Karikani B'aai 14:2 - Te B'aib'ara

² A nako ni buakaniia uea ake niman ake Bera are uean Tootom, Biretia are uean Komora, Tinaba are uean Atema, Temebera are uean Teboiim, ao uean Bera (ke Tooa).

Karikani B'aai 14:2 ပူးပေါင်းရင်းမြစ်များ

Karikani B'aai 10:19

ni karokoa e roko tian Kanaan i Titon are nakoiang nako Kera i rarikin Kaata, ao ni waerake naba nako Tootom, Komora, Atema, ao Teboiim i rarikin Ratia.

Karikani B'aai 13:10

Ao e taratara nako Roota, ao e noora te aba are ni m'aruan Ioretan nako Tooa b'a e m'aiti te ran iai kaanga ai aron nnen arokan te UEA.

Karikani B'aai 13:12

E tiku Aberam n te aba are Kanaan, ao e maeka Roota i rarikin kaawa aika buubura ake n te m'arua, ao e katea ana maeka i rarikin Tootom,

Neemia 11:34

Arita, Teboim, Neb'arata,

Itaia 15:5

Ai kaawara Moaaba! A biri nako kaaina nako Toa ao nako Ekerata-Teritiia. A tang i aon kawaia ni waerake nakon te kaawa are Ruita; A taekina rongorongon te kabuanib'ai i aon te kawai nako Oronaim.

Ieremia 48:34

E na ongo te aba te tang mai Etibon ae e roota Ereare ao Iaati; e na ongo te aba te tang mai Toa i Oronaim ao Ekera Teritiia. Ao e na m'auteretere Karaangan Nimrim ae e uarereke.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Te Tua-Kaua 29:23

b'a e a riki b'a te rereua ae rangi ni kabuebue ae taari aona ni kabane, ao te bubu ae m'auteretere, ao akea te aroka ae e kona ni unikaki iai, akea te aroka ae kona ni bwebwee iai, ao bon akea naba te aroka ae e kona ni maiu iai. A na riki abami b'a kaanga aron maten aaba ake i rarikin kaawa ake a buubura ake Tootom, Komora, Atema, ao Teboiim i mwiin unin te UEA irouia ao E kamaunaia.

Te Tua-Kaua 34:3

Ao te UEA, E kaota naba nakoina te aba are i maiaki, are moa man te m'arua are i rarikin kaawan Ieriko, are ataaki n arana ae Kaawan Kaai aika Baam, ni manga ruorikaaki nakon te kaawa are Toa.

1.Tamuera 13:18

Ao tekorakina man te taanga ni buaka a wairio ni kawain Beta Oron. Ao te katenua ni koraki man te taanga ni buaka e borake nakon te rereua n te kawai are n taubukin taiani maunga ake a kaaitaraa M'aruan Teboiim.