I-Rom 9:21 - Te B'aib'ara

²¹ Akea ana riai te tia karaoi b'aai man te bokaboka b'a e na karaoa te boora ae katamaroaaki ma te boora ae akea katamaroaana man ti teuana te b'ariko ni bokaboka?

I-Rom 9:21 ပူးပေါင်းရင်းမြစ်များ

Taeka n Rabakau 16:4

Bon iai bukin b'aai nako aika e karaoi te Atua, e kamaiuia aomata aika a buakaka ti i bukin katuaaeaia.

Itaia 10:15

Uean Turia, e konaa te tanai ke te tao ni karanganakoa teuare e b'ainna? E konaa te boora te kai n tabeka te aomata are e tabekia?

Itaia 45:9

Iteraera, bon akea riaim b'a ko na kauntaeka ma te Tia Karikib'ai. Bon ti te m'angko te tano ngkoe ae ko borikaki iroun te tia karao m'angko. E aki konaa n titiraki te m'angko te tano, “E aera ngkai ko karaoai n te aekaki aei A anga taningau?”

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Ieremia 22:28

Ieoiakin, ko aki tangiraki kaanga te b'aata te kaatiibu ae e a uruaki. Ma ngaia are, kam na tewenakoaki ngkoe ma natim nakon te aba ae ko tuai man ongongo ma ngkoa.

Otea 8:8

Iteraera, ko a uruaki, ao ko a atongaki ngkai irouia botannaomata b'a akea bonganam.

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

I-Rom 9:11

B'a ngke a tuai ni bungiaki natina, ngke a tuai ni karaoa ae e raoiroi ke ae buakaka, ao e kaangai te taeka nakoina, “E na toro te karimoa iroun te karimwi.” E taekina aei b'a e na kaotaki iai arona n rinea te nati ae temanna b'a e nako man oin ana kaantaninga;

I-Rom 9:18

Ma ngaia ae E nanoangaea ae E kan nanoangaia te Atua, ao E kamatoatoa nanon ane E kani kamatoatoa.

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”