I-Rom 8:20 - Te B'aib'ara

²⁰ B'a b'aai ni kabane aika karikaki a bane ni kakiaki taekaia i aan te aki-nako-raoi, tiaki n oin nanoia, ma n nanon Teuare kaakiia i aana, ma te kaantaninga i bukiia,

I-Rom 8:20 ပူးပေါင်းရင်းမြစ်များ

Karikani B'aai 5:29

ao e taku, “Ni moa man te tai are E katekebuaka iai te tano te Atua ni karokoa te tai aei, ao a nang toki rawaawatau man au m'akuri iroun te tei aei.”

Karikani B'aai 6:13

Ao E taku te Atua nakon Nooa, “I a tia ni baaireia b'a N na kamaunaia aomata ni kabane. N na tiringiia n akea nikiraia, i bukina ngkai e a onrake te aonnaba n aia m'akuri ni kakam'arua.

Taian Areru 39:5

Moan te uarereke au bongi ni maiu; m'aitin au ririki ni maiu bon te akea i matam. Te maiu aei kaanga mwemwen te ang,

Te Minita 1:2

Akea nanoni b'aai nako! A bane n akea nanoia. I a tia n noori ni kabane akea nanoni b'aai nako!

Ieremia 12:11

A bane n akea kain taian tawaana aika I noori ao akea temanna ae e tabe iai.

Ieremia 12:4

A na maanra riki te tai ae e na tiku iai te tano ni m'auteretere ao ni b'atakataka taabo n uteute? Ane a na mate mannikiba ma maan nako ao a aki manga oki. Ao a bane n riki baikai ni kabane i bukin aia bure Iteraera. A boni kakaniko naba ni kaangai, “E aki noora te bure ae ti karaoia te Atua.”

Otea 4:3

Ao e a rereua abam. A bane ni mate maan aika a maiu aomata ma maan aika aki manana, mannikiba ao ika.

Ioera 1:18

A tiotio nako ara nanai ni kao n aki akaaka, ma n tangitang b'a akea te uteute, ao a kainano naba taian tiibu.

I-Rom 8:22

B'a ti atai baika karikaki b'a a bane n teimatoa ni karokoa ngkai ni ngirangira ma n ariri ni maraki, kaanga ai aron te aine are nangi bung.

I-Rom 8:24

B'a ti kamaiuaki n te kaantaninga; ma ngkana ti nora are ti kaantaningaia ao bon tiaki te kaantaninga; b'a e aera te aomata ngkae e na kaantaninga te bae e noria?