I-Rom 8:28 - Te B'aib'ara

²⁸ Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

I-Rom 8:28 ပူးပေါင်းရင်းမြစ်များ

Karikani B'aai 50:20

Kam kam'aneai, ma E a tia n rairia te Atua nakon te b'ai ae e raoiroi, b'a aonga ni kaawakinaki maiuia aomata aika m'aiti aika maiu n te bong aei man te b'ai are a tia n riki.

2.Tamuera 16:12

Ma I taku b'a ngkana e ongo te UEA taeka ni kamaraia aikai ma n noora te kangaanga ae I a mena i nanona, ao I taku b'a E na bon nanoangaai ao N na aki maraia.

Neemia 1:5

Te UEA ae Atuan karawa, Ko kakannato ao Ko maakaki. Ao Ko bon kaakakoroa bukin am berita nakoia aomata ni kabane akana a tangiriko ma n ongotaeka n am babaaire.

Taian Areru 69:36

A na abanna naba aia kariki akana toro i rouna, Ao a na maeka iai akana tangira te UEA.

Te Otinako 20:6

Ma I kaota Au tangira nakon tengaa te roro aika a tangirai ma n ongotaeka nakon au tua.

Ieremia 51:29

E unoraki ao e rairaki te aonnaba nakon te kamarakaki ae e korakora, i bukina ngke I iangoia b'a N na karika B'aburon b'a e na rereua ae akea ae e na konaa ni maiu iai, ao I aki konaa ni bita nanou.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Mareko 12:30

Ko na tangira te Uea ae Atuam ma nanom ni kabanea, ao maium ni kabanea, ao wanawanam ni kabanea, ao korakoram ni kabanea.’

M'akuri 13:48

Ngke a ongo aei aomata aika tiaki I-Iutaia, ao a kim'areirei, ao a kamoamoa ana taeka te Atua; ao a onimaki aomata ake a rineaki nakon te maiu are aki toki.

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

I-Rom 8:30

Ao E weteia naba ake E a kamani baireia; ao ake E weteia E kaeti naba aroia n reitaki ma Ngaia; ao ake E kaeti aroia n reitaki ma Ngaia, E neboia naba.

I-Rom 9:11

B'a ngke a tuai ni bungiaki natina, ngke a tuai ni karaoa ae e raoiroi ke ae buakaka, ao e kaangai te taeka nakoina, “E na toro te karimoa iroun te karimwi.” E taekina aei b'a e na kaotaki iai arona n rinea te nati ae temanna b'a e nako man oin ana kaantaninga;

1.I-Korinto 1:2

Nakon ana ekaretia te Atua are i Korinto, ake aomata ni kabaneia ake a kaitiakaki i nanoni Kristo Iesu, ake a rineaki b'a ana aomata te Atua, ma aomata ni kabaneia n taabo nako ake a taromauria ara UEA are Iesu Kristo, are aia UEA ma ngaira.

1.I-Korinto 1:24

ma nakoia aika rineaki iroun te Atua, aika I-Iutaia ma I-Erene, boni m'aakan te Atua ao rabakauna naba.

1.I-Korinto 1:9

E bon riai n onimakinaki te Atua, are Ngaia ae weteingkami b'a kam na i raorao ma Natina are Iesu Kristo are ara UEA.

1.I-Korinto 2:9

Ma e a tia taekana n ai aron are koreaki ni kangai: “Baike e tuai n nori te mata, ao e tuai n ongo te taninga, ao e tuai n reke n ana iango te aomata, boni ngaai baike E katauraoi te Atua i bukiia ake a tangiria!”

2.I-Korinto 5:1

B'a ti ataia b'a ngkana e uruaki te um'a n rianna ae i aon te aba ae nera ni maeka, ao bon iai te auti mairoun te Atua, ae te nne ni maeka ae aki karaoaki ni baiia aomata, ae te auti ae aki kona n uruaki, are i karawa.

I-Karatia 1:15

Ma ngke E kukurei nanon Teuare a tia n rineai mai nanoni biroton tinau, ma ni weteai n ana akoi,

I-Karatia 1:6

I mimi ngkai kam kai rairaki mairoun Teuare weteingkami n ana akoi Kristo, nakon te euangkerio teuana;

I-Karatia 5:8

Tiaki mairoun Teuare weteingkami te aro n anai nano anne.

I-Ebeto 3:11

n ai aron nanona ma ngkoangkoa are E kakoroa irouni Kristo Iesu are ara UEA.

I-Ebeto 4:1

Ma ngaia ae I butingkami, ngai ae I kabureaki i bukin te UEA, b'a kam na karaoi baika boraoi ma nanon te weteaki are kam weteaki nako iai:

Te Tua-Kaua 6:5

Ma ngaia are, kam na tangira te UEA ae Atuara ma nanomi ni kabane, tamneimi ni kabane, ao korakorami ni kabane.

Te Tua-Kaua 8:16

Ao E anganingkami naba te maana, te aekaki n am'arake ae a tuai ma ongongo taekana ami bakatibu. E kataingkami te UEA b'a kam aonga n onimakinna, b'a E aonga ni karaoa ae raoiroi nakoimi rimwi.

I-Biribi 3:14

Ma ngaia are I kabirim'aakai nakon te tia b'a n na karekea te kaniwanga, are bon ana weewete te Atua i nanon Iesu nakon te maiu are i karawa.

1.I-Tetaronike 5:9

B'a tiaki ana kaantaninga te Atua b'a E na kareke kaira, ma ana kaantaninga b'a ti na karekea te maiu iroun ara Uea are Iesu Kristo,

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Ebera 9:15

I bukin aei ngkanne, ao Kristo boni Ngaia ae buoka reken te boraraoi ae boou, are a kona iai te koraki ake a weteaki iroun te Atua ni kab'aib'aiaki n te kab'aia ae akea tokina, are E a tia te Atua n taekinna n ana taeka n akoi. E kona ni karaoaki aei i bukina b'a iai te mate are kainaomataia aomata man taiani bure ake a karaoi ngke bon iai te moa ni boraraoi.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Betero 3:9

Kam na tai kabooa te buakaka n te buakaka, ao te taetaebuaka n te taetaebuaka; ma kam na taetae ni kakab'aiaia aomata; b'a kam weteaki nakon aei, b'a kam aonga ni karekea te kakab'aiaki.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

1.Ioane 4:10

Aio te tangira, tiaki ngke ti tangira te Atua; ma E tangirira, ao E kanakomaia Natina b'a te kareanraoi i bukin ara bure.

1.Ioane 4:19

Ti b'aina te tangira, i bukina b'a E tangirira moa.

Te Kaotioti 3:19

Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.