Karikani B'aai 10:10 - Te B'aib'ara

¹⁰ A reke ngkoa i nanon abana B'aburon, Ereka, ao Akata, a bane ni mena ni katenua i nanon B'aburon.

Karikani B'aai 10:10 ပူးပေါင်းရင်းမြစ်များ

Karikani B'aai 10:9

Ao n ana buobuoki te UEA, ao e bon riki ngaia b'a te tia kaeman ae bane arona, ao bon anne bukina are a kakaangai iai aomata, “Ke E karikiko te UEA b'a kaanga ai aron te tia kaeman ae bane arona are Nimrota.”

Karikani B'aai 11:2

Ao ngke a tabe ni m'am'ananga n taabo ake i mainiku, ao a roko n te tabo ae aoraoi i B'aburon, ao a tiku ni maeka iai.

Karikani B'aai 11:9

E aranaki te kaawa ae buubura arei b'a B'abera i bukina ngke E kaminoi aia taetae aomata ni kabane te UEA iai, ao maikanne are E a kauamaenakoia aomata i aon te aonnaba.

Karikani B'aai 14:1

Ao a m'ananga ni buaka uea ake aman ake Amrabera are uean B'aburon, Arioka are uean Erata, Ketoreraomera are uean Eram, ao Titara are uean Koiim.

Itaia 10:9

A tia ni konaaki kaawan nako Kareno, Karekemiti, Amata, Arebata, Taamaria, ao Tamateko.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 39:1

E a uea ngkai te m'aane ae Merotaake Baratan i aoni B'aburon. Ao ngke e ataia ae e a marurung Etekia, ao e a kanakoa ana tia uarongorongo ma taian reta ao taiani b'aintangira nakoina.

Ieremia 21:2

“E a tia uean B'aburon are Nebukaneta i B'aburon ao ni buakana Iuta. I butiiko b'a ko na butiia te UEA b'a e na karaoa te kakai i bukiia ara aomata, n aron are e karaoia naba ngkoa rimoa, b'a e aonga n nako ni kiitaniira Nebukaneta.”

Ieremia 50:1

Aio te rongorongo ae e anganai te UEA i bukin te kaawa are B'aburon ma kaaina: Taekina te b'ai ae na riki ao tai katuka naba te rongorongo teuana ma iai.

Ieremia 50:21

E taku te UEA: I a tia n tuangiia ana kairiribai B'aburon ni kaangai, “Buakaniia kaain Merataim ao Bekota. Tiringiia ni kabane! Urui aia b'ai nako!”

Etekiera 27:23

Ko bon karikirake naba ma taan kabob'ai man kaawa aika Aran, Kanne, Eten, Tieba, Atura, ao Kiremata,

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.

Amota 6:2

Noora te kaawa are Karene. Noora naba te kaawa ae ab'ab'aki are Amata, ao ruorikaaki n noora naba aia kaawa I-Biritia are Kate: a bon aki roota tamaroan aaba n uea aika Iuta ma Iteraera, a aki roota naba rababan tiaia.

Mika 4:10

Kam na minomino ni ngirangira n tang ngkami aika kaain Ierutarem n ai aron te aine ae e bung, b'a kam a riai ni kiitana ami kaawa ngkai, ao kam na maeka n taabo aika a m'awawa. Kam na nako B'aburon, ma E na bon kamaiungkami te UEA ikekei mairouia ami kairiribai.

Mika 5:6

A na kataenikaia Aturia are n aban Nimrota n aia b'ai ni buaka, ao a na kamaiura mairouia I-Aturia ngkana a roko ni buakaniira.

Tekaria 5:11

Ao e kaeka ni kaangai, “Nako B'aburon, ike a na karaoa iai te auti i bukin te b'atiketi ao a na katikua i nanona.”