Karikani B'aai 13:15 - Te B'aib'ara

¹⁵ N nang anganiko ma kanoam aaba ni kabane ane ko nooria, ao a na riki b'a am b'ai n aki toki.

Karikani B'aai 13:15 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 13:17

Ma ngaia are, ko na nako ngkai, ao ko na taraa aon te aba ni kabutaa i bukina b'a N nang anganiko ni kabane.”

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

Karikani B'aai 15:7

Ao E a manga taku te UEA nakon Aberam, “Boni Ngai te UEA are I kaotinakoko mai Ura i Kareria, ao I anganiko te aba aei b'a abam.”

Karikani B'aai 18:18

A nang riki kanoana b'a te botannaomata ae korakora, ao N na kakab'aiaia botannaomata nako mai rouna.

Karikani B'aai 24:7

E anaai te UEA ae Atuan karawa mai abaia tamau ma au koraki, ao E berita nako iu b'a E na anga te aba aei nakoia kanoau. Ane E na bon kanakoa te anera i m'aaim b'a ko aonga ni kona ni karekea buun natiu te mm'aane.

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 28:14

A na rangi ni m'aiti am kariki n ai aron m'aitin tanon aonnaba. Ao a na rababanako abaia ni wairio, ni waerake, nakoiang, ao n nakoaiaki, ao ane a na butiai botannaomata b'a N na kakab'aiaia n ai arou ngke I kakab'aiako ma am kariki.

Karikani B'aai 28:4

E bia kakab'aiako n arona naba ngke E kakab'aiaa Aberaam, ao ko na b'aina te aba aei, ae ko a tia ni maeka iai, ae E a tia n anga te Atua nakon Aberaam.”

Karikani B'aai 35:12

N na anganiko te aba are I anga ngkoa nakon Aberaam, ao nakon Itaaka, ao N na angania naba am kariki ake i mwiim.”

Karikani B'aai 48:4

ao E taku nako iu, ‘N na anganiko am kariki aika m'aiti, ao a na riki b'a au botannaomata; N na anga te aba aei nako ia am kariki b'a abaia n aki toki.’ ”

Karikani B'aai 50:24

Ao e taku nako ia tarina, “E a kaan mateu, ma E na boni kaawakiningkami te Atua ma ni kairingkami ni kaotinakoingkami man te aba aei nakon te aba are E a tia ni berita iai nakon Aberaam, Itaaka, ao Iakob'a.”

1.Rongorongo 16:18

ngke e kaangai, “N na anganiko te aba are Kanaan.”

2.Rongorongo 20:7

Atuara, ko kanakoia botannaomata ake a maeka n te aba aei i m'aain riniia am aomata aika Iteraera ikai, ao ko anganiia ana kariki raoraom are Aberaam n aki toki.

Taian Areru 37:22

A na abana te aba akana kakab'aiaki iroun te UEA; ma a na kakioaki nako akana a reke kaiia i rouna.

Taian Areru 37:29

A na abana te aba akana raoiroi, Ao a na maeka iai n aki toki.

Te Otinako 32:13

Uringa te berita are matoa are ko karaoia ngkoa ma Aberaam, Itaaka, ao Iakob'a. Ko berita b'a n te bong teuana a na m'aiti aia kariki kaanga itoin karawa ao Ko na anganiia abaia.

Te Otinako 33:1

E taku te UEA nakon Moote: Ko na kairiia aomata ni kaotinakoia mai Aikubita. Katauraoiko ngkai b'a ko na kairiia nakon te aba are I a tia ni berita iai nakoia aia bakatibu ake Aberaam, Itaaka, ao Iakob'a.

Itaia 63:18

E aki rangi ni maan ni b'ainaki am tembora iroura. ao ngkai a tia ara kairiribai ni kab'aka.

Warekaia Iteraera 34:2

b'a e na tuangiia Iteraera aron abaia:

Mataio 5:5

A a kab'aia akana a nimamamanei b'a a na abana te aba.

M'akuri 7:5

Ma bon akea abana ae E anganna mai iai: E aki anganna naba tao ab'akini m'anekana, ma E kab'aka ana taeka n akoi b'a E na anganna b'a abana, ao E na anganiia naba ana kariki i mwina b'a abaia, e ngae ngke akea natina ngkanne i rouna.

Te Tua-Kaua 34:4

Ao E taku te UEA, Moote, aio te aba are I taekinna ngke I berita nakoia Aberaam, Itaaka, ao Iakob'a b'a N na anganiia kanoaia. I a tia ni kaotia nakoim, ae ko na aki ri nanon te Karaanga are te Ioretan ma n rin n te aba arei.