Karikani B'aai 13:5 - Te B'aib'ara

⁵ Ao bon iai naba ana nanai n tiibu ma ana nanai ni kooti ma ana nanai ni kao Roota, ao ai uana naba ma ana utu, ao ana toro.

Karikani B'aai 13:5 ပူးပေါင်းရင်းမြစ်များ

Karikani B'aai 12:4

Ao E a manga moana m'anangana Aberam mai Aran ngke ai itibwi ma nimaua ana ririki ni maiu, n aron tuangana are e tuangnga te UEA b'a e na karaoia, ao e iri naba Roota.

Karikani B'aai 12:5

Ao e kaira Nei Tarai are buuna Aberam, ma ai natina are Roota, ao kaub'aina ma ana toro ni kabane ake a reke i Aran, ao a manga moana m'anangaia nakon te aba are Kanaan.

Karikani B'aai 13:6

Ma ngaia are, e a aki tau te tawaana n uteute i bukiia ni kauoman ngkai a bootaki ni maeka, b'a a rangi ni m'aiti aia nanai ni man.

Karikani B'aai 25:27

Ao a tabe n rikirake ataei akekei, ao e rikirake Etau b'a te tia kaeman ae bane arona, te aomata ngaia ae tatangira riki te m'akuri i tinanikun te auti, ma teuare Iakob'a, bon te aomata ae e aki kakarongoa ngaia, ae e a bon tiitiku naba n te auti.

Karikani B'aai 4:20

Ao Nei Ata e karika Iabara, are boni ngaia te moan aomata ni karaoa te kawakini man, ma ni mamaeka n auti n rianna.

Ieremia 49:29

Ane ana katobibiaki irouia ana taanga ni buaka aika akea maakuia, ma n anai ami autinrianna ma ami b'ai, ami tiibu ao ami kaamero nako.