I-Rom 8:23 - Te B'aib'ara

²³ Ma tiaki ti baika karikaki ae e reke aei i rouia, b'a ngaira naba, aika iai iroura te Tamnei are te moanib'ai n ana b'ai n tituaraoi te Atua: ti ngirangira i nanora ni kaantaninga te natinaki ao kainaomatan rab'atara ni kabane.

I-Rom 8:23 ပူးပေါင်းရင်းမြစ်များ

2.Rongorongo 31:5

Ao n te tai are a bon tib'a ongo iai aomata te b'ai are e tangiria te uea, ao a uoti naba kabwian aia b'ai ni kabane, n reitaki ma aia kabanea n raoiroi n uita, wain, b'aan te oriwa, ana karewe te manibeeru, ao uaan aia tawaana riki tabeua.

Ruka 20:36

A na riki b'a ai aroia anera ao a na aki kona ni manga mate, ao natin te Atua ngaiia ngkae e a reke i rouia te manga-maiu.

Ruka 21:28

Ngkana a moanna n riki baikai, ao kam na tara rake ao tabeki atuumi, b'a e a kan roko kamaiuami.

I-Rom 5:11

Ao tiaki ti ngaia, ma ti kakatonga iroun te Atua i nanon ara UEA are Iesu Kristo, are ti karekea mai Rouna raoiakinara ngkai.

I-Rom 5:3

Ao tiaki ti aei, ma ti kakatonga n taian rawawata aika ti taonaki iai, ngkai ti ata te rawawata b'a e karika taotaonan te nano;

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.

I-Rom 7:24

Te aomata ae kananoanga ngai! Ai antai ae na kamaiuai man te rab'ata aei ae uotai nakon te mate?

I-Rom 8:19

B'a b'aai ni kabane aika karikaki a tiku ma te ingainga ni kakantaninga te Atua are E na kaotia b'a antai aika bon natina.

1.I-Korinto 1:7

Ma ngaia are akea te b'ai n tituaraoi teuana ae akea i roumi, ngkai kam tiku ni kaantaninga kaotan ara UEA are Iesu Kristo.

2.I-Korinto 1:22

are E kanikinaira b'a ana b'ai, ao E anganira te Tamnei i nanora b'a te kakoaua i bukini baika kawakinaki i bukira.

2.I-Korinto 7:5

B'a ngke ti roko i M'aketonia, ao a aki motirawa rab'atara, ma ti karawawataki n aaro nako, n taiani kauntaeka ma aomata, ao n taiani maaku i nanora.

I-Karatia 5:5

B'a a ingainga nanora ni kakariaria reken reitakira ma te Atua; ao ti kaantaninga aei b'a e na karaoaki ri nanon ara onimaki ni m'aakan te Tamnei.

I-Ebeto 1:14

Ngkai ti anganaki te Tamnei ao ti aki nanokokoraki b'a a na bon reke iroura baike E a tia te Atua n taekin b'a E na anganiia ana aomata; ao n tokina E na anganiia ake ana b'ai te kainaomataaki man te bure, b'a e aonga ni kamoamoaki mimitongina.

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

I-Ebeto 5:9

b'a uaan te oota, te ataataiaomata ni kabanea, ma te raoiroi, ma te koaua,

2.Timoteo 4:8

Ao iai ngkai te kaniwanga i bukini karaoan nanon te Atua are e kawakinaki i buku, are te kaniwanga n tokanikai are E na anganai te Uea ae te Tia Motiki-taeka ae b'ab'aina te eti; ao tiaki ti ngai n anganaki, ma a na anganaki naba aomata ni kabaneia aika tangira kaotina.

Tito 2:13

ngkai ti tataninga te bongi ni kab'aia are ti kaantaningaia b'a e na roko ngkana e kaoti mimitongin Atuara ae kakannato ma te Tia Kamaiu are Iesu Kristo.

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.