Karikani B'aai 12:2 - Te B'aib'ara

² N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 12:2 ပူးပေါင်းရင်းမြစ်များ

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 15:5

Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.”

Karikani B'aai 17:20

I a tia n ongo am bubuti i bukin Itimaera, ma ngaia are, I a tia ni kakab'aiaa, ma n anganna natina aika m'aiti, ma kanoana aika m'aiti naba. E na riki b'a tamaia nati n uea ake tengaun ma uoman. N na karika te botannaomata ae buubura mairouia kanoana.

Karikani B'aai 18:18

A nang riki kanoana b'a te botannaomata ae korakora, ao N na kakab'aiaia botannaomata nako mai rouna.

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

Karikani B'aai 19:29

Ngke E kamaunai taian kaawa aika buubura te UEA, ake n te m'arua are e maeka ngkoa iai Roota, ao E bon uringa naba Ana berita ma Aberaam, ma ngaia are, E kabirinakoa Roota nakon te tabo ae na maiu iai.

Karikani B'aai 24:1

Ao e a rangi ni kara ngkai Aberaam, ao E a tia te Atua ni kakab'aiaa ni b'aai ni kabane ake e a tia ni karaoi.

Karikani B'aai 24:35

E a tia ni kakab'aiaa au toka are te UEA, ao E karikia b'a te aomata ae kaub'ai. E anganna ana nanai n tiibu, ana nanai ni kao, ana tirewa, ana koora, ana toro aika aine ma mm'aane, ana kamero, ao ana aati.

Karikani B'aai 25:11

Ao i mwiin maten Aberaam, ao te Atua, E kakab'aiaa Itaaka ngke e maeka i rarikin “Ana m'anib'a Teuae Maiu ae Noorai” ke “Beera-raai-roi”.

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

Karikani B'aai 26:4

N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki.

Karikani B'aai 27:29

Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.”

Karikani B'aai 28:14

A na rangi ni m'aiti am kariki n ai aron m'aitin tanon aonnaba. Ao a na rababanako abaia ni wairio, ni waerake, nakoiang, ao n nakoaiaki, ao ane a na butiai botannaomata b'a N na kakab'aiaia n ai arou ngke I kakab'aiako ma am kariki.

Karikani B'aai 35:11

Ao E taku te Atua nako ina, “Boni Ngai te Atua ae moan te M'aaka. Karikiia natim aika m'aiti kurikuri. A na riki botannaomata mai roum, ao ko na riki b'a aia bakatibu taian uea.

Karikani B'aai 46:3

Ao e taku te Atua, “Bon Atuan tamam Ngai. Ko na tai maaku ni m'ananga nako Aikubita; N na karikiia ami botannaomata b'a te botannaomata ae korakora ikekei.

2.Tamuera 7:9

I buokiko n taabo nako ike ko nako iai, I buokiko ni kamaunaia am kairiribai i boni matam. Ao I karikiko b'a temanna mai buakoia aomata aika kabanea ni kakannato ao n tanoata n te aonnaba.

1.Uea 1:47

Ao ongora aia taeka ana aobitia Toromon nakon Tawita, “Bon ara tataro b'a E na buoka Toromon Atuam ni karikia b'a te uea ae e korakora riki nakoim.” E wene Tawita i aon ana kainiwene n te tai arei ma e bobaraaki

Iobi 35:8

E bon rawawata raom n aomata n am bure, ao te raoiroi ae ko karaoia, e na bon buokaki naba iai raom n aomata.

Taian Areru 107:38

E kakab'aiaia ana Aomata ni kabatiai natiia; Ao E kawakinia aia kao b'a a na aki kerikaki m'aitiia.

Te Otinako 1:7

ma a riki rake ni m'aiti aia kariki Iteraera, ao a karikiia natiia aika m'aiti ma ni korakora ni karib'aia kaain Aikubita,

Te Otinako 32:10

ao I a rangi ni un n te aro are N nang karaoi taekaia, ma ngaia are, ko na aki tautauai. Ma N na karaoia am kariki b'a te botannaomata ae e kakannato.

Itaia 51:2

E rinea Aberaam ao Taara te UEA b'a ami bakatibu. E kakab'aia Aberaam te UEA ao man te aomata ane temanna anne ane a nako maiai kariki aika a m'aiti.

Etekiera 34:26

A na maeka ni katobibia Au maunga are e tabu, ao N na kakab'aiaia ni karokoa te karau ae e korakora

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Tekaria 8:13

Kaain Iuta ma Iteraera, kam a tia n riki b'a b'ai ni kamaraia nakoia botannaomata nako, ma N na kamaiungkami ma ni kairingkami b'a te b'ai ni kakab'aia nakoia. Ma ngaia are, kam na aki maaku ke ni kabuai nanomi.

Warekaia Iteraera 14:12

Ma ngaia are, a na aki atongaki b'a Au aomata, N na tiringiia, ao N na karikiko b'a aia bakatibu botannaomata aika korakora riki nako ia.

Warekaia Iteraera 22:12

Ma E kaeka te Atua ni kaangai, “Ko na aki iriia ana taan ua rongorongo B'araka. I a tia ni kakab'aiaia aomata akana a roko mai Aikubita akanne, ma ngaia are, ko na aki katekebuakaia.”

Warekaia Iteraera 23:20

Akea riki te b'ai ae I kona ni karaoia i rarikin mwiokoau mai Rouna are te kakab'aiaia aomata aikai. I aki kona ni bita te b'ai are a tia ni karaoia.

I-Rom 4:11

Ao e anganaki te kanikina are te korotabonim'aneaki, b'a kanikinaeani kaetan arona n reitaki ma te Atua are e reke i rouna n ana onimaki ngke e tuai ni korotabonim'aneaki. N te aro aei, ao e riki Aberaam b'a kaanga tamaia akana onimaki ni kabaneia, e aoria ngkana a tuai ni korotabonim'aneaki; ao a butim'aeaki iroun te Atua b'a aomata ngaiia aika a tia ni kaetaki aroia n reitaki ma Ngaia.

I-Karatia 3:14

b'a e aonga n reke kakab'aian Aberaam irouia aomata aika tiaki I-Iutaia irouni Kristo Iesu, ao b'a e aonga n reke iroura n te onimaki te Tamnei are e atongaki n te taeka n akoi.

I-Karatia 3:7

Ma ngaia ae kam na ataiia aika onimaki, b'a bon natin Aberaam.

Te Tua-Kaua 26:5

Ao i mwiina, kam na tei i matan te tabo n taromauri, ao kam na tataro ni kaangai: Bon akea aia auti ngkoa au bakatibu, kaain Aram ake a nako ni maeka i Aikubita. Bon te utu ngkoa ngaiia ao ti tabeman ngaiia i abaia, ma a rikirake m'aitiia ao korakoraia, bon te botannaomata ngaiia ae kauaomata.