်များ

Karikani B'aai 15:2

Ma e kaeka Aberam, “Te UEA ae Moan te M'aaka, tera bonganan kaniwangau ae Ko na anganai ngkai, ao e tuai man reke natiu? Ao e nang b'aib'ai i mwiiu ngkana I mate teuare Erietera are kaain Tamateko.

Karikani B'aai 15:4

Ao E a manga ongo b'anaan te UEA ae kaangai, “E na bon aki b'aini am b'ai am toro ane Erietera i mwiin matem; e na bon b'aib'ai natim te mm'aane i mwiim.”

Karikani B'aai 21:17

Ao E ongo te Atua tangin te ataei arei, ao E a taetae te anera mai karawa nakon Nei Aka, ao e taku, “Tera ae aki rau nanom iai Nei Aka? Tai maaku. E ongo tangin te ataei te Atua.

Karikani B'aai 22:1

Ao i mwiin te tai ae aki maan, ao E a kataa Aberaam te Atua; ao E weteia ni kaangai, “Aberaam!” Ao e kaeka Aberaam, “Aio ngai!”

Karikani B'aai 22:20

Ao i mwiin te tai ae aki maan, ao e ongo Aberaam b'a a tia tarina are Naora ma buuna are Nei Mireka ni karekeia natiia aika waniman

Karikani B'aai 26:24

Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

Karikani B'aai 31:7

Ao ngaia e a tia n aonikaiai ni manga bita boou tebwina te tai. Ma E kawakinai te Atua b'a N na aki ikoaki i rouna.

2.Tamuera 22:3

Bon te b'a Ngkoe ae kamaiuau. Bon otangau Ngkoe, au b'ai ni buaka ae e korakora, au tabo ni katantan. Ko kamaiuai ao Ko kaawakinai b'a N na aki ikoaki.

2.Uea 1:15

Ao e taku ana Anera te UEA nakon Eria, Iriia ao tai maaku. Ma ngaia are, e teirake Eria ao e iranako te aobitia arei.

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

Taian Areru 115:10

Ngkami aika ana utu te ibonga are Aron, kam na onimakina te UEA b'a e na buokingkami mani kawakiningkami.

Taian Areru 119:114

Bon te tia kamanoai Ngkoe ao otangau; E wene au kaantaninga n am Taeka.

Taian Areru 142:5

Te UEA, I weteiko b'a Ko na buokai; te UEA, boni Ngkoe ae te tia kamanoai, Akea ae I kainanoia b'a ti Ngkoe n te maiu aei.

Taian Areru 18:2

Bon au b'a ni katantan ae rietaata ngkoe te UEA; Bon au nono ae matoatoa, ao te tia kamaiuai ngkoe; Bon Atuau ae nneu ni katanai ae I raba raoi i rouna; mairouia taan ribaai;

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 3:3

Ma bon otangau Ngkoe, ao Ko anganai te tokanikai, ma te karineaki ae bati.

Taian Areru 3:4

I kanenea b'anaau n tataro nakoim te UEA, ao Ko kaekaai man am Maunga are Tabu.

Taian Areru 5:12

Ara UEA, Ko na kakab'aiaia akana a ongotaeka iroum, a kamanoaki n am Tangira kaanga te otanga.

Taian Areru 58:11

Ane a na kaangai iai aomata, “Iai booni mwin aia m'akuri aomata akana raoiroi ae e na reke i rouia; bon iai te Atua ae te tia motika taekan aon te aba.”

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taian Areru 84:9

Te Atua, Ko na kakab'aia ara uea, are Ko a tia n rineia.

Taian Areru 91:4

E na rabuniko ni baina kanga ai aron te mannikiba ni kawakinia bunna i aani baina; E kakaonimaki te Atua ni kawakiniko ao ni kamanoko.

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Taeka n Rabakau 11:18

E uotiko te buakaka n taabo nako te tei ni baba, ma e kaniwanganaki te raoiroi.

Taeka n Rabakau 30:5

A bane ni koaua b'aai ni kabane aika e taekin te Atua ao bon te otanga i bukiia aomata nako aika a roko nakoina i bukin kamanoaia.

Itaia 35:4

“Kakukureingkami! Kam na aki maaku. E a roko te Atua b'a e na katuaaia ami kairiribai. Ane e na irantaangaia te Atua ao e na kamaiungkami.”

Itaia 40:10

Nooria! E a roko te UEA ae te Atua ae e rangi ni M'aaka b'a E na tautaeka ma baina ae e korakora. Uotana te b'ai ake e a tia n uotia nakon te buaka, ao E anganiia ana Aomata kaniwangaia.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 43:5

Ko na aki maaku b'a I raoniko. N na ikotingkami mai mainiku ao maeao.

Itaia 44:2

Bon ami tia karikib'ai Ngai. I tararuaingkami ngke kam tuai naba bungiaki. Iteraera, kam na aki maaku! Bon au tia m'akuri ngkami ae kam rineaki, maamaten nanou.

Itaia 44:8

Kam na aki ruru ni maaku! I bon aki taekinna nakoimi n taai ake ngkoa? Kam bon aki ongongora irou? Bon ti Ngai te Atua bon akea ai aron te b'aa ae e korakora.

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Ieremia 39:17

Ma N na kaawakiningkami Ngai ae te UEA, ao kam na aki uotaki nako ia aika kam maakuia.

B'aeb'aeti 3:24

Akea ae i kainanoia riki i rarikin te UEA, I a tau i rouna.

Etekiera 1:1

Ni kanimauani bongin te kaaua n nam'akaina n te katenibwi n ririki, I maeka Ngai ae Etekiera ae te ibonga are natin Buti te m'aane, ma Iutaia ake taenikai i rarikin te Karaanga are Keeb'ara i B'aburon. E uki karawa, ao I noora ana kaotioti te Atua.

Etekiera 11:24

Ao i mwiin anne i nanoni miiu, E a tabekai rake Tamnein te UEA ao e uotai ni kaokai nakoia taenikai ake tekorakina i B'aburon. Ao e mauna nako te mii arei mairou,

Etekiera 3:4

Ao e taku te UEA: Etekiera, I kanakoko nakoia ake oin am aomata.

Warekaia Iteraera 12:6

Ao ngke a tia n tuangiia b'a a na kakauongo raoi, ao E taku: “Bon te UEA Ngai, ae taetae nakoia burabeti n taiani kaotioti ma taiani mii.

Warekaia Iteraera 18:20

E na aki reke nako imi te aba teuana i aon Iteraera b'a abami. Bon te UEA Ngai, ao N na anganingkami b'aai ni kabane akana kam kainanoi.”

Warekaia Iteraera 24:4

E roko mairoun te UEA te Atua ae Moan te M'aaka. I bobaraaki nako Ina, ao I noora te kaotioti i bukiia Iteraera.

Mataio 28:5

Ao e taku te anera nakoia aine akekei, “Kam na aki maaku, b'a I ataingkami b'a kam ukoukora Iesu are kamateaki n te kaibangaki.

Mataio 8:26

Ao Ngaia E kangai nako ia, “Kam aera ngkai kam maaku? Ngkami aika a karako ami onimaki!” Ao E tei rake, ao E takua te ang ma naao, ao e a bati naba te ariki.

Ruka 1:13

Ma e taku te anera nako ina, “Tai maaku, Takaaria! b'a E ongo am tataro te Atua, ao buum ae Nei Eritabeta, ane e na bungia natim te mm'aane, ao ko na aranna b'a Ioane.

Ruka 1:30

E taku te anera nako ina, “Tai maaku, b'a E a reke i roum te akoaki mairoun te Atua.

Ruka 12:32

Tai maaku, ngkami aika karako m'aitimi b'a E kukurei Tamami n anganingkami ueana.

M'akuri 10:22

Ao ngaiia a kaangai, “Teuare Korenerio, are mataniwin te taanga ni buaka are tebubua kaaina, ae te aomata ae e raoiroi, ae rangi ni karinea te Atua, ae e kakamoamoaki arona irouia I-Iutaia ni kabaneia b'a te aomata ngaia ae e raoiroi, e tuangaki iroun ana anera te Atua b'a e na kaoko nakon ana auti b'a e na ongora n taeka mai roum.”

1.I-Korinto 3:22

B'a tao B'auro, ke Aboro, ke Keeb'a, ke aonnaba, ke te maiu, ke te mate, ke baika boou, ke baika na roko; ami b'ai ni kabane baikai,

Te Tua-Kaua 18:2

i bukina b'a E a tia ni berita te UEA b'a E na karerekei kainanoia n te aro aei.

Te Tua-Kaua 31:6

Kam na ninikoria ma ni korakora. Kam na aki maakuia botannaomata ake n iteran te Ioretan are teuana. E na teimatoa te UEA ae Atuami ni mena n ami itera, ao E na bon aki kitaningkami.

Ebera 1:1

N taai ake ngkoangkoa ao te Atua E taetae nakoia ara bakatibu irouia burabeti n te tai teuana ma teuana, ao n aaro aika bati;

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Ruuta 2:12

Ke E anganiko boom ae kororaoi te UEA, ae Atuaia Iteraera, i bukin am m'akuri ae ko a tia ni karaoi, b'a ko a roko i nanon ana Kakaawakin.”

1.Tamuera 15:10

Ao E taku te UEA nakon Tamuera,

1.Tamuera 9:9

Ao e kaeka Tauro, “E nang tamaroa! Ti a nako n noora te aomata ae kakaoti nako ina te kaotioti!”