Karikani B'aai 1:29 - Te B'aib'ara

²⁹ Ao E taku te Atua, “Nooria, I a tia n anganingkami kaai n am'arake n aekaia nako i aon te aba aika kaai aika uangingi uaaia n aroia nako, ao kaai aika taiani uaanikai.

Karikani B'aai 1:29 ပူးပေါင်းရင်းမြစ်များ

Karikani B'aai 2:16

Ao E tuangnga ni kaangai, “Ko kona n am'arake ni uaanikain te nne n aroka aei ni kabane,

Karikani B'aai 6:21

Ko na uoti naba am'arake n aekaia nako b'a kanam ma taiani man.”

Karikani B'aai 9:3

Ao kam a kona ni kang irikoia maan ma aroka aika kiriin man te tai aei. I anga ni kabane nako imi b'a kanami.

Iobi 36:31

Ao bon aei arona ni kam'arakeia aomata ma ni kataubobongai am'arake aika rangi ni m'aiti.

Taian Areru 111:5

E kareke kanaia akana karinea; E aki toki n ururinga ana boraraoi ma ngaia.

Taian Areru 115:16

Ana b'ai karawa te UEA n ti Ngaia, ma E anga aonnaba nakoia aomata.

Taian Areru 136:25

E angania b'aai aika maiu ni kabaneia kanaia; b'a akea tokin ana Tangira.

Taian Areru 146:7

E kaeti raoi taekaia akana karawaawataaki, ao E anganganiia akana baki kanaia. E kainaomataia akana kabureaki te UEA

Taian Areru 147:9

E angania maan kanaia ao E kaam'arakeia buniia kunei ngkana a tangi ni baki.

Taian Areru 24:1

Bon ana b'ai te UEA aaba nako, ma kanoaia; te aonnaba ma ake a maeka iai.

Itaia 33:16

A na maeka n taian nono aika a mena i aoni b'aa aika a rietaata, ao a na kang am'arake ao nimaia te ran.

Otea 2:8

E bon aki ataia b'a bon taiani b'aintangira mairou ana uita, te wain ao b'aan te oriwa, kaanga taian koora ma tirewa ake e kamanenai n taromaurian B'aara.

Mataio 6:11

Ko na anganira karara ae ti a tau iai n te bong aei.

M'akuri 14:17

ma e boni ngae n anne, ao E a tia ni kaotiota arona n Atua ni baika raraoi ake E karaoi: b'a E anganingkami te karau mai karawa ma boong ake a uaa iai kai n am'arake; E anganingkami kanami, ao E kaon nanomi n te kim'areirei.”

M'akuri 17:28

b'a boni Ngaia ae ti maiu i rouna, ti kakam'akuri i rouna, ao iai ngaira i rouna; n ai aron are a kaangai ami tia oto-kuna tabem'aang, “B'a ti riki naba mai Rouna.”

1.Timoteo 4:3

a tuangiia aomata b'a a na tai iein, ao a na tai kang am'arake nako, aika E kariki te Atua b'a a na kakanaki ma te katituaraoi irouia aika onimaki ma n ata te koaua.

1.Timoteo 6:17

Ko na tuangiia akana kaub'ai ni b'ain te maiu aei, b'a a na tai kainikatonga ao a na tai onimakina te kaub'ai ae aki teimatoa; ma a na onimakina te Atua, ae kabane b'aai ni kabatiai n anganira b'a ti na kukurei iai.