I-Rom 8:16 - Te B'aib'ara

¹⁶ Ao te Tamnei aei E i buobuoki ma tamneira ni kaotiotira b'a natin te Atua ngaira;

I-Rom 8:16 ပူးပေါင်းရင်းမြစ်များ

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Mataio 5:9

A a kab'aia taan raoi, b'a a na atongaki b'a natin te Atua.

Ruka 20:36

A na riki b'a ai aroia anera ao a na aki kona ni manga mate, ao natin te Atua ngaiia ngkae e a reke i rouia te manga-maiu.

Ioane 1:12

Ma iai ake a m'aneia n akoia, ao a onimakinna. E angania aomata akanne te kona n riki b'a natin te Atua,

M'akuri 5:32

Ao bon taan tataekini baikai ngaira, n ai aron naba te Tamnei are Raoiroi, are E a tia n anga te Atua nakoia ake a ira nanona.

I-Rom 8:14

B'a akana kairaki iroun Tamnein te Atua ao bon natin te Atua.

I-Rom 8:19

B'a b'aai ni kabane aika karikaki a tiku ma te ingainga ni kakantaninga te Atua are E na kaotia b'a antai aika bon natina.

I-Rom 8:23

Ma tiaki ti baika karikaki ae e reke aei i rouia, b'a ngaira naba, aika iai iroura te Tamnei are te moanib'ai n ana b'ai n tituaraoi te Atua: ti ngirangira i nanora ni kaantaninga te natinaki ao kainaomatan rab'atara ni kabane.

I-Rom 8:26

Ao ai aron naba te Tamnei b'a E buobuokira ni mamarara: b'a ti aki ata arora n tataro ae riai, ma E bubuti te Tamnei i bukira ni ngirangira aika a aki konaaki n atongaki aroia.

I-Rom 9:26

ao n te tabo are e taekinaki iai ae kaangai nakoia, ‘Tiaki au aomata ngkami,’ ao a na atongaki naba iai b'a natin te Atua ae maiu.”

I-Rom 9:8

Nanona ngkanne b'a naati ake a bungiaki n te rab'ata tiaki natin te Atua; ma naati ake a bungiaki b'a kakoroan nanon te taeka n akoi a atongaki b'a ana kariki ni koaua Aberaam.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 1:22

are E kanikinaira b'a ana b'ai, ao E anganira te Tamnei i nanora b'a te kakoaua i bukini baika kawakinaki i bukira.

2.I-Korinto 5:5

Ao Teuare katauraoira nakon te oneaki aei bon te Atua, are anganira te Tamnei b'a kakoauan te oneaki aei b'a e na bon riki.

2.I-Korinto 6:18

N na riki b'a Tamami, ao ngkami kam na riki b'a natiu mm'aane ma natiu aine, bon ana taeka te UEA are Moan te M'aka.”

I-Karatia 3:26

B'a kam a riki b'a natin te Atua ngkami ni kabaneingkami n onimakinan Kristo Iesu.

I-Karatia 4:6

Ao ngkai naati ngkami, ao te Atua E kanakoa Tamnein Natina nako nanora, are E tataro ni kaangai, “Aaba, Tamara.”

I-Ebeto 1:13

Ao ngkami naba, ngke kam ongo taekan te koaua, are te euangkerio are b'aini kamaiuami, ao kam onimakinna naba; ao kam anganaki te Tamnei are Raoiroi b'a kanikinaean ae ana b'ai te Atua ngkami, te Tamnei aei are atongaki n te taeka n akoi.

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

Te Tua-Kaua 14:1

Kaain Iteraera, bon Ana ataei te UEA ngkami, ma ngaia are, ngkana kam tang i bukin te mate, ao kam na aki korokoroi rab'atami, ke ni koromarai moan atuumi.

1.Ioane 3:1

Nora aroni m'aitin te tangira are E tangirira iai te Atua, b'a ti aonga n atongaki b'a natin te Atua: ao bon natina ngaira. Ma ngaia ae a aki ataira kaain aon te aba, i bukina b'a a aki ata te Atua.

1.Ioane 3:10

A kaotaki natin nako te Atua ma natin nako te riaboro n aei: ane aki karaoa nanon te Atua ao tiaki mairoun te Atua, ao ai uana naba ma ane aki tangira tarina.

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.

1.Ioane 4:13

Ti ataia b'a ti nim ma Ngaia ao Ngaia E nim ma ngaira, n aei, b'a kioina ngkae E a tia n anganira Tamneina.

1.Ioane 5:10

Ane onimakina Natin te Atua ao e kawakini baike E a tia n taekin te Atua b'a a koaua. Ane aki ira nanon ana taeka te Atua ao e riki ngaia b'a te tia kewe, b'a kioina ngke e aki kakoaua ana kaotioti te Atua are E taekinna i bukin Natina.

Te Kaotioti 21:7

Ane tokanikai ao e na b'aib'ai ni baikai; ao N na riki b'a Atuana, ao ngaia e na riki b'a natiu.