I-Rom 8:38 - Te B'aib'ara

³⁸ B'a I boni koaua b'a e aki kona te mate, ke te maiu, ke anera, ke baika iai m'akaia ma aroia n tautaeka i karawa, ke b'aai aika boou, ke baika na roko,

I-Rom 8:38 ပူးပေါင်းရင်းမြစ်များ

Ioane 10:28

I angania te maiu are aki toki, ao a na bon aki mate; ao akea ae kona ni buribaiia mairou.

I-Rom 14:7

B'a akea i buakora ae maiu bon i bukina, ao akea naba ae mate bon i bukina.

I-Rom 14:8

B'a ngkana ti maiu, ao ti maiu i bukin te UEA, ao ngkana ti mate, ao ti mate naba i bukin te UEA. Ma ngaia ae ngkana ti maiu ke ti mate ao ana b'ai naba te UEA ngaira.

I-Rom 4:21

ma nanona ae koaua raoi b'a E na boni kakoroa bukin ana taeka n akoi te Atua.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

1.I-Korinto 15:24

ao rimwi te toki, are E na anga iai te tautaeka Kristo nakon te Atua are te Tama, ngkana E a tia ni kamaunai aaro n tautaeka, ma n tau aaro nako, ma aeka ni m'aka nako.

2.I-Korinto 11:14

Akea te bae e kamimii iai, b'a aio naba aron Tatan: e kona n onikia b'a aongkoa te anera ae raneanea taraana.

2.I-Korinto 4:13

B'a e koreaki ae kangai, “I onimaki, ma ngaia are I taetae.” Ngkai iai i roura te onimaki ae ti te bo arona ma aei, ao ngaia ae ti taetae naba

I-Ebeto 1:21

ike E tautaeka iai i aoia uea ni kabaneia, ma ake a korakora, ma ake a m'aaka, ma ake a tautaeka, ao i aoia aara ni kabane aika atongaki, tiaki i aon ti te aba aei, ma i aon naba te aba are na roko.

I-Korote 1:16

B'a a karikaki b'aai ni kabane mai Rouna, ake i karawa ma ake i aon te aba ake a noraki ma ake aki noraki, ma baika iai m'akaia ma aroia n tautaeka; a bane ni karikaki mai Rouna, ao i bukina.

I-Korote 2:15

ao i aon te kaibangaki anne, E a kainaomataki Kristo i Rouna mani m'aakaia uea ma ake a tauu aroia aomata; E karaoia b'a b'aai ni kamataku nakoia aomata ngke E kairiia n ana m'aati n tokanikai b'a taenikai.

2.Timoteo 1:12

ao aei bukin ae I maraki iai i bukini baikai. Ma I aki mamaa, b'a I ata Teuare I onimakinna, ao I aki nanokokoraki b'a E boni kona ni kawakina te baere E a tia ni mwiokoai iai ni karokoa te bong arei.

Ebera 11:13

A bane ni mate i nanon te onimaki Aberaam, Itaaka ao Iakob'a ngke a tuai n reke i rouia baike a atongaki n taeka n akoi akekei; ma a nori mai kiraroa, ao a kukurei iai, ao a taku b'a bon I-anena ngaiia ao aomata aika maeka n iruwa i aon te aba.

1.Betero 3:22

are nako karawa, ao E mena i angaatain te Atua, n tautaeka i aoia anera ma ake iai m'akaia ma aroia n tautaeka.