I-Rom 8:33 - Te B'aib'ara

³³ Antai ae iai ana taeka ni bukiniia akana rineaki iroun te Atua? Bon te Atua ae kaetiia.

I-Rom 8:33 ပူးပေါင်းရင်းမြစ်များ

Taian Areru 35:11

Iai ake a kewe n aia kaotioti i buku; Ao a bukinai b'a I karaoi m'akuri ni kakeru aika I aki atai.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Ruka 18:7

Ao te Atua, tiaki E na iri taangaia ake a rineaki i Rouna, ake a tangitangira buokaia ni ngaina ao ni bong? E na kamanna n aki kaekai tangitangiia?

I-Rom 3:26

ma n taai aikai ao E mutiakin aia bure aomata, b'a E na kaota arona ae eti; n te aro aei ao E a kaotia iai te Atua b'a E b'ab'aina te eti, ao E kaeti aroia aomata nako aika onimakina Iesu, n reitakiia ma Ngaia.

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

I-Karatia 3:8

E a kaman ataia te B'aib'ara, b'a te Atua E na karekea reitakiia aomata aika tiaki I-Iutaia ma Ngaia n te onimaki; ao e taekina te euangkerio nakon Aberaam rimoa, ao e kaangai, A na bane ni kab'aia botannaomata i roum;

1.I-Tetaronike 1:4

Ti ataingkami, taari, aika kam tangiraki iroun te Atua, b'a E a tia n rineingkami;

Tito 1:1

Ngai ae B'auro, ana toro te Atua, ao ana tia tuatua Iesu Kristo, i bukin aia onimaki ake a rineaki iroun te Atua, ma ataakin te koaua n te Aro ni Kristian.

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.