I-Rom 8:25 - Te B'aib'ara

²⁵ Ma ngkana ti kaantaninga te bae ti tuai n noria, ao ti kakariaria ma te taotaonaki n nano.

I-Rom 8:25 ပူးပေါင်းရင်းမြစ်များ

Karikani B'aai 49:18

“I tataningaa am m'akuri ni kamaiu te UEA.

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Taian Areru 62:1

I taotaona nanou ni kaantaninga te Atua b'a E na kamaiuai; Ti Ngaia mwiokoni maiu.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Ruka 21:19

Ane kam na kareke maiumi n nanom'aakami.

Ruka 8:15

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

I-Rom 12:12

E na reke iroumi te kim'areirei n ami kaantaninga; b'aina te taotaonaki n nano i buakon te rawawata, ao b'aina te tataro n taai nako.

I-Rom 2:7

Nakoia ake a ukoukora te neboaki ma te karineaki ma te aki-mamate, n aia botum'aka ni kakaraoi m'akuri aika raoiroi, ao te maiu are aki toki.

I-Rom 8:23

Ma tiaki ti baika karikaki ae e reke aei i rouia, b'a ngaira naba, aika iai iroura te Tamnei are te moanib'ai n ana b'ai n tituaraoi te Atua: ti ngirangira i nanora ni kaantaninga te natinaki ao kainaomatan rab'atara ni kabane.

I-Korote 1:11

ngkai kam kakorakoraki n te kakorakora ni kabanea, are nako mani m'aakana ae kamimii, b'a e aonga n reke i roumi te nanom'aka ni kabanea ma te taotaonaki n nano ma te kim'areirei;

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

2.I-Tetaronike 3:5

Ao E na kairi nanomi te Uea nako nanon ana tangira te Atua, ao nako nanon nanom'aakani Kristo.

Ebera 10:36

E riai b'a kam na nanom'aka, b'a kam aonga ni karaoa nanon te Atua ao e na reke i roumi iai te baere e taekinaki n te taeka n akoi.

Ebera 6:12

b'a kam na aki taningaroti, ma kam na kakairi irouia ake a tia ni karekea kanoan te taeka n akoi i bukin aia onimaki ma aia taotaonaki n nano.

Ebera 6:15

Ao i bukin aron Aberaam n taotaona nanona, ao e a reke i rouna mwin te taeka n akoi arei.

Te Kaotioti 1:9

Ngai ae Ioane, ae tarimi, ae raomi n uaia n rawawata ma ni kaaina Ueani Kristo ma ni b'aina te nanom'aka ngkai ti reitaki ma Iesu, I mena i aon te abam'akoro ae Batemoti, i bukin ana taeka te Atua ao i bukin naba te koaua are E tataekinna Iesu

Te Kaotioti 13:10

Ngkana iai ane katauaki b'a te taenikai, ao ke e nako b'a te taenikai; ao ngkana iai ane kamatea te aomata n te kabaang, ao e na kamateaki naba n te kabaang. Nanona ngkanne, b'a ake a itiaki a riai n teimatoa n aia onimaki.”

Te Kaotioti 14:12

Aei te nanom'aaka ae kaantaningaki mairouia ake a itiaki, ake a tauu ana tua te Atua, ma ni kakaonimaki nakon Iesu.