I-Rom 9:13 - Te B'aib'ara

¹³ N ai aron are koreaki ni kaangai: I tangira Iakob'a, ma I riba Etau.

I-Rom 9:13 ပူးပေါင်းရင်းမြစ်များ

Karikani B'aai 29:31

Ao ngke E nooria te UEA b'a e aki tangiraki riki Nei Reea nakon Nei Rakera, ao e karaoa Nei Reea b'a e na kakariki, ma e tiku n aki kakariki Nei Rakera.

Karikani B'aai 29:33

Ao e a manga bikoukou riki, ao e a manga bungiia te nati te mm'aane. Ao e taku, “E a tia ni manga anganai riki te UEA te nati te mm'aane aei, i bukina ngke E ongo ae I aki tangiraki.” Ma ngaia are, e aranna b'a Timeon.

Taeka n Rabakau 13:24

Ngkana kam tangiriia ami ataei, ao kam na riai ni kaetiia; ao ngkana kam aki tangiriia, ao kam na aki kaetiia.

Mataio 10:37

Ane tangira riki tamana ma tinana nako Iu, ao e aki tau b'a e na riki b'a au reirei; ao ane tangira riki natina te mm'aane ke natina te aine nako Iu, ao e aki tau b'a e na riki b'a au reirei.

Mareko 12:10

Kam tuai ni wareka te taeka are n te B'aib'ara are kangai: ‘Te atibu are a ribaia taani kateitei b'a akea bonganana, e a riki b'a te atibu ae moan te kakawaki i buakon atibu nako.

Ruka 14:26

Ngkana iai ae kan riki b'a au reirei ma e aki riba tamana ma tinana ma buuna ma natina ma tarina ma m'anena, ma n aki riba naba maiuna, ao e aki kona n riki b'a au reirei.

Ioane 12:25

Ane tangira maiuna ao e na kabua; ao ane riba maiuna n te aonnaba aei, ao e na kawakinna nakon te maiu are aki toki.

Te Tua-Kaua 21:15

Ngkana tao arona b'a uoman buun te m'aane temanna, ao e tangira riki are temanna nakon are temanna. Ao ane moan bungiia natina te karimoa te m'aane mairouia aine aikai, ao e na atongaki b'a a na karimoa te m'aane anne, e aoria naba ngkana natin te aine are e aki bati n tangiraki iroun buuna. Ao ngkana e a kara te m'aane ma ni kaaniia matena, ao e na kataboroa tib'an te karimoa te m'aane, ti i bukina ngke bon te moan bungiaki ngaia.