I-Rom 7:21 - Te B'aib'ara

²¹ I a kunea ngkanne te tua aei: b'a ngkana I kani karaoa ae e raoiroi, ao iai naba i nanou te kani karaoa ae buakaka.

I-Rom 7:21 ပူးပေါင်းရင်းမြစ်များ

Taian Areru 119:133

Kawakinai b'a N na aki b'aka, n ai aron am Taeka; Ao tai katokanikaia te buakaka i aou.

Taian Areru 119:37

Kawakinai man iaiangoani baika akea bonganaia, Ao anganai te maiu n iran nanom.

Taian Areru 40:12

A bati kaangaanga aika otab'aniniai, a riao m'aitiia! A taonai nako au bure aika bati, ao akea te bae I kona n noria; a m'aiti riki nakon iran atuu, ao e a b'ara nanou.

Taian Areru 65:3

i bukin aia bure. Ti a aki konai moan ara bure, Ma Ko boni kab'arai naba.

Ruka 4:1

Ngke E oki Iesu man te karaanga are te Ioretan ao E kaonaki n te Tamnei are Raoiroi. E kairaki iroun te Tamnei are Tabu nakon te rereua.

Ioane 8:34

E kaekaia Iesu ao E taku, “Bon te koaua ni koaua ae I a tuangngkami b'a ane karaoa ae buakaka ao e toronaki iroun te buakaka.

I-Rom 6:12

Ma ngaia ae tai kauea te bure i nanon rab'atami aika mamate, n ongo iroun aia kaib'ab'aru;

I-Rom 6:14

B'a e na aki uea te bure i aomi; b'a kam aki mena i aan te tua, ma kam mena i aan te akoi.

I-Rom 7:23

ma I nora te tua ae kaokoro ae m'akuri i nanoni b'ain rab'atau, ae te tua ae buakana tuan nanou, ao e tauai b'a te bure ngai nakon tuan te bure ae i nanoni b'ain rab'atau.

I-Rom 7:25

E na katituaraoaki te Atua iroun Iesu Kristo are ara UEA! Ma ngaia ae aio ngkanne arou: b'a I toro iroun ana tua te Atua n nanou, ao rab'atau e toro iroun ana tua te bure.

I-Rom 8:2

B'a ana tua te Tamnei, are karekea te maiu nako ira i nanoni Kristo Iesu, e kainaomataai man ana tua te bure ma te mate.

Ebera 2:17

Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

2.Betero 2:19

A tuangiia b'a a na inaomata, ma ngaiia bon ana toro te buakaka ae kamamate: b'a e toronaki te aomata iroun ane kataenikaiaki i rouna.