I-Rom 6:19 - Te B'aib'ara

¹⁹ I taetae n ai aroia aomata i bukini mamaran ami atatai; b'a aromi ngke kam anga b'ain rab'atami ngkoa b'a kaanga ana toro te kammaira ma te akiako n akea tuaami iai, ao ai aromi naba ngkai, b'a kam na anga b'ain rab'atami b'a tooro i bukini karaoan te eti, b'a kam aonga n riki b'a ana aomata ni koaua iai te Atua.

I-Rom 6:19 ပူးပေါင်းရင်းမြစ်များ

Nakoaia Ibonga 13:40

Ngkana e mm'aa iran te aomata mai bukin atuuna ke moan atuuna,

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

I-Rom 15:1

E riai iroura ngaira aika a korakora ara onimaki b'a ti na taotaon nanora nakoia aika a mamara aia onimaki, ao ti na aki iri oin nanora ni karaoa are ti tangiria.

I-Rom 3:5

Ma ngkana e kaota aron te Atua arora aika aki eti b'a E karaoa ae e eti, ao tera ara taeka iai? E karaoa ae buakaka te Atua ngke E kareke kai? (I taetae n ai aroia aomata.)

I-Rom 6:13

ao tai angan te bure b'ain rab'atami, b'a a na kabonganaki i bukini kaantaninga aika buakaka; ma kam na anga ngkami nakon te Atua b'a ai aroia aika maiu mai buakoia maate, ao b'ain rab'atami b'a a na kabonganaki i bukini karaoan te eti.

I-Rom 7:23

ma I nora te tua ae kaokoro ae m'akuri i nanoni b'ain rab'atau, ae te tua ae buakana tuan nanou, ao e tauai b'a te bure ngai nakon tuan te bure ae i nanoni b'ain rab'atau.

I-Rom 8:26

Ao ai aron naba te Tamnei b'a E buobuokira ni mamarara: b'a ti aki ata arora n tataro ae riai, ma E bubuti te Tamnei i bukira ni ngirangira aika a aki konaaki n atongaki aroia.

1.I-Korinto 5:6

E aki raoiroi b'a kam na kamoamoa. Kam aki ata te iiti ae ti teutana b'a e kona ni karikirakea te buraawa are na karikaki?

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

1.I-Korinto 9:8

I aki taekini baikai man te iango n aomata. Tiaki b'a aei naba ae e taekinna te Tua?

I-Karatia 3:15

Taari, N na taekina te b'ai ni kakairi man te bae e nonoraki irouia aomata: bon akea temanna ae kona n urua ke ni karakaa riki taekan aia boraraoi aomata aika uoman, ngkana a tia ni karaoia.

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.