Karikani B'aai 12:16 - Te B'aib'ara

¹⁶ Ao e a rangi n akoa Aberam te uea i bukin neierei, ao e anganna nanai n tiibu, nanai ni kooti, nanai ni kao, nanai n aati, nanai ni kamero, ao ana toro aika m'aiti.

Karikani B'aai 12:16 ပူးပေါင်းရင်းမြစ်များ

Karikani B'aai 13:2

Ao bon te aomata ae rangi ni kaub'ai Aberam n te tiibu, ma te kooti, ma te kao, ao ai uana naba ma te tirewa ma te koora.

Karikani B'aai 13:6

Ma ngaia are, e a aki tau te tawaana n uteute i bukiia ni kauoman ngkai a bootaki ni maeka, b'a a rangi ni m'aiti aia nanai ni man.

Karikani B'aai 16:1

Ao e tuai mani karika natin Aberam Nei Tarai are buuna. Ma bon iai ana toro te aine Nei Tarai ae kaain Aikubita ae arana Nei Aka,

Karikani B'aai 20:14

Ma ngaia are, e a kaoka Nei Taara Abimereka nakon Aberaam, ao e anganna naba n te tai arei ana tiibu, ao ana kao, ao ana taani m'akuri.

Karikani B'aai 24:35

E a tia ni kakab'aiaa au toka are te UEA, ao E karikia b'a te aomata ae kaub'ai. E anganna ana nanai n tiibu, ana nanai ni kao, ana tirewa, ana koora, ana toro aika aine ma mm'aane, ana kamero, ao ana aati.

Karikani B'aai 26:14

Ao a rangi ni bakantang i rouna kaain Biritia i bukina ngke a rangi ni m'aiti ana tiibu, ana kao, ao ana toro.

Karikani B'aai 30:43

Ao e a rangi ni kaub'ai Iakob'a n te aro anne. A rangi ni m'aiti ana nanai ni man ma ana toro, ana kamero, ao ana aati.

Karikani B'aai 32:5

A m'aiti au nanai ni kao, ma au nanai n aati, ma au nanai n tiibu, ma au nanai ni kooti, ao au toro. I kanakoa au bubuti nakoim b'a ko na kab'ara au bure.”

Iobi 1:3

ao iai naba ana man aika itiua te nga te tiibu, tenua te nga te kamero, teuana te nga te kao, ma a kabaeaki ni kakauoman. Bon iai naba ana taani m'akuri aika rangi ni m'aiti, ao bon ngaia naba te kabanea ni kaub'ai n aomata n aaba ake i mainiku.

Iobi 42:12

Ao E kakab'aia nikirani maiun Iobi te UEA nakon bongin maiuna are rimoa. Ao E b'aini 10,000 te tiibu Iobi, ma 6,000 te kamero, ma 2,000 te kao, ao 1,000 te aati.

Ruka 12:45

Ma ngkana e kangai te toro arei i nanona, E baenikai n roko au mataniwi; ao e moana oreaia tooro mm'aane ma tooro aine, ao e am'arake ma ni mooi, ao e kakoroa ni manging;