Karikani B'aai 1:11 - Te B'aib'ara

¹¹ Ao E a manga taku te Atua, “Ke a bwebwerake taian aroka n aekaia nako i aon te aba, taian aroka aika manguroroo baaia, ma aroka aika uaanikai aika uangingi uaaia, ao aroka naba aika bon taian uaanikai uaaia (aika iai atiia i nanon uaaia).” Ao e kororaoi bukin are E taekinna.

Karikani B'aai 1:11 ပူးပေါင်းရင်းမြစ်များ

Karikani B'aai 1:12

Ma ngaia are, e karikii aekakin aroka nako te aonnaba, ao E nooria te Atua b'a a raoiroi.

Karikani B'aai 1:29

Ao E taku te Atua, “Nooria, I a tia n anganingkami kaai n am'arake n aekaia nako i aon te aba aika kaai aika uangingi uaaia n aroia nako, ao kaai aika taiani uaanikai.

Karikani B'aai 2:16

Ao E tuangnga ni kaangai, “Ko kona n am'arake ni uaanikain te nne n aroka aei ni kabane,

Karikani B'aai 2:5

Ngke E karaoa karawa ma aonnaba te UEA, ae te Atua, ao bon akea taian aroka ma taian koraa aika bwebwerake n te aonnaba i bukina b'a E tuai karokoa te karau te Atua, ao bon akea naba te aomata are e na m'akuriia te tano ma taian aroka,

Karikani B'aai 2:9

Ao E kariki aekaki n aroka nako ikekei aika tikiraoi b'a a na riki rake ma ni kariki uaa. Ao iai aroka i nuukana, ae te aroka ae anga te maiu, ao te aroka ae anga ataan te raoiroi ma te buakaka.

Iobi 28:5

A maiu taian aroka i aon te tano, ma a bane n uruakaki b'aai ni kabane n te ai n are i aan te tano.

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taian Areru 147:8

E kaona karawa n taian nang; E katauraoa te karau i bukin aon te aba ao E karikirakei uteute i aoni maunga.

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Ieremia 17:8

A na riki b'a kaanga taian aroka aika a maiu i rarikin te raanga n ran aroka aika a roko wakaaia n te ran ao baaia aika a mawaawa n taai nako. A katiinakoa te uaa ni katoa ririki ao a aki konaa n tare n te ran.

Mataio 3:10

Ao e tauraoi ngkai te angaraa ni korei kaai mani wakaaia; te kai are aki kariki uaa aika raraoi, e na koreaki ni kab'akaki, ao e na teweaki nako nanon te ai.

Mataio 6:30

Ma ngkana e kunnikaiaki iroun te Atua te uteute ae mena n te aba ae maiu n te bong aei ao e karenakoaki nako nanoni nnen te ai ningabong, ao tiaki kam na kakoaua b'a E na boni karekei kunnikaimi, ngkami aika karako ami onimaki?

Mareko 4:28

Te tano, boni ngaia ae e karikirakea te aroka ao e kauaaea naba: e kaoti moa te raibwebwe, ao rimwi te ari, ao rimwi te uaa n te ari.

1.I-Korinto 15:38

Te Atua E angan te uaa anne te rab'ata n ai aron nanona, ao E katoai uaa nako ma aron rab'ataia.

Ebera 6:7

B'a e kakab'aiaki iroun te Atua te tano ae a tia n oonga te karau ae b'ab'aka i aona, ae e kariki aroka aika bongana nakoia akana e ribanaaki i bukiia.

Iakobo 3:12

Tariu, e kona te biiku ni karika te oriwa? Ao e kona te kureebe ni kariki biiku? Ao e aki kona naba te karika te ran ae mam te ran ae taari.