Karikani B'aai 11:4 - Te B'aib'ara

⁴ Ao a taku, “Ti nang karaoa ngkai te kaawa ae buubura ae iai tauana ae roota karawa, b'a ti na karekea atongara iai, ao ti na aki manga uamaae nako n te aonnaba.”

Karikani B'aai 11:4 ပူးပေါင်းရင်းမြစ်များ

Karikani B'aai 6:4

Ao a mena i aon te aba aomata aika taian toa ni boong akekei, ake aia kariki taian aine ake bon aomata ma natiia kaaini karawa. Ao boni ngaiia aomata aika a kakannato ma ni korakora n taai ake ngkoa.

2.Tamuera 8:13

E buakaniia ana taanga ni buaka Etom n te M'arua are Taari ao e tiringiia 18,000 tautia. E karaoa te kanuringa ngke e oki.

Taian Areru 107:26

A tabekaki rake i aon taubukin naao, ao a manga uotaki rikaaki nakon are i nano. A nako nanoia n te kabuanib'ai are a taonaki iai;

Taian Areru 92:9

Noria, ane a na bane ni mate aiam, ao a na bane n taenikai akana buakaka.

Taeka n Rabakau 10:7

A aki toki n ururingaki aomata aika a raoiroi e ngae ngkana a maan nako, ma a kai m'anuokinaki aika a buakaka.

Ieremia 51:53

E ngae ngke a roota karawa oon nako B'aburon, ma e na urua te kaawa ae e buubura aei te taanga ni buaka ae N na karokoa. Bon aei Au taeka Ngai ae te UEA.

Taniera 4:11

Ao e a rikirake ni korakora ma ni korakora ni karokoa e a roota karawa, ao e a kona n nooraki irouia aomata nako n te aonnaba.

Taniera 4:22

“Te uea ae ko karineaki, boni ngkoe te aroka are e rietaata ma ni korakora. Ko a tia n rikirake n rangi ni korakora n te aro are ko a roota karawa, ao e rooti taabo nako n te aonnaba aei m'aakam.

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Ruka 1:51

E karaoi m'akuri aika m'aaka ni baina, E kamaaeia nako akana kainikatonga n iangoan nanoia.

Ioane 5:44

Kam na kanga ni kona n onimakinai ngkai kam butim'aea te kamoamoaki mairoun temanna ma temanna, ao kam aki ukoukora te kamoamoaki mairoun Temanna are bon ti Ngaia te Atua?

Te Tua-Kaua 1:28

Ti a rangi ni maaku i bukina b'a a taku koraki ake a nako n tuoa te aba b'a a rangi ni buubura kaawa akekei, ma ooia aika rietaata nako karawa. Ao a ab'ab'aki man korakora riki aomata ake a maeka ikekei nakoira, ao bon taian Anakim tabeman mai buakoia. Bon akea te tabo ae ti na nako iai.”

Te Tua-Kaua 4:27

Bon ti tabeman mai buakomi aika a na maiu, ao E na kanakoingkami te UEA man te aba, ao E na kamaenakoingkami i buakoia botannaomata.

Te Tua-Kaua 9:1

Kam na ongora Iteraera irou. Kam a kaan ri nanon te karaanga are te Ioretan nakon te aba ma ni kakionakoia botannaomata ake a maeka ikekei. A boni korakora riki nakoimi, ao a rietaata nako karawa oon aia kaawa.