I-Rom 8:29 - Te B'aib'ara

²⁹ B'a te koraki ake E a kaman rineia ngkoa, E a kamani baireia naba b'a a na riki ni katotonga Natina, b'a E aonga n riki b'a te karimoa i buakoia taari aika bati.

I-Rom 8:29 ပူးပေါင်းရင်းမြစ်များ

Taian Areru 1:6

A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.

Taian Areru 89:27

N na karikia b'a natiu ae te karimoa, ae te kabanea ni kakannato i buakoia uea.

Te Otinako 33:12

E taku Moote nakon te UEA, “I ataia b'a ko a tia n tuangai b'a N na kairiia aomata aikai nakon te aba are Ko berita iai nakoia. Ma Ko bon tuai tuangai b'a antai ae e na riki b'a au kauoman. Ko a tia n taekinna b'a raoraou Ngkoe ao Ko kukurei i rou.

Te Otinako 33:17

Ma ngaia are, E taku te UEA nakoina, “N na karaoi b'aai n aron are kam a tia ni buubutiai iai, i bukina b'a bon raoraou ngkami ae I kukurei i roumi.”

Ieremia 1:5

“Ieremia, bon Ngai am Tia Karikib'ai, I a kaman rineiko b'a ko na taetae ibuku nako ia taian botannaomata i m'aain bungiakim.”

Mataio 12:50

B'a ane toua mwin ana taeka Tamau are i karawa, ao bon tariu, ao m'aneu, ao tinau.”

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Mataio 28:10

E taku Iesu nako ia, “Kam na aki maaku! “Kam na nako n tuangiia tariu b'a a na nako Kariraia, ao ane a na norai ikekei.”

Mataio 7:23

Ao Ngai N na kangai nako ia, Bon te akea reitakiu ma ngkami; naako mai Rou, ngkami aika kam tuai mani karaoa nanon te Atua.

Ioane 17:16

Tiaki ana b'ai te aba ngaiia, n ai arou ngkai tiaki ana b'ai te aba Ngai.

Ioane 17:19

Ao I tabuai i bukiia, b'a a aonga n tabuaki n am taeka aika koaua.

Ioane 17:26

I a tia ni kaota aram nakoia, ao N na bon aki toki ni kaotiotia nakoia, b'a a aonga n tangiria aomata n ai aron am tangira nako iu, ao b'a I aonga n nim ma ngaiia.”

Ioane 20:17

E taku Iesu nakoina, “Tai riingai, b'a I tuai n rierake nakon Tamau; ma ko na nakoia tariu ao ko na atong au taeka aikai nakoia, I rierake nakon Tamau, are Tamami naba, ao Atuau, are Atuami naba.”

I-Rom 11:2

E aki kaaki taekaia ana botannaomata te Atua ake E a tia n rineia ma ngkoa. Kam aki ata rongorongon Eria n te B'aib'ara, ngke e kabuakakaia Iteraera nakon te Atua? B'a e kaangai:

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

I-Rom 9:23

E kaota aron neboakina ngke E nanoangaiia aomata ake E a tia n rineia b'a a na reke naba tib'angaia n neboakina.

1.I-Korinto 15:49

Ao ngkai ti katotonga aron te aomata are karikaki man te tano, ao ti na manga katotonga naba aron te Aomata are mai karawa.

1.I-Korinto 2:7

Ti taekina rabakaun te Atua ae akea temanna ae ata arona, are te rabakau ae raba, are E a tia ni motika taekana te Atua, i m'ain rikin aonnaba, b'a E na karekea iai arora n neboaki.

1.I-Korinto 8:3

ma ngkana e tangira te Atua te aomata, ao e bon ataaki i Rouna.

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

I-Ebeto 4:24

ao kam na riki b'a te aomata ae boou, are karaoaki b'a katotongan te Atua, ao ni b'aina te maiu ae itiaki ni koaua.

I-Biribi 3:21

are E na oniki rab'atara aika mangori, b'a a na riki n ai aron rab'atana ae mimitong, ni kabonganaan te m'aaka are E kona iai n tauu taekani b'aai ni kabane.

I-Korote 3:10

ao kam a tia ni karina i aomi te aomata ae boou, are e teimatoa arona ni kakabouaki iroun Teuare karikia b'a katotongana, b'a kam aonga n ataia raoi.

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.

1.Betero 1:20

E a kaman rineaki n ai aron nanon ma ana baire ma ngkoangkoa te Atua ngke a tuai ni karikaki b'aai, ma E a kaotaki ni boong aikai aika kabaneani boong i bukimi,

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.

Te Kaotioti 13:8

Ao ane a na taromauria te man arei aomata nako i aonnaba, ake a aki koreaki araia ni bokin te maiu ma ngke a moa ni karikaki aonnaba; ao te boki arei bon ana boki te Tiibuteteei are kamateaki.