I-Rom 8:22 - Te B'aib'ara

²² B'a ti atai baika karikaki b'a a bane n teimatoa ni karokoa ngkai ni ngirangira ma n ariri ni maraki, kaanga ai aron te aine are nangi bung.

I-Rom 8:22 ပူးပေါင်းရင်းမြစ်များ

Taian Areru 48:6

A taonaki n te maaku ae korakora, kanga ai aroia aine aika nangi bung;

Ieremia 12:11

A bane n akea kain taian tawaana aika I noori ao akea temanna ae e tabe iai.

Ieremia 12:4

A na maanra riki te tai ae e na tiku iai te tano ni m'auteretere ao ni b'atakataka taabo n uteute? Ane a na mate mannikiba ma maan nako ao a aki manga oki. Ao a bane n riki baikai ni kabane i bukin aia bure Iteraera. A boni kakaniko naba ni kaangai, “E aki noora te bure ae ti karaoia te Atua.”

Nakoaia Ibonga 26:35

Ngkai buure ngkami n te aba ae kam ianena iai, ao oin abami a na kukurei mani motirawa, b'a e aki reke i rouia ngkoa ni katoa itiua te ririki ngke kam mena iai.

Mareko 16:15

Ao E taku nako ia, Kam na nako n taabo nako ao tataekina te euangkerio nakoia kaain aonnaba ni kabaneia.

Ioane 16:21

Ngkana e a kani bung te aine, ao e nanokawaki, b'a e a roko ana aoa ni maraki; ma ngkana e a tia ni bungia natina, ao e m'aninga taekani marakina, i bukini kukureina b'a e a bungiaki te aomata nako aon te aba.

I-Rom 8:20

B'a b'aai ni kabane aika karikaki a bane ni kakiaki taekaia i aan te aki-nako-raoi, tiaki n oin nanoia, ma n nanon Teuare kaakiia i aana, ma te kaantaninga i bukiia,

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

Te Kaotioti 12:2

E bikoukou neierei; ao e tangi n takarua ngke e ariri, b'a e nangi bung.