Karikani B'aai 1:27 - Te B'aib'ara

²⁷ Ao E karaoia aomata te Atua. E karaoia b'a katotongana, E karikia b'a te mm'aane ao te aine,

Karikani B'aai 1:27 ပူးပေါင်းရင်းမြစ်များ

Karikani B'aai 2:18

Ao E taku te UEA ae te Atua, “E bon aki raoiroi b'a e na maiu te mm'aane n ti ngaia. N na karaoa raona ae e tau.”

Karikani B'aai 2:7

Ao E buatii taian tano tabeua te UEA ae te Atua man tanon aonnaba, ao E karaoa te mm'aane mai iai; ao E uka te ikeike ni maiu nako b'angab'angan b'airina, ao e a maiu te mm'aane arei.

Karikani B'aai 9:6

A karikaki aomata b'a katotongan te Atua, ma ngaia are, ane tiringa te aomata temanna, ao e na manga tiringaki i roun te aomata temanna.

Taian Areru 139:14

I katituaraoiko, b'a e kakamaaku ma ni kamimii karaoau iroum; A kamimii baika Ko karaoi, ao I ataia raoi.

Te Minita 7:29

Iai te b'ai teuana ae I ataia: Ti rangi n raoiroi ngkoa ngke e moan karikiira te Atua, ma ngkai a tia ni b'aoua ara iango.

Itaia 43:7

Bon au aomata I karikiia n tatabemaniia nako b'a a na karineai.”

Ieremia 29:6

Kam na iein ao karikiia natimi, ao i mwiina kam na buokiia natimi mm'aane ni kakaaeia buuia ao buokiia naba natimi aine ni kakaaeia buuia, b'a a aonga ni karikiia naba natiia. I tangiria b'a e na rikirake m'aitimi, e na aki rikirake ni uarereke.

Maraki 2:15

E bon aki karikingkami te Atua b'a kam na riki n ti teuana ma buumi? Ao e aera ngkai E karaoa aei? B'a kam aonga ni karikiia natimi, ao kam na kairiia b'a a na riki b'a a na aomata te Atua. Kam na aki manga oki ni karaoa aromi n aki kakaonimaki nakoia buumi.

Mataio 19:4

Ao E kaekaia Iesu ni kangai, “Tiaki kam a tia ni wareka taekan Teuare karaoia aomata ni moani karikan aonnaba, b'a E karaoia b'a te mm'aane ao te aine,

Mareko 10:6

B'a mani moani karikani b'aai ao aei taekana: ‘E karikiia te Atua b'a te mm'ane ao te aine.’

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

I-Ebeto 4:24

ao kam na riki b'a te aomata ae boou, are karaoaki b'a katotongan te Atua, ao ni b'aina te maiu ae itiaki ni koaua.

Te Tua-Kaua 4:32

Kam bon noora aron te UEA ae Atuami ni buaka i bukimi ma ni kaota m'aakana ae korakora, ma ni karaoi taiani kakai aika ab'ab'aki ma ni kakamaaku ngke E kaotinakoingkami mai Aikubita. Kam a riki b'a A na aomata, ao kam ongo b'anaana ngke E taetae nakoimi mai buakon te ai man te Maunga are Tinai. Ao kam boni maiu naba. E a tia n riki te aekaki aei man te tai are E karika iai te aomata te UEA ni karokoa te tai aei? E ngae ngkana kam nakea, ke kam titirakina antai, ma kam na bon karekea naba te kaeka ae ti te bo. Bon akea te atua ae a tia n ongo te aba taekana b'a e kataia ni karaoi b'aai aika ai aron are a tia te UEA ae Atuami ni karaoi.

I-Korote 1:15

Kristo boni katotongan te Atua ae aki nonoraki, ao bon te moa n Nati ae kakannato i aoni b'aai ni kabane aika karikaki.

I-Korote 1:26

are te baere raba, are karabaki ma ngkoangkoa ao mairouia rooro nako; ma ngkai, e a kaotaki nakoia ana aomata aika itiaki.

I-Korote 3:10

ao kam a tia ni karina i aomi te aomata ae boou, are e teimatoa arona ni kakabouaki iroun Teuare karikia b'a katotongana, b'a kam aonga n ataia raoi.

Tani Motiki-taeka 21:22

Ngkana a ngurengure tamaia ke tariia i bukiia, ao ti na kaangai, Taiaoka n nanoangaiia n anganiia m'aane akekei b'a buuia. A aki tau m'aitiia aine ake ti karekeia i bukiia m'aanen Beniamin n te buaka are i Iabeti. Ao kam na bon aki reke n te maraia n aron ara ti boraraoi iai ngkai kam bon aki kariaia b'a a na iein ma natimi aine.