I-Rom 8:27 - Te B'aib'ara

²⁷ Ao te Atua are noori nanoia aomata ni kabaneia E ata nanon te Tamnei, i bukina b'a E bubuti i bukiia ake a itiaki n aron nanon te Atua.

I-Rom 8:27 ပူးပေါင်းရင်းမြစ်များ

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

1.Rongorongo 29:17

Ma ti kukurei b'a a tia aomata ni kabane n anganano ni baikai. Ko bon atai nanoia aomata ni kabane, ao ko boni kukurei ngkana a karaoa ae e raoiroi aomata nako.

Taian Areru 139:1

Te UEA, Ko a tia ni kekera nako arou ao Ko ataai.

Taian Areru 38:9

Te Uea, Ko atai baika I tangiri ni kabane; E aki raba rawawatan nanou mairoum.

Taian Areru 44:21

Ao Ko na kamani kunea: b'a Ko atai nanora aika raba.

Taian Areru 7:9

Bon te Atua ae ko raoiroi ngkoe ae ko motiki taekan ara iango ma nanora. Katoki aia m'akuri aomata aika buakaka ao kakab'aiaia akana a kaakaraoa ae e raoiroi.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Ieremia 11:20

I tataro nakon te UEA ni kaangai, “Te UEA ae Moan te M'aaka, Ko bon kaakaraoa ae e raoiroi, ao Ko atai iango ni kabane. Ma ngaia are, I onimakiniko b'a ko na buokai n irataangau.”

Ieremia 17:10

Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Ieremia 20:12

Te UEA ae Moan te M'aaka, Ko kataia akana a karaoa ae e raoiroi, ao Ko atai naano ao iango ni kabane. I a tia n tuangko ngurengureu nako, ngaia ae N na matakuakiniko ngkana Ko a irataangau nako ia au kairiribai nako.

Mataio 6:8

Tai kakairi i rouia, b'a E atai baika kam kainanoi Tamami i m'ain ae kam butiia.

Ruka 16:15

Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.

Ioane 14:13

Ao N na karaoa te b'ai ane kam bubuti i bukina n arau, b'a e aonga ni kaotaki mimitongin te Tama iroun te Nati.

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

M'akuri 1:24

Ao a tataro ni kaangai, “Te UEA, ae Ko atai nanoia aomata, Ko na kaotia b'a antai ae Ko rineia n uake uoman aikai,

M'akuri 15:8

Ao te Atua, are atai naano nako, E kaota aroni butim'aeaia aomata aika tiaki I-Iutaia i rouna ngke E anganiia te Tamnei are Raoiroi, n ai arona naba ngke E anganira;

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

I-Rom 8:6

B'a nanon te rab'ata bon te mate, ma nanon te Tamnei are Raoiroi bon te maiu ao te raoi.

I-Ebeto 2:18

I bukin te baere E karaoia Kristo, ao ngaira aika I-Iutaia ma aika tiaki I-Iutaia ti a kona n roko i matan te Atua iroun te Tamnei ae ti temanna.

1.I-Tetaronike 2:4

ma ngkai ti a tia ni kakoauaki iroun te Atua i mwini kataakira i Rouna b'a ti riai ni mwiokoaki i bukin tataekinan te euangkerio, ao ti bon riai n taetae, n aki kakukureia aomata, ma ti na kakukureia te Atua are Ngaia ae katai nanora b'a ua ra.

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.

Iakobo 5:16

Ma ngaia ae kam na kaotioti ami bure nakoimi, temanna nakon temanna, ao kam na tataro i bukimi, temanna i bukin temanna, b'a kam aonga ni kamaiuaki. E bati ni m'aaka ana tataro te aomata ae kakaraoa nanon te Atua, ngkana e tataro ma nanona.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.