I-Rom 8:30 - Te B'aib'ara

³⁰ Ao E weteia naba ake E a kamani baireia; ao ake E weteia E kaeti naba aroia n reitaki ma Ngaia; ao ake E kaeti aroia n reitaki ma Ngaia, E neboia naba.

I-Rom 8:30 ပူးပေါင်းရင်းမြစ်များ

Itaia 41:9

I uotiko nako ikai man iteran te aonaaba ae e raroa nako ao I kaangai, “Bon au tia m'akuri ae e rineaki ngkoe ae I aki konaa ni m'aninga taekam.”

Ioane 17:22

I angania te neboaki are Ko anganai, b'a a aonga n riki n teuana, n ai arora ngkai teuana Ngaira;

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

Ioane 5:24

“Bon te koaua ni koaua ae I a tuangngkami, b'a ane ongo au taeka ao e onimakina Teuare kanakomaiai, ao e na reke i rouna te maiu are aki toki. E na aki motikaki taekana; e a tia ni kitana te kawai are e na mate iai, ao e a toua te kawai are e na maiu iai.

I-Rom 1:6

Kam warekaki naba i buakoia te botannaomata anne, ngkami aika kam weteaki b'a ana b'ai Iesu Kristo:

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

I-Rom 8:21

b'a a na kainaomataki man te mka are a na bane n roko iai, ao a na karekea te aro n inaomata ae akea n ai arona are aia b'ai natin te Atua.

I-Rom 8:28

Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

1.I-Korinto 1:2

Nakon ana ekaretia te Atua are i Korinto, ake aomata ni kabaneia ake a kaitiakaki i nanoni Kristo Iesu, ake a rineaki b'a ana aomata te Atua, ma aomata ni kabaneia n taabo nako ake a taromauria ara UEA are Iesu Kristo, are aia UEA ma ngaira.

1.I-Korinto 1:9

E bon riai n onimakinaki te Atua, are Ngaia ae weteingkami b'a kam na i raorao ma Natina are Iesu Kristo are ara UEA.

1.I-Korinto 2:7

Ti taekina rabakaun te Atua ae akea temanna ae ata arona, are te rabakau ae raba, are E a tia ni motika taekana te Atua, i m'ain rikin aonnaba, b'a E na karekea iai arora n neboaki.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

2.I-Korinto 4:17

B'a rawawatara ngkai ae bebete e na uotiira nakon te mimitong ae e raka arona ae e aki totoki ae akea aroni kabotauana.

I-Karatia 1:15

Ma ngke E kukurei nanon Teuare a tia n rineai mai nanoni biroton tinau, ma ni weteai n ana akoi,

I-Karatia 1:6

I mimi ngkai kam kai rairaki mairoun Teuare weteingkami n ana akoi Kristo, nakon te euangkerio teuana;

I-Karatia 5:8

Tiaki mairoun Teuare weteingkami te aro n anai nano anne.

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

I-Ebeto 1:5

E a kaman tia ni baireia, n ai aroni kukurein nanona, b'a ti na natinaki i rouna iroun Iesu Kristo.

I-Ebeto 2:6

ao ngkai ti katiteuanaki ma Kristo Iesu, ao E a manga kamaiura ma Ngaia man te mate ao E katekatekaira ma Ngaia i karawa,

I-Ebeto 3:11

n ai aron nanona ma ngkoangkoa are E kakoroa irouni Kristo Iesu are ara UEA.

I-Ebeto 4:4

Ti teuana te rab'ata, ao ti temanna te Tamnei are Raoiroi, n ai aron naba weteami b'a kam weteaki nakon te kaantaninga ae ti teuana.

I-Korote 3:4

Ngkana E kaotaki Kristo, are maiura, ao ane kam na kaotaki naba ma Ngaia n neboaki.

1.I-Tetaronike 2:12

Ni kaungaingkami, ma ni kabebeteingkami, ma n tuatuangkami b'a kam na b'aina te maiu ae boraoi ma nanon te Atua, ae weteingkami nako nanon ueana ma neboakina.

2.Timoteo 2:11

E koaua te taeka ae kaangai: “B'a ngke ti mate ma Ngaia, ao ti na maiu naba ma Ngaia;

Ebera 9:15

I bukin aei ngkanne, ao Kristo boni Ngaia ae buoka reken te boraraoi ae boou, are a kona iai te koraki ake a weteaki iroun te Atua ni kab'aib'aiaki n te kab'aia ae akea tokina, are E a tia te Atua n taekinna n ana taeka n akoi. E kona ni karaoaki aei i bukina b'a iai te mate are kainaomataia aomata man taiani bure ake a karaoi ngke bon iai te moa ni boraraoi.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Betero 3:9

Kam na tai kabooa te buakaka n te buakaka, ao te taetaebuaka n te taetaebuaka; ma kam na taetae ni kakab'aiaia aomata; b'a kam weteaki nakon aei, b'a kam aonga ni karekea te kakab'aiaki.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

2.Betero 1:10

Ma ngaia aei, taari, kam na rangi ni kekeiaki m'aaka ni kaotingkami ni maiumi b'a kam boni weteaki ma n rineaki; b'a ngkana kam karaoa aei, ao kam na bon aki b'aka.

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 19:9

Ao e taku te anera nako iu, “Ko na korea ae kaangai, A a kab'aia akana kaoaki nakon ana am'arake ni mare te Tiibuteteei.” Ao e kaangai naba, “Taeka aikai bon taeka aika koaua aika ana taeka te Atua.”