I-Rom 9:33 - Te B'aib'ara

³³ n ai aron are koreaki ni kaangai: “Noria, I kawenea i Tion te atibu ae a na reke waeia iai aomata, ao a na b'aka; ao ane onimakinna ao e na aki kamaamaeaki.”

I-Rom 9:33 ပူးပေါင်းရင်းမြစ်များ

Taian Areru 118:22

Te atibu are a kakeaa bonganana taani kateitei, e a riki b'a te kabanea ni kakawaki.

Taian Areru 119:116

Anganai korakorau n ai aron am taeka, b'a I aonga ni maiu; Tai kab'ara nanou man au kaantaninga!

Taian Areru 25:20

Kamanoai ao kamaiuai. Kawakinai b'a N na aki konaaki, ngkai nneu ni kamaiu Ngkoe.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 45:17

Ma Ngai ae te UEA, N na bon teimatoa ni kaawakina Iteraera ma ni kararoa man te kamaamaaeaki.

Itaia 54:4

Kam na aki maaku ke ni mamaa ao kam na aki buuang. E na aki b'ara nanomi. Kam na m'aninga ae bon taani bure ngkoa ngkami ma ngke kam uarereke; Ani katoka te mamaa i bukina ngkai ai akea buum.

Mataio 21:42

E taku Iesu nako ia, Kam tuai ni wareka are n te B'aib'ara are kangai: Te atibu are kakeaki bongana irouia taani kateitei, E a riki b'a bouan te maninganinga; Aei ana m'akuri te Uea, ao e kamimii i matara!

Mataio 21:44

Ao ane b'akara te atibu aei, ao e na m'aototo iai; ma ngkana e b'akara temanna, ao ane na kamanatua ni kamantintia.

I-Rom 10:1

Taari, aio ae tangiraki i nanou ao au tataro nakon te Atua i bukiia Iteraera, b'a a na kamaiuaki.

I-Rom 10:11

B'a e kaangai te B'aib'ara, “Ane onimakinna ao e na aki kamaamaeaki.”

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.

I-Karatia 5:11

Ma ngaia aei, taari, ngkana I bon tabe naba n tataekina te korotabonimm'aane b'a e riai, ao e aera ngkai I teimatoa ni b'ainikirinaki? Ma ngkana I tuangiia aomata b'a a na korotabonim'aneaki, ao e a aki riki ngkanne taekan te kaibangaki b'a te b'ai ni kab'akab'aka.

I-Biribi 1:20

n ai aron nanou ae korakora ma au kaantaninga b'a N na aki mamaa n te b'ai teuana, ma N na rangi n ninikoria n taetae n ai aron aroarou n taai nako ao ngkai naba, ni kaota neboakini Kristo n rab'atau, tao ni maiu ke ni mateu.

2.Timoteo 1:12

ao aei bukin ae I maraki iai i bukini baikai. Ma I aki mamaa, b'a I ata Teuare I onimakinna, ao I aki nanokokoraki b'a E boni kona ni kawakina te baere E a tia ni mwiokoai iai ni karokoa te bong arei.

1.Ioane 2:28

Ma ngaia aei, ngkami aika ataei aika kam uarereke, kam na nim ma Ngaia; b'a ngkana E a manga oki Kristo, ao ti na aki maaku ma ni kaota ae ti rangi ni mamaa i Rouna i matana.