I-Rom 8:26 - Te B'aib'ara

²⁶ Ao ai aron naba te Tamnei b'a E buobuokira ni mamarara: b'a ti aki ata arora n tataro ae riai, ma E bubuti te Tamnei i bukira ni ngirangira aika a aki konaaki n atongaki aroia.

I-Rom 8:26 ပူးပေါင်းရင်းမြစ်များ

Iobi 37:19

Reireiniira ara taeka nakon te Atua; a nanoroo nanora, akea te b'ai ae ti na taekinna.

Taian Areru 10:17

Te UEA, Ko na ongo aia buubuti akana mangori; ao Ko na kakorakorai nanoia.

Taian Areru 102:20

B'a E na ongora ni kainanoia ake a tauaki b'a buure, Ao b'a E na kainaomataia akana a moti taekaia b'a a na kamateaki.

Taian Areru 102:5

I korakai ni ngirangira te maraki, ao I a rangi ni bakitaia.

Taian Areru 6:3

E korakora kiriween nanou. Ai ti maanraa ngkoe Te UEA ao Ko a buokai?

Taian Areru 6:9

E ongo au bubuti ni kani buokaki; E na kaekai au tataro ni kabane.

Taian Areru 69:3

I a kua ni weewete i bukini buokau, ao e a b'aka buau. A kai matau n taratara nako ni kakantaninga buokau mairoum.

B'aeb'aeti 3:56

I buubutiiko b'a ko na ongora. I takaarua ni kaangai, “Buokai. Kamaiuai!” ao Ko kaekaa au tataro

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Mataio 10:20

B'a tiaki ngkami ake kam taetae, ma bon Tamnein Tamami are taetae mai roumi.

Mataio 20:22

Ma E kaeka Iesu ni kangai, “Kam aki ata te b'ai ane kam bubuti i bukina. Kam kona ni moi ni m'angkon te karawawataki ae N nangi nimma?” A taku nako Ina, “Ti kona.”

Ruka 22:44

Ngke E taonaki n te rawawata ae bati, ao E a kakorakora riki n tataro; ao maonona, a riki b'a kanga ai aron timtim n raraa aika buubura aika waanako ni b'aka i aontano.

Ioane 14:16

Ao N na butiia Tamau, ao Ngaia E na anganingkami temanna riki te Tia Buobuoki, b'a E na memena iroumi n aki toki.

I-Rom 15:1

E riai iroura ngaira aika a korakora ara onimaki b'a ti na taotaon nanora nakoia aika a mamara aia onimaki, ao ti na aki iri oin nanora ni karaoa are ti tangiria.

I-Rom 7:24

Te aomata ae kananoanga ngai! Ai antai ae na kamaiuai man te rab'ata aei ae uotai nakon te mate?

I-Rom 8:15

B'a te Tamnei are kam anganaki E aki karikingkami b'a tooro, ao E aki karika te maku i nanomi; ma kam anganaki te Tamnei ae e natinaki te aba i rouna, ao ae ti a kona i rouna ni kaangai iai: “Aaba Tamara!”

2.I-Korinto 5:2

B'a ti ngirangira i nanoni nera ni maeka aei, ngkae e bati i nanora kani karinan ara auti mai karawa i aora;

2.I-Korinto 5:4

B'a ngkai ti boni mena naba n te um'a n rianna aei, ao ti ngirangira ngkai ti rawawata; tiaki ngkai ti kani kaki mai aora karabaara, ma ngkai ti kani manga karina karabara teuana i aora, b'a e aonga n oongaki te baere e mamate n te maiu.

I-Karatia 4:6

Ao ngkai naati ngkami, ao te Atua E kanakoa Tamnein Natina nako nanora, are E tataro ni kaangai, “Aaba, Tamara.”

I-Ebeto 2:18

I bukin te baere E karaoia Kristo, ao ngaira aika I-Iutaia ma aika tiaki I-Iutaia ti a kona n roko i matan te Atua iroun te Tamnei ae ti temanna.

I-Ebeto 6:18

Ao kam na tataro n aki toki n taian tataro ni kabane ma bubuti, n ai aroni kairami iroun te Tamnei; ao kam na kamarurungngkami nako iai, ma n aki b'ara n nano, ni bubuti i bukiia ake a itiaki ni kabaneia,

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

Ebera 5:2

Ngkai a bati naba mamaran te ibonga ae kakannato ao bon iai ana kona n nanoangaia akana karaoi m'akuri aika kairua i bukini babangaia;

Iakobo 4:3

Kam bubuti, ao kam aki anganaki, b'a kioina ngkai kam bubuti n te aro ae aki riai, b'a kam na bakataei ami b'ai i bukin nanomi aika naano n aonnaba.