Karikani B'aai 11:9 - Te B'aib'ara

⁹ E aranaki te kaawa ae buubura arei b'a B'abera i bukina ngke E kaminoi aia taetae aomata ni kabane te UEA iai, ao maikanne are E a kauamaenakoia aomata i aon te aonnaba.

Karikani B'aai 11:9 ပူးပေါင်းရင်းမြစ်များ

Karikani B'aai 10:10

A reke ngkoa i nanon abana B'aburon, Ereka, ao Akata, a bane ni mena ni katenua i nanon B'aburon.

Karikani B'aai 10:20

Ao aikai kanoan Am, ake a maeka ni baronga, ao aaba aika kakaokoro, ao a boni kakaokoro aia taetae n aia m'akoro nako.

Karikani B'aai 10:25

Iai natin Ebera uoman mm'aane: aran temanna bon Bereka, i bukina ngke a tib'auaaki aomatan te aonnaba n ana tai ni maiu; ao aran are temanna bon Ioketan.

Karikani B'aai 10:5

Bon ngaiia aia bakatibu aomata ake a maeka i mataniwiin taari, ao i aon taian abam'akoro. Ao aikai kanoan Iabeta, ake a maeka n aia baronga, ao abaia aika kakaokoro. A bon kakaokoro aia taetae n aia m'akoro nako.

Taian Areru 55:9

Te Uea, Ko na kamangaongaoi aia taetae taan ribaai, B'a I noori m'akuri ni kakeru ma aaro ni kiriwe i nanon te kaawa.

M'akuri 17:26

ao E karikiia botannaomata ni kabaneia mairoun te aomata ae temanna, b'a a na maeka i aon te aba ni kabane; ao E a kamani bairea te tai are a na maeka iai, ma tiani neia ni maeka.

1.I-Korinto 14:23

Ma ngaia aei, ngkana tao a bane kaain te ekaretia ni botaki, ao a bane n taetae n taetae aika aki ataaki, ao ngkana a rin i buakoia aomata akana aki onimaki ma akana kan rin n te ekaretia ma a tuai n rin, ao tiaki b'a a na taku b'a kam rangirang?