I-Rom 6:21 - Te B'aib'ara

²¹ Tera te bae kam karekea ngke kam karaoi ngkoa baike kam mamaa iai ngkai? B'a tokini baikekei te mate.

I-Rom 6:21 ပူးပေါင်းရင်းမြစ်များ

1.Uea 2:26

Ao e kanaanako wetean Abiata are te ibonga te uea are Toromon, ao e taku: “Abiata naako okira mwengam i Anaton. Ko riai n tiringaki naba, ma I aki kani karaoia ngkai. Ngke e uea ngkoa tamau are Tawita, ao ko tararuaa ngkoa te Atiniberita, ao ko ri nanon taai aika a kaangaanga n taai aika a bati ngkoe ma tamau.”

Etira 9:6

ao I tataro ni kaangai: I a bon rangi ni mamaa ni kaaitarako te UEA ae te Atua. A tia n taoniira ara bure ma ara kaairua n ai aron te ieka ae e rooti taiani karawa.

Iobi 33:27

Ane a na taetae i mataia aomata ni kaangai, “I a tia ni bure, I a tia ni karaoa te b'ai ae aki raoiroi, ma e aki katuaaeai te Atua ngke I bon riai ni katuaeaki.

Iobi 40:4

I taetae ni baba te UEA, tera ae N na kona ni kaeka? N na bon aki kataia n taekina riki te b'ai teuana.

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Taian Areru 73:17

ni karokoa are I rin nako n am Tembora; Ao I a ataa ngkanne iai te bae e na riki nakoia aomata akana buakaka.

Taeka n Rabakau 1:31

“Ngkai kam nang boni kana uaan te b'ai ae kam a tia ni karaoia ni karokoa te tai are kam a onrake n te b'ai ae kam a tia ni baaireia.

Taeka n Rabakau 14:12

Kam na taku b'a kam mena n te kawai ni koaua ao ngaia kam a toki n te mate.

Taeka n Rabakau 16:25

N tabetai te b'ai ae e taraa n raoiroi bon te kawai nakon te mate.

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Ieremia 12:13

Au aomata, kam unika te uita, ma kam boboti taian uteute; a tia ni m'akuri korakora, ma bon akea ae a karekea. I bukin uniu ae korakora ao a mate aia ununiki!

Ieremia 17:10

Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Ieremia 3:3

Ma ngaia are, I rawa Ngai ae te UEA ni kab'aka te karau n te aumeaang. Ma ko aki mamaa naba n te b'ai ae ko a tia ni karaoia kaanga te aine ae ainen matawa.

Ieremia 31:19

Ngke ti uarereke ngkoa, ti m'aninga nako ao ti bure, ma i mwiina ti uringaaba n te b'ai ae ti a tia ni karaoia. Ti mamaa ao ti b'ainrang. ao ti tangiria n okiriko.”

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

Etekiera 43:11

ma ngkana a bon raraoma n aia bure, ao ko na kab'arab'araa nakoia tamnein ao tein te Tembora, taian mataroa, baairean karaoana, ao baairean nnen taiani kateitei. Ko na kab'arab'arai taian tua i bukin te taromauri ikekei, ao i mwiina, ko na korei taekan baikai, b'a aonga ni konaa ni kamateb'aii ma n ongotaeka nako iai.

Taniera 12:2

Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

I-Rom 1:32

A bon ata ana taeka te Atua ae kaangai, A riai mateia akana karaoi baikai. A aki ti kakaraoi baikai, ma a boni kaoti naba nanoia aika kukurei ngkana a karaoaki baikai irouia tem'angina.

I-Rom 5:12

Ma ngaia aei, b'a ngkai e roko te bure i aon te aba iroun te aomata ae ti temanna,

I-Rom 6:16

Kam aki ataia b'a ane kam anga ngkami nakoina b'a ana toro n ongeaba i rouna, ao bon ana toro iai ngkami ngkai kam ongeaba i rouna, b'a tao te bure are e mate te aba iai, ke tao te ongeaba are e reke mai iai kaetan arora n reitaki ma te Atua?

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

I-Rom 7:5

B'a ngke ti maiu n iri nanon rab'atara, ao a m'am'akuri i nanoni b'ain rab'atara naano aika kani kakaraoa te bure, aika naano aika bwebwerake ngkai iai te Tua; ao a kariki uaa aika ana b'ai te mate.

I-Rom 8:13

B'a ngkana kam ira nanona ni maiumi, ao ane kam na mate; ma ngkana kam katoki aromi aika buakaka n ana buobuoki te Tamnei, ao kam na maiu.

I-Rom 8:6

B'a nanon te rab'ata bon te mate, ma nanon te Tamnei are Raoiroi bon te maiu ao te raoi.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

2.I-Korinto 7:11

B'a nora te baei, ae karawawatami n reitaki ma nanon te Atua; ai tera arona ni karika te nano ae korakora, ma te nano ni kani kaota ae kam aki bure, ma te nano n un, ma te nano ni maaku, ma te nano n ingainga, ma te nano ni kani kareke kai. Kam kaotingkami ni b'aai ni kabane b'a kam itiaki n te baerei.

Te Tua-Kaua 21:22

Ngkana e tiringaki te tia bure, ma ni katinea rab'atana i aon te aroka,

I-Biribi 3:19

Bon te mate tokiia, ao a atuani birotoia; a kamoamoaia ni baika a riai ni mamaa iai, ao ti te iangoi b'ain aon te aba.

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

Ebera 6:8

Ma ngkana e kariki kaai aika kateketeke ma kaai aika akea bonganaia, ao e aki bongana; e a kaan rekeni kaina, ao n tokina e na kabuokaki.

Iakobo 1:15

Ao te nano ni kaib'ab'aru, ngkana e bikoukou, ao e bungia te bure; ao te bure, ngkana e ikawai, ao e bungia te mate.

Iakobo 5:20

ao e na ataia, b'a ane kaoka te tia bure man arona are kaairua iai, ao e na kamaiua maiun te tia bure anne man te mate, ao a na kamaunaki ana bure aika bati.

1.Betero 4:17

B'a e a roko te tai ae na moanaki iai te motiki-taeka mairouia ana aomata te Atua; ao ngkana e moanaki mai roura, ao e na tera mwina nakoia akana aki ira nanon ana euangkerio te Atua?

1.Ioane 2:28

Ma ngaia aei, ngkami aika ataei aika kam uarereke, kam na nim ma Ngaia; b'a ngkana E a manga oki Kristo, ao ti na aki maaku ma ni kaota ae ti rangi ni mamaa i Rouna i matana.

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Te Kaotioti 20:14

Ao te Mate ma Eriti a teweaki nako nanon te nama are te ai. (Aei te mate are te kauoua, ae te nama are te ai.)