Karikani B'aai 13:8 - Te B'aib'ara

⁸ Ao e taku Aberam nakon Roota, “A aki riai ni kauntaeka am aomata ma au aomata ngkai boni koraki ni kaan ngaira.

Karikani B'aai 13:8 ပူးပေါင်းရင်းမြစ်များ

Karikani B'aai 13:9

Ma ngaia are, ti riai ni maaenako. Ko na rinea m'akoron te aba ane ko tangiria. Ko nakon teuana, ao Ngai I nakon are teuana.”

Karikani B'aai 14:14

Ao ngke e ongo Aberam b'a e uotakinako b'a te taenikai ai natina are Rota, ao e bootia ana mm'aane ake taani buaka aika 318 bootaia, ao a taorimwiia uea ake aman nako Taan.

Karikani B'aai 45:24

Ao e kab'akaia i aoni kawaia, ao ngke a nako, ao e taku nako ia, “Kam na aki ngurengure i aoni kawaimi.”

Karikani B'aai 46:34

ao kam na ururingnga n tuangnga b'a bon taan tararuaia maan ngkami mairouia ami bakatibu. B'a ngkana kam karaoa anne, ao ane e na kamaekaingkami n te aba are Koten.” E taekina aei Ioteb'a b'a a aonga n aki manga kaawakiniia maan kaain Aikubita.

Taian Areru 133:1

Ai raoiroira ao ai rerei ra ngkana a maeka ni bootaki aomata n ai aroia taari!

Te Otinako 2:13

Ao ngke e manga oti nako Moote n te bong are i mwiina, e a manga nooria Ebera uoman aika a un. Ma ngaia are, e kawara te mm'aane are e moan karika te un ao e titirakinna ni kaangai, “E aera ngkai ko a manga bon orea raom ae bon kaain abam?”

Taeka n Rabakau 15:1

E karaua te nano ae e un te kaeka ae e nanorinano, ma a kakiriweea te nano taeka aika a kaebuebu.

Taeka n Rabakau 15:18

Te kakai un e kariki kiriwe aika a bati, ma te tiku n rau e kanakoraoi ngurengure nako.

Taeka n Rabakau 20:3

E taraa raoi taraami ngkana kam katoka te un bon ti aika a nanobaba aika a tatangira te kauntaeka.

Mataio 5:9

A a kab'aia taan raoi, b'a a na atongaki b'a natin te Atua.

M'akuri 7:26

N te bong are i mwiina, ao e nooriia uoman b'a a un. E kan raoiakiniia, ma ngaia are e kaangai, “Mm'aane, kai taari ngkami, kam aera ngkai kam a kaikoakingkami?”

I-Rom 12:10

Kam na i tangitangiri n ai aroia taari, ao tai tab'ara ni kaota aron te ikarinerine.

I-Biribi 2:14

Kam na karaoi b'aai ni kabane n aki ngurengure ma n aki kabo-taeka;

1.I-Tetaronike 4:9

Akea kainanoan te koroboki nako imi i bukin aromi n tangiriia raomi ni Kristian: b'a kam a bon tia n reireiaki iroun te Atua b'a kam na i tangitangiri;

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

Ebera 13:1

Ke e teimatoa aroia n i tangitangiri taari.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

1.Betero 2:17

Kam na karineia aomata ni kabaneia, ao tangiriia raomi ni Kristian. Maaka te Atua. Karinea te king.

1.Betero 3:8

Kabanean au taeka ngkanne: kam na bane ni b'aina te nano ae ti te arona, ma te namakin ae ti te arona; kam na tangiriia raomi ni Kristian, kam na nanoanga, ao kam na nanorinano.

1.Betero 4:8

Ma e a moamoa i aoni b'aai ni kabane b'a kam na kabatia te i-tangitangiri; b'a e rabuni buure aika rangi ni bati te tangira.

2.Betero 1:7

n raona maiumi ni Kristian n akoaia raomi n onimaki; n raona akoaia raomi n onimaki n te tangira.

1.Ioane 4:7

Ngkami aika kam tangiraki, ti na i tangitangiri: b'a mairoun te Atua te tangira; ao ane iai te tangira i rouna, ao e bungiaki mairoun te Atua, ao e ata te Atua.

Tani Motiki-taeka 9:26

Ao n te bong teuana, ao e nako ni maeka Kaara are natin Ebeta i Tekem. Ao a m'aing naba tarina nako ikekei, ao n te tai ae aki maan, ao a moanna ni mwiokoaki irouia taani kairiiri i Tekem.