Karikani B'aai 14:10 - Te B'aib'ara

¹⁰ Ao e onrake te m'arua arei n taian nib'anib'a n taa, ma ngaia are, ngke a kataia ni birinako uean Tootom ma Komora man te bo ni buaka, ao a b'aka i nanon taian nib'anib'a akekei; ao uea ake teniman, a reke birinakoia nakoni maunga.

Karikani B'aai 14:10 ပူးပေါင်းရင်းမြစ်များ

Karikani B'aai 11:3

A kabooi nanoia ao a taku, “Bane mai b'a ti na karaoi buriki aika matoatoa. Ma ngaia are, a reke aia buriki are a na kateitei iai, ao te taa are a na kanimwi iai.”

Karikani B'aai 14:11

Ao a anai b'aai ni kabane uea ake aman mai Tootom ma Komora, n ikotaki ma taian am'arake, ao i mwina a nako.

Karikani B'aai 14:17

Ngke e oki Aberam i mwiin tokanikaina n te buaka i aon Ketoreraomera ma uea ake tabeman, ao e otinako uean Tootom ni butim'aia n te M'arua are Tiawe (e ataaki b'a Ana M'arua te Uea).

Karikani B'aai 14:21

Ao e taku uean Tootom nakon Aberam, “Kawakin b'aai akanne, ma ko na ti kaokiia au aomata nako iu.”

Karikani B'aai 14:3

A kabooi nanoia uea ake niiman, ao a booti aia taanga n te m'arua are Tirim, are aranaki b'a Taari ae Mate n taai aikai.

Karikani B'aai 14:9

uean Aram, Koiim, B'aburon, ao Erata. Ai aron ae niiman te uea ni kaaitaraia aman.

Karikani B'aai 19:17

Ao e taku te anera are temanna, “Biiri iangoi maiumi. Tai tanrikaaki, ao tai tiku i nanon te m'arua ma biiri nakon taian tabuki, b'a kam aonga n aki mate.”

Karikani B'aai 19:30

Ma e maaku Roota ni maeka i Tooa, ma ngaia are, e waerakei taian tabuki ma natina aine ake uoman, ao e maeka n taian nangananga ni b'a.

Taian Areru 83:10

Ko katae aia kai i Entora, Ao a wene ni mka rab'ataia i aontano.

Itaia 24:18

Ane ko na b'aka i nanon te ruarua ngkana ko maaku ma ni biri nako; ao ngkana ko manga kawanako man te ruarua, ko na manga m'ane ni b'aai ni kam'ane. E a tia ni bwenauaaki karawa kaanga te winto ae e kaukaki. A tia n ruru bouan aan te aonnaba;

Ieremia 48:44

Ngkana kam maaku ma ni biri, ao kam na b'aka i nanon te m'aruarua; ngkana kam kawakawa n otinako man te m'aruarua, kam na manga reke n te b'ainikam'ane. E a roko te tai are kam nang katuaaeaki iai.

Iotua 8:24

A bane n tiringaki aia kairiribai Iteraera n te tabo ngkoa are a kakioaki nako iai, ake aaba ake a rereua. Ao a manga okira Ai n tiringiia kaaina ni kabane.