I-Rom 6:12 - Te B'aib'ara

¹² Ma ngaia ae tai kauea te bure i nanon rab'atami aika mamate, n ongo iroun aia kaib'ab'aru;

I-Rom 6:12 ပူးပေါင်းရင်းမြစ်များ

Karikani B'aai 4:7

Tiaki ko na boni kukurei ngke ko boni karaoa ae e raoiroi? Ma i bukina ngke ko a tia ni karaoa ae buakaka, ao e aoraia te bure i matan am mataroa. E kan tautaekaniko, ma ko riai n tokanikai i aona.”

Taian Areru 119:133

Kawakinai b'a N na aki b'aka, n ai aron am Taeka; Ao tai katokanikaia te buakaka i aou.

Taian Areru 19:13

Kawakinai naba mani karaoani baika I atai b'a a bure; Tai kariaia b'a a na tautaeka i aou. Ao N na riki ni moan te raoiroi Ao N na kamaiuaki mani buakakan te bure.

Nakoaia Ibonga 13:40

Ngkana e mm'aa iran te aomata mai bukin atuuna ke moan atuuna,

Warekaia Iteraera 33:55

Ngkana kam aki kakioia nako aomata ni kabane akekei, ao ane a na riki b'a kaanga taian kai aika kakang i nanon matami, ao taian m'akei i nuukami. Ao ane a na riki b'a ami kanganga n taai nako,

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

I-Rom 2:8

Ao nakoia ake a ukoukori ti oini kab'aiaia, ake a aki ira nanon te koaua, ma a ira nanon te buakaka, e na roko unin te Atua i aoia ao e na rawawata ana moti nakoia.

I-Rom 5:21

B'a aron te bure ngke e noraki arona n uea n te mate, ao ai arona naba b'a e na uea te akoi ni kaetan arora n reitaki ma te Atua, ao ni kairira naba nakon te maiu are aki toki iroun Iesu Kristo are ara UEA. Ao te bure e karokoa te mate, ao a bane n rotaki aomata ni kabaneia n te mate i bukina b'a a bane ni bure.

I-Rom 6:14

B'a e na aki uea te bure i aomi; b'a kam aki mena i aan te tua, ma kam mena i aan te akoi.

I-Rom 6:16

Kam aki ataia b'a ane kam anga ngkami nakoina b'a ana toro n ongeaba i rouna, ao bon ana toro iai ngkami ngkai kam ongeaba i rouna, b'a tao te bure are e mate te aba iai, ke tao te ongeaba are e reke mai iai kaetan arora n reitaki ma te Atua?

I-Rom 8:11

Ma ngkana E maeka i nanomi Tamnein te Atua, are manga kamaiua Iesu mai buakoia maate, are maeka i nanomi, ao te Atua are kamaiua Kristo Iesu mai buakoia maate E na kamaiu naba rab'atami iroun Tamneina.

I-Rom 8:13

B'a ngkana kam ira nanona ni maiumi, ao ane kam na mate; ma ngkana kam katoki aromi aika buakaka n ana buobuoki te Tamnei, ao kam na maiu.

2.I-Korinto 4:11

B'a ngkai ti maiu ao ti aki toki ni kaitara ma te kanganga ae kaan ae ti na mate iai i bukin Iesu, b'a e aonga ni kaotaki maiun Iesu i nanon rab'atara aika mamate.

2.I-Korinto 5:4

B'a ngkai ti boni mena naba n te um'a n rianna aei, ao ti ngirangira ngkai ti rawawata; tiaki ngkai ti kani kaki mai aora karabaara, ma ngkai ti kani manga karina karabara teuana i aora, b'a e aonga n oongaki te baere e mamate n te maiu.

I-Karatia 5:16

Ma aio au taeka: Kam na kairaki iroun te Tamnei, ao ane kam na aki karaoa nanon te rab'ata ni kaib'ab'aru n aron are e tangiria.

I-Karatia 5:24

Ao akana ana aomata Kristo Iesu a taura te maiu n rab'ata ma nanona ni kammaira ma ni kaib'ab'aru n te kaibangaki.

I-Ebeto 2:3

ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.

I-Ebeto 4:22

Kam na kaaki te aomata nikawai are aromi ni maiu ngkoa, are riki ni buakaka i bukin iran taian nano n kaib'ab'aru aika a m'am'anaa te aba.

Te Tua-Kaua 7:2

E na buokingkami te UEA ni kanakoia man te aba. Ao i mwiina kam na tiringiia n aki manga nanoangaiia teutana. Kam na aki karaoa te boraraoi n raoi ma ngaiia,

1.I-Tetaronike 4:5

ma tiaki n te aro ni kaitataan ni kaib'ab'aru n ai aron ae noraki irouia aomata aika tiaki I-Iutaia aika aki ata te Atua.

2.Timoteo 2:22

Ko na kararoako man naano ni kaib'ab'aru aika naano n rorobuaka n ataei; ao ko na kataa ae ko kona, ni karaoa nanon te Atua, ni b'aina te kakaonimaki, te tangira, ma te raoi; ko na karaoi baikai ni botaki ma te koraki aika m'anewea aran te Uea ma nanoia aika itiaki.

Tito 2:12

Te akoi anne are reireira b'a ti na rawa nakon te maiu are akea karinean te Atua iai ma te maiu n tangiri b'ain aon te aba, ao ti na b'aina te maiu n iango raoi, ae te maiu ae karaoa nanon te Atua ma n i raorao ma Ngaia n te aonnaba aei,

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

1.Betero 1:14

Ngkai naati aika ongeaba ngkami, ao a na tai kairaki maiumi n iangoan nanomi aika bubuaka ake iai iroumi ngkoa ngke kam roo n nano;

1.Betero 2:11

Ngkami akana kam tangiraki, I butingkami ngkai kanga iruwa ngkami ao kanga aomata aika maeka n aki maan n te aonnaba aei, b'a a na aki tauaki aromi n iangoan nanomi aika bubuaka aika aki toki ni buakana te maiu are kam anganaki.

Iuta 1:16

Bon taani b'angantaeka te koraki aei, ao taani ngurengure ma taan iri oin nanoia ni kaib'ab'aru; taan taetae ni kainikatonga, ao a kamoamoaia aomata ni karangiia b'a a aonga n reke i rouia baika tangiri.

Iuta 1:18

B'a a kangai nako imi: “N te tai ae te kabanea n tai, ao a na roko taani kakaniko, aika aomata aika iri oin nanoia ni kaib'ab'aru aika akea i rouia karinean te Atua.”

Tani Motiki-taeka 2:3

Ma ngaia are, N na aki buokingkami ni kataenikaia ami kairiribai. Ma ane a na mena ikekei ni kam'aneingkami n taromauri taiani bouananti.