Karikani B'aai 14:23 - Te B'aib'ara

²³ b'a N na bon aki taua te b'ai teuana man am b'ai nako, e ngae naba ngkana tao ti teaina te karai ke ti teuana kabaean te kauniwae. B'a ko kaawa ni manga kaangai, ‘A reke kaub'ain Aberam mairou.’

Karikani B'aai 14:23 ပူးပေါင်းရင်းမြစ်များ

1.Uea 13:8

Ao e taku, “N na bon aki iriko, e ngae ngke ko na anganai iterani abanueam. N na bon aki katoonga naba te am'arake ke te mooi naba n te tabo aei.

2.Uea 5:16

Ao e taku Eritai nakon ana tia m'akuri, “I tuea b'a N na bon aki anaa te b'aintangira teuana mairoum.” E teimatoa Naaman ni bubuti ma e bon rawa Eritai.

2.Uea 5:20

ao e taku i bon i rouna Keati, “E a tia au toka ni kanakoa Naaman ao n aki anaa te b'ai teuana mai rouna! E na riai ni butim'aea ana b'aintangira te I-Turia arei ma e aki. I tuea n aran te UEA b'a N na nakon Naaman, ao N na anai b'aai tabeua mai rouna.

Ioane 1:27

ae na waaki i mwiu. I aki tau b'a N na kab'ara kabaean ana kauniwae.”

2.I-Korinto 12:14

Noria, I a tauraoi ngkai ni kawaringkami te katenua n tai, ao N na aki karawawataingkami; b'a I aki ukoukori ami b'ai, ma I ukoukoringkami: b'a e aki riai b'a a na kaiko b'aai naati i bukiia kaaro, ma a na kaiko b'aai kaaro i bukiia naati.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”