I-Rom 9:17 - Te B'aib'ara

¹⁷ B'a E kaangai te Atua nakoni B'arao n te B'aib'ara, “I karikiko n uea i bukin aei: b'a N na kaota m'akau i roum, ao b'a e aonga n ataaki arau i aonnaba ni bane.”

I-Rom 9:17 ပူးပေါင်းရင်းမြစ်များ

Etita 4:14

Ngkana ko aki kakarongoa n te aekaki n tai aei, ao ane e na roko te buoka mai karawa nakoia taian I-Iutaia, ao ane a na kamaiuaki, ma ane ko na mate ngkoe ma ana utu tamam, ma ni kamaunaaki. Antai ae e ataia, ao tao ko boni karikaki b'a te ueanaine i bukin te tai aei.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Taeka n Rabakau 16:4

Bon iai bukin b'aai nako aika e karaoi te Atua, e kamaiuia aomata aika a buakaka ti i bukin katuaaeaia.

Itaia 19:12

A ngaa ngkai m'aane aika a rabakau aikai? ngkana a konaa, ao ke a taekinna b'a tera ae e iangoia te UEA ae Moan te M'aaka i bukin Aikubita.

Itaia 37:20

Ma bon ara UEA ao Atuara! Ti butiiko b'a ko na kamaiura mai roun uean Aturia. Ao ane a na ataiko iai aomata ni kabane n taian botannaomata b'a bon ti Ngkoe te UEA.

Taniera 4:22

“Te uea ae ko karineaki, boni ngkoe te aroka are e rietaata ma ni korakora. Ko a tia n rikirake n rangi ni korakora n te aro are ko a roota karawa, ao e rooti taabo nako n te aonnaba aei m'aakam.

Ioane 17:26

I a tia ni kaota aram nakoia, ao N na bon aki toki ni kaotiotia nakoia, b'a a aonga n tangiria aomata n ai aron am tangira nako iu, ao b'a I aonga n nim ma ngaiia.”

I-Rom 11:4

Ma e kangaa ana taeka te Atua nakoina? E kaangai, “Iai au aomata aika 7,000 aika I katikuia, aika a aki taromauria B'aara.”

I-Karatia 3:22

Ma e taku te B'aib'ara b'a a bane aomata nako ni mena i aani m'aakan te bure; ma ngaia are ana taeka n akoi te Atua bon i bukiia akana onimakina Iesu Kristo.

I-Karatia 3:8

E a kaman ataia te B'aib'ara, b'a te Atua E na karekea reitakiia aomata aika tiaki I-Iutaia ma Ngaia n te onimaki; ao e taekina te euangkerio nakon Aberaam rimoa, ao e kaangai, A na bane ni kab'aia botannaomata i roum;

I-Karatia 4:30

Ma e kanga te B'aib'ara? “Kanakoa te toro te aine ma natina; b'a e na bon aki b'aib'ai natin te aine are te toro ma natin te aine are te inaomata.”

Iotua 9:9

Ao a karakina aia rongorongo ae kaangai, “Ti bon roko man te aba ae raroa kinokino, b'a ti a tia n ongo taekan te UEA ae Atuami ma baike e karaoi ni kabane i Aikubita,

1.Tamuera 4:8

Ti a bon reke n te kangaanga ae moan te ab'ab'aki! Antai ae kona ni kamaiura mairouia atua aika m'aaka akekei? Bon taian atua naba ake a karaoi b'aai aika kakamaamate ngkoa nakoia kaain Aikubita i nanon te rereua.