Karikani B'aai 12:8 - Te B'aib'ara

⁸ Ao i mwiin anne, ao e a manga m'ananga nako aiaki nakon te aba are tabukibuki are i mainikun te kaawa ae buubura are Betaera, ao e katea ana maeka i marenan Betaera are i maeao ma Ai are i mainiku. E katea naba ikanne ana baonikarea, ao E taromauriia te UEA.

Karikani B'aai 12:8 ပူးပေါင်းရင်းမြစ်များ

Karikani B'aai 13:18

Ma ngaia are, e kam'aea ana auti n rianna Aberam, ao e manga maeka i rarikin Oke ake atoatongaki, ake ana Oke Mamre i Eberon, ao e katea te baonikarea ikekei i bukin te UEA.

Karikani B'aai 13:3

Ao e kiitana ikekei, ao e m'ananga man te tabo teuana nakon te tabo teuana nakon te tabo ae Betaera. Ao e a manga roko n te tabo are i marenan Betaera ma Ai, are e bon katea naba ngkoa ana auti n rianna iai mai m'aaina,

Karikani B'aai 13:4

ao e katea naba iai te baonikarea. Ao e taromauria te UEA iai.

Karikani B'aai 21:33

Ao Aberaam, e unika te aroka ae te Tamaritiki i Beerateb'a, ao e taromauria te UEA, ae te Atua ae akea tokina.

Karikani B'aai 22:9

Ao ngke a roko n te tabo are E tuangnga te Atua, ao e a karaoa te baonikarea Aberaam iai, ao e baairei taian aia i aona. E kabaea natina are Itaaka, ao e katokaa i aon te baonikarea i aon taian aia.

Karikani B'aai 26:25

Ao e karaoa te baonikarea Itaaka ikekei, ao e taromauria te UEA. Ao i mwiina, e katea ana auti n rianna ikekei, ao a manga kena riki te m'anib'a teuana ana toro.

Karikani B'aai 28:19

Ao e arana te tabo arei b'a “Betaera.” (Aran te kaawa aei ngkoa bon Ruti)

Karikani B'aai 31:25

Ao e a tia ni katea ana maeka Iakob'a i aon te maunga, ao e katea ana maeka Raab'an ma ana koraki i aban Kireata are tabukibuki.

Karikani B'aai 33:20

E katea te baonikarea ikekei, ao e aranna b'a Era-eroe-Iteraera, Atuaia Iteraera.

Karikani B'aai 35:3

Ti nang kitana ikai nako Betaera, b'a N na katea te baonikarea i bukin te Atua are E buokai ngkoa i nanon au tai ni mena i nanon te kangaanga, ao E memena irou n taabo nako ike I a tia n nako iai.”

Karikani B'aai 35:7

Ao e karaoa te baonikarea ikekei, ao e aranna b'a “Atuan Betaera,” i bukina ngke E kaoti te Atua nakoina ikekei ngke e birinako mairoun tarina.

Karikani B'aai 4:26

Ao e riki natin Teeta te mm'aane, ao e aranna b'a Enoti. Ao n taai akanne are a moanna iai aomata n taromauriia te Atua ma n taekina ae e kaangai, “Ti neboiko te UEA.”

Karikani B'aai 8:20

Ao e karaoa te baonikarea Nooa i bukin te UEA, ao e anaa kakatemanna te man ae kawakawa mai buakoia maan aika kawakawa ake a itiaki, ao mani mannikiba naba ake a itiaki, ao e kabuoki ni kab'anini b'a taiani karea i aon te baonikarea.

Neemia 11:31

A maeka kaain Beniamin ni kaawa aika Keeb'a, Mikemati, Aiia, Betaera kaawa aika a uarereke ake i rarikina nako,

Taian Areru 116:4

Ma ngaia are I wetea te UEA, “I butiko, te UEA, kamaiuai!”

Te Otinako 17:15

Ao e katea te baonikarea Moote, ao e aranna ni kaangai, “Bon au man n tokanikai te UEA.”

Itaia 10:28

A tia n roko taian taanga ni buaka n te kaawa are Aiata. A tia n ri nanon Mikeron, ao a kaawakin aia b'ai i Mikemati,

Ioera 2:32

Ao ane E na kamaiuia aomata nako te UEA aika a kakaonimaki n taromauriia. E a tia ni berita b'a a na iai aika a reke maiuia i aon te Maunga are Tion ao Ierutarem, ao e na mena i buakoia te aomata are E rineia.

M'akuri 2:21

Ao e na kamaiuaki ane m'anewea aran te UEA.

1.I-Korinto 1:2

Nakon ana ekaretia te Atua are i Korinto, ake aomata ni kabaneia ake a kaitiakaki i nanoni Kristo Iesu, ake a rineaki b'a ana aomata te Atua, ma aomata ni kabaneia n taabo nako ake a taromauria ara UEA are Iesu Kristo, are aia UEA ma ngaira.

Ebera 11:9

I bukin ana onimaki Aberaam, ao e maeka n iruwa n te aba are atongaki n te taeka n akoi; ao e maeka n um'anrianna ma Itaaka ma Iakob'a, aika iai naba tib'angaia n te taeka n akoi naba aei.

Iotua 18:22

Beta Araba, Temaraim, Betaera,

Iotua 22:10

Ao ngke a roko i Kirerota baronga ake Reuben, ma Kata, ao Manate mainiku, ao a katea te baonikarea ae buubura i mataniwiin te karaanga; bon i maeaon naba te Ioretan.

Iotua 7:2

E kanakoia tabeman m'aane Iotua mai Ieriko nako Ai, are i mainikun te kaawa are Betaera, i rarikin Beta-awen, b'a a na tuoa aon te aba. Ao a kaoka aia kaongora ngke a tia n tuoa te aba,

Iotua 8:12

E kairiia tao nimaua te ngaa tautia b'a a na karabaia i maeaon te kaawa, i marenan Ai ma Betaera.

Iotua 8:17

A bon baabane m'aanen Ai n otinako ni kakioia Iteraera, ao bon akea temanna ae tiku n te kaawa are Ai. E a bon tiku n uki te kaawa.

Iotua 8:3

Ma ngaia are e a katauraoi Iotua ma ana tautia ni m'ananga nako Ai. E rineia 30,000 ana tautia aika a rangi n ninikoria, ao e kanakoia ngke e bong

Iotua 8:30

Ao i mwiina Iotua e katea baoni karean te UEA ae Atuaia Iteraera i aon te maunga are Eeb'ara.

Iotua 8:9

Ao e kanakoia Iotua ao a nako nakon te tabo are a na karabaia iai. Ao a tataninga i maeaon Ai, are i marenan Ai ma Betaera. E matu Iotua n te tabo are katei iai aia auti ni motirawa.

Tani Motiki-taeka 6:24

Ao e karaoa te baonikarea Kiteon i bukin taromaurian te UEA, ao e aranna b'a “E kamaunanakoi makura te UEA.” Ao bon are e tei naba ngkai i Obera, te kaawa are i abaia kaain te kaainga are Abietera.

1.Tamuera 30:27

E kanakoa nakoia kaain Betaera, nakoia kaain Ram'a ni m'akoron Iuta are maiaki, ao nakoia kaain te kaawa are Iatira,